​ដោយ​៖​ដេប៉ូ​/​ព្រះសីហនុ​៖​ ដើម្បី​លើកកម្ពស់​លើ​វិស័យ​បរិស្ថាន និង​ក៏ដូចជា​ចង់ កែប្រែ​សាលារៀន​ឱ្យក្លាយ​ជា​ពណ៌​បៃតង​គ្រប់​រដូវ​កាល​ក្រសួងបរិស្ថាន និង​ដៃគូ​បាន​លើក​គម្រោង​បង្កើតឱ្យមាន​សកម្មភាព​កែច្នៃ​ជី​កំ​ប៉ុ​ស្ត នៅតាម សាលារៀន​គោលដៅ​មួយចំនួន​នៅ​ខេត្ត​ព្រះសីហនុ​។​

​ក្នុង​គម្រោង​កម្មវិធី​មួយ​នេះ​ត្រូវបាន​ក្រសួងបរិស្ថាន និង​ដៃគូ បើក​កិច្ចប្រជុំ​រួមគ្នា មួយ​សម្រាប់​ផ្សព្វផ្សាយ និង​ក៏ដូចជា​ណែនាំ​ដល់​សាលារៀន​គោលដៅ​អនុវត្ត​នា ថ្ងៃ​ខាងមុខ​។​ពិធី​នេះដែរ​បានរៀបចំ​ឡើង​នា​ព្រឹក​ថ្ងៃទី​៧ ខែ​មិនា ឆ្នាំ​២០២២ នា​វិទ្យាល័យ ហ៊ុន សែន មិត្តភាព ក្រុងព្រះសីហនុ​។

​ថ្លែង​ក្នុង​ពិធី​នេះ​លោក សុខ គាង រដ្ឋលេខាធិការ​ក្រសួងបរិស្ថាន បាន​បញ្ជាក់ថា លោក​រដ្ឋ​ម​ន្រី្ត​ក្រសួងបរិស្ថាន មានការ​យកចិត្តទុកដាក់ និង​បានផ្តល់​ជាម​តិ ដឹកនាំ​ត្រូវតែ​ជំ​រុញឱ្យ​គម្រោង​នេះ​អនុវត្តបាន​ជោគជ័យ ជា​គំរូរ​សម្រាប់​អនុវត្ត សម្រាប់​សាលា​ផ្សេងៗ​ទៀត​។​

​ជាមួយគ្នា លោក ជា ស៊ីណា បាន​ជម្រាបជូន​អង្គប្រជុំ​អំពី​គោលបំណង និង​អត្ថប្រយោជន៍​នៃ​ការធ្វើ​កំ​ប៉ុ​ស្ត ដែល​មិន​ត្រឹមតែ​ចូលរួម​កិច្ចការ​បរិស្ថាន គឺ​ថែមទាំង​ចូលរួម​ផ្តា​ល់​ប្តូរ​ផ្នត់គំនិត​ក្នុងការ​គ្រប់គ្រង​សំរាម សំណល់​រឹង (​ការញែក ការ​ទុកដាក់​…) ដោយ​បញ្ជ្រាប​ការយល់ដឹង​តាមរយៈ​សិស្ស​។ ហើយ​ដើម្បីឱ្យ គម្រោង​នេះ​អាចអនុវត្ត​បាន​ជោគជ័យ សូម​សំណូមពរ​ឱ្យ​មន្ទីរអបរំ និង​សាលា ដែល​ត្រូវ​ជ្រើស​សម្រាប់​អនុវត្ត ត្រូវ​ផ្តល់​កិច្ចសហការ​ល្អជា​មួ​យម​ន្ត្រី​ជំនាញ អគ្គនាយកដ្ឋាន​គាំពារ​បរិស្ថាន ដែល​នឹង​ចុះ​មកជួយ​សម្របសម្រួល​ផ្តល់ បច្ចេកទេស​។

គួរបញ្ជាក់​ថា​សាលា​ដែលជា​គោលដៅ​សម្រាប់​អនុវត្ត​គម្រោង​ត្រូវមាន​លក្ខណៈសម្បត្តិ​មួយចំនួន​ដូចជា​៖​ត្រូវមាន​ទីតាំង និង​ទំហំ​សមស្រប ទៅនឹង​បរិមាណ សំណល់​ដែល​បង្កើត​ប្រចាំថ្ងៃ​, ត្រូវ​រៀបចំ​ដាក់​ធុង សំរាម​ទៅតាម​ប្រភេទ​សំរាម និង​តម្រូវឱ្យមាន​ការញែក​សំណល់​ទៅតាម​ប្រភេទ​, ត្រូវមាន​ប្រភព​សំណល់ សរីរាង្គ (​សំណល់​មែកឈើ ស្មៅ និង​សំណល់​អាហារ​….), គួរ​បង្កើតឱ្យមាន កម្មវិធី​កាត់បន្ថយ​សំណល់​ប្លា​ស្ទិ​ក​មួយចំនួន​។​

​សម្រាប់​ជា​លទ្ធផល​ក្នុង​ពិធី​នេះ​គឺ​តំណាង​មន្ទីរអប់រំ យុវជន និង​កីឡា​ខេត្ត ព្រះសីហនុ និង​នាយក​សាលា​ទាំង​៥ នៃ​ខេត្ត​ព្រះសីហនុ រួមមាន​៖ ១.​អនុវិទ្យាល័យ ហ៊ុន សែន មិត្តភាព ២.​អនុវិទ្យាល័យ​ក្រុងព្រះសីហនុ ៣.​អនុវិទ្យាល័យ​ព្រៃនប់ ៤.​ស្ទឹងហាវ និង​៥.​អនុវិទ្យាល័យ​វាល​រ៉េ​ញ បាន​ថ្លែង អំណរគុណ ដល់​ក្រសួងបរិស្ថាន និង​មានចិត្ត​សប្បាយរីករាយ ដែល​ក្រសួង បរិស្ថាន​ជួយ​គាំទ្រ និង​ត្រៀម​សហការ​ជានិច្ច​ដើម្បី​គម្រោង​នេះ​អនុវត្ត បាន​ជោគជ័យ​៕/PC