​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ មន្ទីរ​បញ្ច​កោណ​បាន​បិទទ្វា​រលើ​ផែនការ​ណា​មួយ​ក្នុង​ការផ្តល់​យន្តហោះ​ចម្បាំង MiG ដល់​អ៊ុ​យក្រែន សូម្បី​តែ​ឆ្លងកាត់​ប្រទេស​ទី​ពីរ ដោយ​ហៅ​វា​ថា​ជា​”​ការ​ប្រថុយ​​ដែល​មាន​ហានិភ័យ​ខ្ពស់​” ហើយ​វា​នឹង​មិន​ផ្លាស់ប្តូរ​ប្រសិទ្ធភាព​របស់​កងទ័ពអាកាស​អ៊ុយ​ក្រែន​នោះទេ​។​

​អ្នកនាំពាក្យ​មន្ទីរ​បញ្ច​កោណ​លោក ច​ន កឺ​ប៊ី បាន​ប្រាប់​អ្នកសារព័ត៌មាន​ថា រដ្ឋមន្ត្រី​ការពារជាតិ​ឡយ អូ​ស្ទីន បាន​និយាយ​ជាមួយ​សម​ភាគី​ប៉ូឡូញ​កាលពី​ថ្ងៃ​ពុធ​ហើយ​បាន​ប្រាប់​គាត់​ពី​ការវាយតម្លៃ​​របស់​សហរដ្ឋ​អាម៉េរិក​។​

​លោក​បាន​និយាយថា សហរដ្ឋ​អាម៉េរិក​កំពុង​ស្វែងរក​ជម្រើស​ផ្សេងទៀត ដែល​នឹង​ផ្តល់​នូវ​តម្រូវការ​យោធា​ដ៏​សំខាន់​បន្ថែមទៀត​ដល់​អ៊ុយ​ក្រែន​ដូចជា​ប្រព័ន្ធ​ការពារ​អាកាស​និង​ប្រព័ន្ធ​អាវុធ​ប្រឆាំង​​គ្រឿង​សឹក​។​

​ប៉ូឡូញ​បាន​និយាយថា ខ្លួន​បាន​ត្រៀម​ប្រគល់​យន្តហោះ MiG-29 ឱ្យ​ទៅ​អង្គការ​ណា​តូ ដែល​បន្ទាប់​មក​អាច​ត្រូវបាន​បញ្ជូន​ទៅ​អ៊ុ​យក្រែន ប៉ុន្តែ​លោក​កឺប៊ី​និយាយថា ចារ​កម្ម​អាម៉េរិក​បាន​សន្និដ្ឋានថា វា​អាច​ត្រូវបាន​ចាត់ទុក​ជា​ការបង្កើន​ភាព​តានតឹង​និង​បង្ក​ឱ្យ​មាន​ប្រតិកម្ម “​ដ៏​សំខាន់​” ពី​រុស្ស៊ី​។​

​ការលើកឡើង​របស់​លោក​កឺប៊ី​គឺ​ធ្វើ​ហួស​ពី​ការអធិប្បាយ​របស់គាត់​នៅក្នុង​សេចក្តីថ្លែងការណ៍​មួយ​កាលពី​ថ្ងៃ​អង្គារ​ដោយ​ច្រាន​ចោល​ការផ្តល់ជូន​របស់​ប៉ូឡូញ​នូវ​យន្តហោះ​ចម្បាំ​ងដល់​សហរដ្ឋ​អាម៉េរិក​​សម្រាប់​ការផ្ទេរ​ទៅ​អ៊ុ​យក្រែន​។​

​លោក​បាន​និយាយថា ប្រជាជាតិ​ណា​តូ​នីមួយៗ​អាច​សម្រេច​ចិត្ត​លើ​អ្វី​ដែល​ជា​ជំនួយ​ដល់​អ៊ុ​យក្រែន ប៉ុន្តែ​វា​ត្រូវតែ​មាន​ការគាំទ្រ​ពី​សហរដ្ឋ​អាម៉េរិក ពេល​និយាយ​ដល់​ការផ្តល់​យន្តហោះ​ចម្បាំង​៕

អាម៉េរិក​មិនឱ្យ​សមាជិក​ណា​តូ​ផ្តល់​យន្តហោះ​ចម្បាំង​ដល់​អ៊ុយ​ក្រែន​នោះទេ ដោយ​ខ្លាច​រុស្ស៊ី​ប្រតិកម្ម​ជ្រុល​