​ប្រែ​សម្រួលៈ​បំណង​/​វិច​ធឺ​រៀ​(CNA)៖ អូស្ត្រាលី​កាលពី​ថ្ងៃ​សៅរ៍​ទី​១៩​កុម្ភៈ​បាន​កត់ត្រា​ឃើញ​អ្នក​ស្លាប់​ដោយកូវី​ដ​ចំនួន​៤៣​នាក់ នៅ​ពេល​ខ្លួន​ត្រៀម​ស្វាគមន៍​ទេសចរ​អន្តរជាតិ​ជា​លើកដំបូង​នៅ​ថ្ងៃ​ចន្ទ​​ទី​២១​កុម្ភៈ​បន្ទាប់ពី​បិទ​ព្រំដែន​អស់​ពេល​ជិត​២​ឆ្នាំ​ដើម្បី​ទប់ស្កាត់​ជំងឺឆ្លង​នេះ​។​

​ចំនួន​ស្លាប់​កាលពី​ថ្ងៃ​សៅរ៍ ភាគច្រើន​នៅក្នុង​រដ្ឋ ញូ​វ​សោត​វេលស៍​(New South Wales)​វិច​ធឺ​រៀ​(Victoria)​និង​គ្វី​ន​លែ​ន​(Queensland) ជា​រដ្ឋ​ធំៗ​ដែល​មាន​អ្នក​ឆ្លងកូវី​ដ​១៩​ថ្មី​រាប់ពាន់​​នាក់​ក្នុង​មួយថ្ងៃៗ​។​

​នៅ​ថ្ងៃអាទិត្យ​នេះ អាជ្ញាធរ​បាន​ប្រកាស​អ្នក​ឆ្លងកូវី​ដ​ថ្មី​ជាង​១៦.៦០០​នាក់​និង​៣៣​នាក់​ទៀត​ស្លាប់ ភាគច្រើន​នៅ រដ្ឋ​ញូ​វ​សោត​វេលស៍ រដ្ឋ​វិច​ធឺ​រៀនិ​ង​គ្វី​ន​លែ​ន​។​

​បិទ​ព្រំដែន​កាលពី​ខែ​មីនា​ឆ្នាំ​២០២០ អូស្ត្រាលី​បាន​បើក​ប្រទេស​បណ្តើរ​ចាប់ពី​ខែ​វិច្ឆិកា​ឆ្នាំមុន ដោយ​ដំបូង​អនុញ្ញាត​អោយ​ជនជាតិ​អូស្ត្រាលី​ធ្វើដំណើរ សិស្ស​និស្សិត​អន្តជាតិ​និង​កម្មករ​ជំនាញ​ចូល​របស់​​ទេស​ខ្លួន​ឡើងវិញ ហើយ​ឥឡូវ​ចូល​ដល់​អ្នកដំណើរ​កម្សាន្ត​។​

​សូមបញ្ជាក់​ថា​ក្រោយ​អនុវត្ត​យុទ្ធសាស្ត្រ​កូវី​ដ​សូន្យ​ជាមួយនឹង​វិធានការ​តឹងរឹង​ដែល​នាំ​អោយ​ចំនួន​ឆ្លង​នៅ​ទាប​ធៀប​នឹង​ប្រទេស​ផ្សេង ប្រទេស​នេះ​បាន​ងាក​មក​យុទ្ធសាស្ត្រ​រស់នៅ​ជាមួយកូ​វីដ​១៩ ក្នុង​​ពេល​ខ្លួន​បង្កើន​ការចាក់​វ៉ាក់សាំង​ការពារ​ដើម្បី​កុំអោយ​មាន​អ្នក​ធ្លាក់ខ្លួន​ឈឺ​ធ្ងន់​និង​ចូល​ដេកពេទ្យ​ច្រើន​។​

​សូមបញ្ជាក់​ថា ក្នុងចំណោម​អ្នក​កើតកូ​វីដ​១៩​ប្រមាណ​២,៧​លាន​នាក់​ក្នុង​ប្រទេស​នេះ ភាគច្រើន​បំផុត​ឆ្លង​វីរុស​អូ​មី​ក្រុង​ចាប់ពី​ខែ​វិច្ឆិកា​ឆ្នាំ​២០២១​មក​ក្រោយ​ការបន្ធូរបន្ថយ​វិធានការ​ទប់ស្កាត់​កូវី​ដ​១៩​តែ​ដោយសារ​អត្រា​ចាក់​វ៉ាក់សាំង​ខ្ពស់​ចំនួន​អ្នក​ស្លាប់​ដោយកូវី​ដ​១៩​មាន​ត្រឹមតែ​ក្រោម​៥.០០០​នាក់​៕

​ចាប់ពី​ថ្ងៃ​២១​កុម្ភៈ អ្នកដំណើរ​កម្សាន្ត​និង​អ្នកជំនួញ​អាច​ចូល​អូស្ត្រាលី​