ដោយៈ​មុនី​រ័ត្ន​/​ភ្នំពេញ​:​សមាជិក​គណៈអចិន្ត្រៃយ៍​នៃ​គណៈកម្មាធិការ​កណ្តាល​និង​ជា​ប្រធាន​យុវជន​គណបក្ស​ប្រជាជន​កម្ពុជា​ថ្នាក់កណ្តាល​រំលឹក​ដល់​ប្រជាពលរដ្ឋ​ចូលរួម​ទៅ​បោះឆ្នោត​ឱ្យបាន​គ្រប់ៗ​គ្នា​និង​សូម​បោះឆ្នោត​ជូន​គណបក្ស​ប្រជាជន​កម្ពុជា ដើម្បី​ផ្តល់ឱកាស​ជូន​សម្តេច​តេ​ជោ​ប្រមុខ​ដឹកនាំ​គណបក្ស ព្រមទាំង​ថ្នាក់ដឹកនាំ សមាជិក សមាជិកា ទាំងអស់ បន្ត​កិច្ច​ការបម្រើ​ជាតិ និង​ប្រជាជន​។

​លោក ហ៊ុន ម៉ា​ណែ​ត នៅក្នុង​ពិធី​សម្ពោធ​ដាក់ឱ្យ​ប្រើប្រាស់​ជា​ផ្លូវការ​អគារ​ស្នាក់ការ​គណៈកម្មាធិកា​រ​គណបក្ស ប្រជាជន​កម្ពុជា​សង្កាត់​ប៉ា​លហាល ក្រុង​ព្រះវិហារ ខេត្តព្រះវិហារ កាលពី​រសៀល​ថ្ងៃទី​១៩ ខែកុម្ភៈ បាន​
​បញ្ជាក់ទៀតថា​សូម​ឲ្យ​ប្រជាពលរដ្ឋ​ជឿទុកចិត្ត​និង​គាំទ្រ​សមិទ្ធផល​និង​គោលនយោបាយ​របស់​គណ​បក្ស ក្នុងការ​បន្ត​កសាង និង​អភិវឌ្ឍ​ប្រទេស ក្រោម​បរិយាកាស​ប្រកបដោយ​និរន្តរភាព​នៃ​សន្តិភាព ស្ថិរភាព​និង​កិត្យានុភាព​ជាតិ ក្នុងនាម​ជា​ប្រទេស​អធិបតេយ្យ​សើ្ម​មុខស្មើ​មាត់​ជាមួយ​គ្រប់​បណ្តា​ប្រទេស​លើ​ឆាក​អន្តរជាតិ​។​ទាំងនេះ​គឺជា​កិច្ច​តបស្នង​គុណ​ចំពោះ​ការជឿជាក់​របស់​ប្រជាពលរដ្ឋ​មកលើ​គណបក្ស​ប្រជាជន​ក្រោម​ការដឹកនាំ​របស់​សម្តេច​តេ​ជោ​៕សរន