ដោយៈ អង្គា​រ៍​ហេង / ភ្នំពេញៈ បេ​ី​យោងតាម​ប្រភពព័ត៌មាន ពី​មន្ត្រី​សាលា ខណ្ឌដូនពេញ បានឱ្យដឹង នៅ​ព្រឹក​ថ្ងៃ​អង្គារ ទី​៨ ខែមីនា ឆ្នាំ​២០២២​នេះ​ថា ដោយ​អនុវត្តតាម​គោលការណ៍ ដឹកនាំ​របស់លោក សុខ ពេញ​វុ​ធ អភិបាលខណ្ឌ និង​ជា​ប្រធាន គណៈបញ្ជាការ​ឯកភាព ខណ្ឌដូនពេញ កាលពី​ថ្ងៃទី​៧ ខែមីនា ម្សិលមិញ​នេះ បាន​ចាត់​ឱ្យ លោក ចាប ឌី​ណា នាយក​រដ្ឋបាល​ខណ្ឌ ដឹកនាំ​កម្លាំង ចុះ​អនុវត្ត​ការងារ រៀបចំ​សណ្តាប់ធ្នាប់ ក្នុង​មូលដ្ឋាន ខណ្ឌដូនពេញ​។​

​ប្រភព​បាន​បញ្ជាក់ថាៈ អាជ្ញាធរ​ខណ្ឌដូនពេញ បាន​ចុះ​ត្រួតពិនិត្យ​គោលដៅ តាម​ផ្សារ​នានា និង​ទីសាធារណៈ នៅក្នុង​មូលដ្ឋាន ដេ​ី​ម្បី​កាត់បន្ថយ​ការកកស្ទះ​ចរាចរណ៍ ក្នុងនោះ​ ​បាន​ចុះ​រៀបចំ​សណ្តាប់ធ្នាប់ នៅ​មហាវិថី​ព្រះ​នរោត្តម មហាវិថី​ព្រះសីហនុ មហាវិថី​ព្រះមុនីវង្ស តីរវិថី​ព្រះស៊ីសុវត្ថិ ផ្លូវ​លេខ​១៣ ,១៩ ,៩០, ៩២ ,៩៦, ៤៧ ,១៥; ១០៦, ១០៨ ,៩០០, ៩៣ ,៧០ ,៧២ ,៥ ,៤៧ ,៧៤, ៧៦ ,៨០ ,៨៦ ផ្លូវជាតិ​លេខ​៥ ,១៧២, ១៧៤, ១៤៤, ១៤៨, ១៣៦ ។ ជា​លទ្ធផល អាជ្ញាធរ​ខណ្ឌដូនពេញ បាន​ឃាត់​ម៉ូតូ ចំនួន ៨ គ្រឿង និង​ម៉ូតូ​សណ្តោង រ៉ឺម៉ក ចំនួន ១​គ្រឿង ចត​ឥត​សណ្តាប់ធ្នាប់ យកមក​រក្សាទុក នៅ​សាលាខណ្ឌ ។​

​ក្នុងឱកាស​នោះ អាជ្ញាធរ​ខណ្ឌដូនពេញ​ ផ្សព្វផ្សាយ​ហាម​មិនឱ្យ​មានការ​លក់ដូរ នៅលើ​ចិញ្ចើម ផ្លូវ​សាធារណៈ​។

​ដោយឡែក អាជ្ញាធរ​ខណ្ឌដូនពេញ ដាក់​កម្លាំង​ល្បាត និង​ពួនស្ទាក់ តាម​គោលដៅ ឃាត់​រថយន្ត​ធុន​ធំ ចូល​រា​ធានី​ភ្នំពេញ ខុស​ម៉ោង​កំណត់ និង​តាមតម្រាយ​ផ្លូវ ដែល​ត្រូវ​ហាម ឃាត់ ព្រមទាំង​បានដាក់​បទបញ្ជា ឱ្យ​អធិការដ្ឋាន​នគរបាល​ខណ្ឌ បញ្ជាការដ្ឋាន​ខណ្ឌ និង​ប្រជា​ការពារ​ខណ្ឌ ដាក់​កម្លាំង​ចុះ​ល្បាត និង​ដាក់​គោលដៅ​ពួនស្ទាក់ ចាប់​ឃាត់ទុក​រថយន្ត ម៉ូតូ កែ​បំពង់​សំឡេង ខុស​លក្ខណៈ​បច្ចេកទេស ដែល​បណ្តាល​ប៉ះពាល់ ដល់​ការរស់នៅ​របស់ ប្រជាពលរដ្ឋ និង​អ្នកធ្វើ​តាមតម្រាយ​ផ្លូវ ដែល​បាន​ឆ្លងកាត់ និង​បានដាក់​កម្លាំង​ចូលរួម​អនុវត្ត ច្បាប់​ចរាចរណ៍​ជើងគោក នៅ​គោលដៅ​រង្វង់​មូល វិមានឯករាជ្យ​៕/V