ដោយៈ សុ​ផានី​តា / កោះកុងៈ ស្ត្រី​ម្នាក់ និង​ជា​ម្តាយ​របស់​យុវតី​រងគ្រោះ​ផង​នោះ បានដាក់​ពាក្យ​ប្តឹង​ប្តី​របស់ខ្លួន ពីបទ​លួចលាក់​រំលោភ​សេពសន្ថវៈ​កូនស្រី​បង្កើត​របស់ខ្លួន ចំនួន ពីរ​នាក់ បានសម្រេច នៅ​ស្រុក​បូ​ទុម​សាគរ ខេត្តកោះកុង​។​

​លោក ហាក់ ឡេង អភិបាលស្រុក​បូ​ទុម​សាគរ បានឱ្យដឹង​នៅ​ព្រឹក​ថ្ងៃទី​៨ ខែមីនា ឆ្នាំ​២០២២​ថា ស្ត្រី​នោះ​ឈ្មោះ ជ​.​ច​.​ណ អាយុ ៣៧ ឆ្នាំ មុខរបរ​លក់​បន្លែ បានសម្រេច​ដាក់ពាក្យ​បណ្តឹង មកកាន់​ប៉ុស្តិ៍នគរបាល​រដ្ឋបាល ឃុំ​អណ្តូងទឹក ពី​ករណី​ប្តី​របស់ខ្លួន បាន​លួចលាក់ បង្ខិតបង្ខំ កូនស្រី​បង្កើត ចំនួន​ពីរ​នាក់ រំលោភ​សេពសន្ថវៈ ដោយ​សម្រេច​ជាច្រើនលើក កាលពី​ថ្ងៃទី​៤ ខែមីនា កន្លងទៅ ទើបតែ​បែកការណ៍ ខណៈ​ប្តី​ចិត្ត​អប្រិយ៍​របស់ខ្លួន កំពុង​រត់គេចខ្លួន ពី​សំណាញ់​ច្បាប់​។​

​លោក​អភិបាលស្រុក​បូ​ទុម​សាគរ បាន​បន្តថាៈ ម្តាយ​របស់​យុវតី​រងគ្រោះ ខាងលើ មានកូន​ក្នុង បន្ទុកគ្រួសារ ចំនួន ប្រាំ​នាក់ / ស្រី​បីនាក់ បច្ចុប្បន្ន ស្នាក់នៅ​បន្ទប់​ជួល​ដ៏​តូច​លំបាក​។

តាម​ការលើកឡើង​រប​ស់​ស្ត្រី​នោះ ថា​គាត់​មិនអាច​ទ្រាំទ្រ​នឹង​ទម្ងន់ នៃ​ការឈឺចាប់​នេះ​ទេ ដោយ​រៀបរាប់​ខ្លីៗ​ថាៈ កាលពី​ឆ្នាំ​២០២១ យុវតី ដែល​ត្រូវ​ឪពុក​បង្កើត​ខ្លួនឯង ចាប់រំលោភ​ច្រើនលើក​នោះ ហើយ​ថែម​ទាំ​គំរាម​អា​រក សម្លាប់ចោល ទម្លាក់​ទឹក​ព្រែ​កទៀត មានឈ្មោះ ដ​.​ត​.​ហ អាយុ​១៥​ឆ្នាំ និង​ឈ្មោះ​ដ​.​ណ​.​វ អាយុ​១០​ឆ្នាំ​។​

​អាជ្ញាធរ​សមត្ថកិច្ច​ស្រុក បង្ហាញ​ការសោកស្តាយ ជា​ពន់ពេក ចំពោះ​មិនគួរ​ឱ្យ​កើតមាន ក្នុង​មូលដ្ឋាន ចំ​ទិវា​សិទ្ធិនារី​អន្តរជាតិ ៨ មីនា ដោយ​ផ្តល់​ជា​ថវិកា និង​ស្បៀងអាហារ​មួយចំនួន សម្រាប់​ផ្គត់ផ្គង់​ជីវភាព​រស់នៅ បាន​មួយចំណែក ក្នុង​គ្រា​មាន​អាសន្ន​អន់ក្រ​។ ទន្ទឹម​នោះ សមត្ថកិច្ច​ជំនាញ សន្យាថា នឹង​តាម​ចាប់ខ្លួន​បុរស ជា​ប្តី និង​ជា​ឪពុក​ចិត្ត​អប្រិយ៍ គ្មាន​សីលធម៌ មក​ផ្តន្ទាទោស ឱ្យ​ខាន​តែ​បាន ទោះបីជា​បុគ្គល​សង្គម​ស្អប់​មួយរូប​នេះ រត់​ទៅដល់​ទីណា​ក៏ដោយ ក៏​មិនអាច​រួច​ពី​សំណាញ់​ច្បាប់​បានឡើយ​។

​ខេត្តកោះកុង​ប៉ុន្មាន​ថ្ងៃ​ចុង​ក្រោយនេះ គេ​សង្កេតឃើញ​មាន​អំពើហិង្សា សម្លាប់​រវាង​ប្តី និង​ប្រពន្ធ ផងដែរ នៅ​សង្កាត់​ស្ទឹង​វែង ក្រុង​ខេមរភូមិន្ទ​។ ឥឡូវ ក៏មាន​ករណី​ឪពុក​រំលោភ​កូនស្រី​ខ្លួនឯង យូរ​ឆ្នាំ ២ ករណី​ទៀត នៅ​ស្រុក​បូ​ទុម​សាគរ ដែល​ស​បញ្ជាក់ថា ស្ត្រី និង​កុមារី នៅតែ​ជា​ជន ងាយ​រងគ្រោះ​បំផុត ពី​ក្រុម​បុរស​អគតិ បន្ត​រំលោភបំពាន យ៉ាង​ឃោ​ឃៅ ខាង​ផ្នែក​រូបរាងកាយ ផ្លូវចិត្ត និង​ផ្លូវភេទ​៕/V​