​ដោយ​:​សុវណ្ណ​កុម្ភៈ​/​ភ្នំពេញ​: ព្រឹត្តិការណ៍ AFF U-23 Championship 2022 សម្រាប់​ថ្ងៃទី​២០ កុម្ភៈ គឺជា​ការប្រកួត​បញ្ចប់​ពូ​ល A ដោយ​​ក្រុមយុវជន​អាយុ​ក្រោម​២៣​ឆ្នាំ​របស់​កម្ពុជា​បាត់បង់​ឱកាស​ឡើងទៅ​វគ្គ​៤​ក្រុម​ចុងក្រោយ​បន្ទាប់ពី​ប្រកួត​ចាញ់​ទី​ម័​រ​ខាងកើត ០ ទល់​១ នោះ ។​

នេះ​ជាការ​ចាញ់​ទាំង​មិន​អស់ចិត្ត​ក្នុងឋានៈ​ជា​ក្រុម​ម្ចាស់ផ្ទះ​។ ក្រុមទី​ម័​រ​ខាងកើត រកបាន​មួយ​គ្រាប់​តាំងពី​តង់​ទី ១ មកម្ល៉េះ​ដែល​លទ្ធ​​ផល​នេះ​ត្រូវបាន​រក្សាទុក​រហូតដល់​ចប់​ការប្រកួត​។ សម្រាប់​មួយ​ពូ​ល គឺ​យក​មួយក្រុម​សម្រាប់​ឡើងទៅ​វគ្គ​៤​ក្រុម​ចុងក្រោយ​ដូច្នេះ​៣​ពូ​ល​មាន​​តែ​៣​ក្រុម​ប៉ុណ្ណោះ ។​សម្រាប់​មួយក្រុម​ទៀត​គឺ​ជ្រើសរើស​ចេញពី​ក្រុម​ដែល​លេង​បានល្អ​ជាងគេ​នៅក្នុង​ពូ​ល​ណាមួយ​ដើ​ម្បូ​បង្គ្រប់​ឲ្យ​បាន​៤​ក្រុម​។ ពេល​
​នេះ​កម្ពុជា​នៅមាន​ឱកាស​ចុងក្រោយ​មួយទៀត​សម្រាប់​ឡើងទៅ​លេង​វគ្គ​៤​ក្រុម​ចុងក្រោយ​តែ​អ្វីៗ​វា​នៅ​ស្រពិចស្រពិល​ដោយ​មិនទាន់​ដឹងថា​
ក្រុម​មួយណា​ក្នុងចំណោម​ក្រុម​ដែល​ជាប់​ចំណាត់ថ្នាក់​លេខ​២​មានសំណាង​ឡើងទៅ​នោះឡើយ ។​

​សូមបញ្ជាក់ថា​ក្រុម​កម្ពុជា​៣​ប្រកួត​ក្នុង​ពូ​ល​ឈ្នះ​បាន​២​ប្រកួត និង ចាញ់​មួយ​ប្រកួត​។ ចំពោះ​ក្រុមទី​ម័​រ​ខាងកើត​វិញ​៣​ប្រកួត​ក្នុង​ពូ​ល​​ឈ្នះ​២​ប្រកួត និង ស្មើ​មួយ​ប្រកួត ។ មួយ​ប្រកួត​ទៀត​សម្រាប់​បញ្ច​ប់ពូ​ល A នេះដែរ​ក្រុម​ហ្វីលីពីន​ប​ប្រកួត​ឈ្នះ​ក្រុម​ប្រ៊ុយណេ​២ ទល់​១ ។ ក្រុម​ទាំង​២​នេះ​ទោះបី​ក្រុម​ណា​
​ចាញ់ ឬ ឈ្នះ​ក៏ដោយ​ក៏ត្រូវ​ខ្ទាត​ចេញពី​ការប្រកួត​ដូចគ្នា ។​

​សូមបញ្ជាក់ថា​ក្រុម​ហ្វីលីពីន​៣​ប្រកួត​ក្នុង​ពូ​ល​ឈ្នះ​បាន​មួយ​ប្រកួត​ស្មើ​មួយ​ប្រកួត និង ចាញ់​មួយ​ប្រកួត​ក្នុងខណៈដែល​ក្រុម​មកពី​​ប្រ៊ុយណេ​៣​ប្រកួត​ចាញ់​ទាំង​៣​ប្រកួត​។ ការប្រកួត​ចុងក្រោយ​របស់​ក្រុម​ទាំង​២​នេះ​នៅ​តង់​ទី​១ ហ្វីលីពីន ស៊ី ប្រ៊ុយណេ បាន​១​គ្រាប់​ប៉ុណ្ណោះ​តែ​​មកដល់​តង់​ទី​២ ហ្វីលីពីន រកបាន​មួយ​ក្រាប់​បន្ថែមទៀត​ឯ​ប្រ៊ុ​យ​យ​ណា​ក៏​រកបាន​មួយ​គ្រាប់​ដែរ ៕​