​ប្រែ​សម្រួល : កញ្ញា​ដា​លី​ស (​បាល់ទាត់​) ៖ នៅ​រាត្រី​ថ្ងៃ​ពុធ​នេះ​មាន​ការប្រកួត​បាល់ទាត់​ក្របខ័ណ្ឌ UEFA Champions League វគ្គ​១៦​ក្រុម​ចុង​ក្រោយ​ជើង​ទី​២ ចំនួន​ពីរ​គូ គឺ​រវាង Man City vs Sporting Lisbon និង Real Madrid vs PSG​។ យើង​នឹង​វិភាគ​ជូន​ទាំង​ពីរ​គូ​ដូចខាងក្រោម​។​

– Man City vs Sporting Lisbon

Sporting ត្រូវ​រៀបចំ​ការ​វាយបក​ប្រចាំ​សតវត្សរ៍​ដើម្បី​ឈាន​ទៅ​វគ្គ​១​ភាគ​៤​ផ្តាច់ព្រ័ត្រ​។ ការប្រកួត​ជើង​ទី​១ បាន​បញ្ចប់​ទៅ​ដោយ Man City ឈ្នះ​ក្រៅ​ដី ០-៥ ហើយ​ឥឡូវនេះ​ពួកគេ​រឹតតែ​មាន​ប្រៀប​ឈ្នះ​ថែមទៀត​ព្រោះ​លេង​ក្នុង​ទឹកដី​។​

​កូនក្រុម​របស់​លោក​ប៉េប ហ្គាឌី​អូ​ឡា​គឺ​ជា​ម្ចាស់​ជើងឯក​អង់គ្លេស ហើយ​ពួកគេ​ក៏​ជា​ក្រុម​រំពឹង​ឈ្នះ​ជើងឯក​អឺរ៉ុប​ផង​ដែរ​កាលពី​ឆ្នាំមុន​។ ជា​អកុសល ពួកគេ​ត្រូវបាន​ក្រុម​តោ​ខៀវ Chelsea ទម្លាក់​ក្នុង​វគ្គ​ផ្តាច់ព្រ័ត្រ ដោយ​លទ្ធផល​១-០​។​

​ដូច្នេះ​គេ​អាចនិយាយបាន​ថា ក្រុម​មេឃ​ខៀវ​ឥឡូវនេះ​ប្តេជ្ញាចិត្ត​នាំយក​ពានរង្វាន់​អឺរ៉ុប​លើកដំបូង​មិន​ធ្លាប់​មាន​មក​ទៅកាន់​កីឡដ្ឋាន Etihad ។​

Sporting ជា​ក្រុម​កំពូល​នៅ​ព័រ​ទុយ​ហ្គាល់​។ ប៉ុន្តែ​ពួកគេ​ពិតជា​មិន​មាន​ឱកាស​ទប់ទល់​នឹង​ក្រុម​ដ៏​អស្ចារ្យ​របស់​លោកប៉េ​បបាន​នោះ​ទេ​។ រំពឹង Manchester City ឈ្នះ​ធំ​ម្តងទៀត​ក្នុង​លទ្ធផល​ព្យាករណ៍ ៤-១​។​

– Real Madrid vs PSG

​ក្រុម PSG មានឱកាស​ពិតប្រាកដ​ក្នុង​ការបង្កើន​ទំនុកចិត្ត​ក៏​ដូចជា​ការកសាង​មុខមាត់​ឡើងវិញ​នៅ​ថ្ងៃ​ពុធ​នេះ​ដោយ​យក​ឈ្នះ​នៅ​ទឹកដី Santiago Bernabeu ។ អស់​ជាច្រើន​ឆ្នាំ​មកនេះ ពួកគេ​គឺជា​ក្រុម​ជោគជ័យ​តិចជាងគេ​ក្នុង​បាល់ទាត់​អឺរ៉ុប​។​

​ជាច្រើន​លើក​ច្រើន​សា​មក​ហើយ ពួកគេ​បាន​របូត​ឱកាស​លើ​កពាន​អឺរ៉ុប​។ ប៉ុន្តែ​អ្វីៗ​អាច​ផ្លាស់ប្តូរ​នៅ​ឆ្នាំ​នេះ​។ ពួកគេ​មាន​ខ្សែប្រយុទ្ធ​ជួរមុខ​ល្អ​បំផុត​មិន​ធ្លាប់​មាន​ក្នុង​ប្រវត្តិសាស្ត្រ ដូចជា Lionel Messi, Neymar Jr និង Kylian Mbappe ។​

​ហើយ​ទោះបីជា​ការប្រកួត​ជើង​ទី​១ មិនឃើញ​មាន​គ្រាប់​បាល់​ច្រើន​ក៏​ដោយ ក៏​ប៉ុន្តែ​ក្រុម​របស់​លោក ម៉ូ​រី​ស៊ី​អូ ផូ​ឆេត​ទីណូ នៅតែ​អាច​ឈ្នះ ១-០ ទល់​នឹង​ម្ចាស់​ជើងឯក ១៣ សម័យ Real Madrid ។​

​ហើយ​សម្រាប់​ជើង​ទី​ពីរ​នេះ ស្តេច​ស Real Madrid នឹង​ត្រូវ​លេង​ដោយ​គ្មាន​វត្ត​មាន​តារា​ឆ្នើម Toni Kroos និង Casemiro នៅ​តំបន់​កណ្តាល​។​

​អ្វី​គ្រប់​យ៉ាង​ហាក់ដូចជា​ផ្តល់​អំណោយផល​សម្រាប់​ក្រុម​យក្ស​បារាំង​។ សំណួរ​តែមួយគត់​គឺ​ថា​តើ​បទពិសោធន៍​របស់​ស្តេច​សមាន​ខ្ពស់​ពេក​មិន​អាច​ឱ្យ PSG ផ្តួល​ពួកគេ​បាន​ឬ​យ៉ាងណា​។​

​ដូច​ឃើញជាក់ស្តែង រឿង​នោះ​មិន​រំពឹង​កើត​ឡើង​ទេ​។ PSG គួរតែ​អាចឈាន​ទៅ​វគ្គ​១​ភាគ​៤​ផ្តាច់ព្រ័ត្រ ដោយ​យក​ឈ្នះ​លើ Real Madrid ក្នុង​លទ្ធផល​ព្យាករណ៍ ១-០ ជាថ្មី​ម្តងទៀត​៕

Real អាច​នឹង​វេទនា​ជាមួយ PSG យប់​នេះ​