​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ មនុស្ស​ដំបូង​គេ ដែល​ទទួល​ការវះកាត់​ប្តូរ​ដាក់​បេះដូង​ជ្រូក បាន​ស្លាប់​ហើយ ពោលគឺ​ពីរ​ខែ​បន្ទាប់​ពី​ការ​វះ​បើកឆាក​មុនគេ​បំផុត​លើ​ពិភពលោក​។​

​លោក ដេវីត បិ​ន​ណេ​ត (David Bennett)​បាន​ទទួលមរណភាព​កាលពី​ថ្ងៃ​អង្គារ​ទី​៨​មីនា​នៅ​ឯ​មជ្ឈមណ្ឌល​វេជ្ជសាស្ត្រ​របស់​សាកលវិទ្យាល័យ​ម៉ា​រី​លែ​ន​ក្នុង​សហរដ្ឋ​អាម៉េរិក​។​

​ក្រុម​អ្នកជំនាញ​អង់គ្លេស​បាន​តាម​មើល​ក​រ​ណី​នេះ​ដោយ​យកចិត្តទុកដាក់​បំផុត ប៉ុន្តែ​បាន​និយាយថា​នៅ​មាន​ផ្លូវ​វែងឆ្ងាយ​ទៅមុខ​ទៀត​ទម្រាំ​ការព្យាបាល​ប្រភេទ​នេះ​ក្លាយជា​រឿង​ធម្មតា​ប្រចាំថ្ងៃ​។​

​សាស្ត្រាចារ្យ​ផ្នែក​ជីវវិទ្យាកោសិកា​ដើម​បាន​និយាយថា គេ​មិន​ទាន់​ច្បាស់​ថា​តើ​លោ​កបិន​ណេ​ត​បាន​ស្លាប់​ដោយសារគា​ត់​ខ្សោយ​ពេក ឬ​ដោយសារតែ​បេះដូង​ជ្រូក​មិន​ត្រូវ​គ្នា​ជាមួយ​គាត់​ឬ​យ៉ាងណា​នោះទេ​។​

​ក្រុម​វេជ្ជបណ្ឌិត​អាម៉េរិក​មិនបាន​ប្រាប់​ពី​មូលហេតុ​ពិតប្រាកដ​នៃ​ការស្លាប់​នោះទេ ដោយ​គ្រាន់តែ​និយាយថា ស្ថានភាព​របស់​លោ​កបិន​ណេ​ត​បាន​ចាប់ផ្តើម​យ៉ាប់យ៉ឺ​ន​ជាច្រើន​ថ្ងៃ​មកហើយ​៕

​លោ​កបិន​ណេត(ស្តាំ)​ស្លាប់​ហើយ ក្រោយ​វះកាត់​ប្តូរ​បេះដូង​ជ្រូក​ដោយ​ជោគជ័យ​កាលពី​ពីរ​ខែ​មុន​