​ប្រែ​សម្រួលៈ​បំណង​(​ដេល្លី​ម៉េល​)៖ កងកម្លាំង​អ៊ុយ​ក្រែន​នៅ​ថ្ងៃ​ពុធ​ទី​០៩​មីនា​នេះ​កំពុង​បង្កើន​ការការពារ​ទីក្រុង​សំខាន់ៗ​នៅពេល​កាល​រុលទៅមុខ​របស់​កងកម្លាំង​រុស្ស៊ី​ជួប​ការតស៊ូ​យ៉ាង​ខ្លាំងក្លា​នៅ​តំបន់​ខ្លះ​ នេះ​បើ​តាម​ការបញ្ជាក់​ពី​នាយសេនាធិការ​កងកម្លាំង​ប្រដាប់អាវុធ​អ៊ុ​យក្រែន នៅពេល​ទីក្រុង​កំពង់ផែ​យុទ្ធសាស្ត្រ​ម៉ា​រី​វ​ប៉ូល​នៅ​តែ​ត្រូវ​ឡោម​ព័ទ្ធ​ដោយ​ធ្វើអោយ​វិបត្តិ​មនុស្សធម៌​កាន់តែ​កើនឡើង​។​

​នៅ​ទូទាំង​ប្រទេស មនុស្ស​រាប់ពាន់​នាក់​ត្រូវ​គេ​គិត​ថា​ត្រូវ​បាន​សម្លាប់ ទាំង​ជន​ស៊ីវិល​និង​ទាហាន នៅក្នុង​ការប្រយុទ្ធ​គ្នា​រយៈពេល​ពីរ​សប្តាហ៍​ម​ក​នេះ​។​កងកម្លាំង​រុស្ស៊ី​ឃើញ​ការ​រុលទៅមុខ​របស់​ខ្លួន​ត្រូវ​រារាំង​​នៅ​តំបន់​ខ្លះ រួម​មាន​ជុំវិញ​ទីក្រុង​គៀវ ដោយសារតែ​ការ​ទប់ទល់​យ៉ាងខ្លាំងក្លា​ពី​យុទ្ធជន​អ៊ុ​យក្រែន​។​

​នាយសេនាធិការ​កងទ័ព​អ៊ុយ​ក្រែន​បាន​និយាយថា កងកម្លាំង​អ៊ុយ​ក្រែន​កំពុង​បង្កើន​ការការ​ពារ​បណ្តា​ទីក្រុង​នៅ​ភាគ​ខាងជើង ខាងត្បូង​និង​ខាងកើត ហើយ​ថា​កងកម្លាំង​នៅ​ជុំវិញ​ទីក្រុង​គៀវ​កំពុង​​ប្រយុទ្ធ​យ៉ាង​ស្វិតស្វាញ​ទល់នឹង​ការវាយប្រហារ​របស់​រុស្ស៊ី​។​

​នៅ​ទីក្រុង ឆែរ​នី​ហ៊ី​វ​(Chernihiv)ភាគ​ខាងជើង កងកម្លាំង​រុស្ស៊ី​កំពុង​ដាក់​គ្រឿង​បរិក្ខា​យោធា​នៅ​តាម​អាគារ​មនុស្ស​ស្នាក់នៅ​និង​លើ​កសិដ្ឋាន ។​នៅ​ភាគខាងត្បូង ពួក​រុស្ស៊ី​ស្លៀកពាក់​ជា​ស៊ីវិល​និង​​កំពុង​រុលចូល​ទីក្រុង​មី​កូឡាយ​(Mykolaiv)​។​

​លើ​រណសិរ្ស​ការទូត រដ្ឋមន្ត្រីការបរទេស​រុស្ស៊ី​លោក សឺ​ហ្គេ ឡាវ​រ៉ូវ ត្រូវ​រំពឹងថា​នឹង​ជិះ​យន្តហោះ​ទៅ​កាន់​ប្រទេស​តួ​ក​គី​នៅ​ល្ងាច​ថ្ងៃ​ពុធ​ដើម្បី​ជួប​ប្រជុំ​ជាមួយ​សម​ភាគី អ៊ុយ​ក្រែនលោក ឌី​មីត្រូ គូ​ឡេ​បា​(Dmytro Kuleba)​និង​រដ្ឋមន្ត្រី​ការបរទេស​តួ​ក​គី​នៅ​ថ្ងៃ​ព្រហស្បតិ៍​ទី​១០​មីនា​៕

​ទាហាន​អ៊ុយ​ក្រែន​ដើរកាត់​កន្លែង​ធ្លាក់​យន្តហោះ Su-34 របស់​រុស្ស៊ី​នៅ​អាគារ​ប្រជាជន​រស់នៅ​មួយ​ក្នុង​ទីក្រុង​ខា​គី​វ​កាលពី​ថ្ងៃ​៨​មីនា​

​ទាហាន​អ៊ុយ​ក្រែន​ដើរ​ល្បាត​ក្នុង​ទីប្រជុំជន​អៀ​ពី​ន នៅ​ជាយក្រុង​គៀវ​កាលពី​ថ្ងៃ​៨​មីនា​