​ប្រែ​សម្រួលៈ​បំណង​(​ដេល្លី​ម៉េល​)៖ ការវាយប្រហារ​តាម​ផ្លូវអាកាស​របស់​រុស្ស៊ី​មួយ​បាន​បំផ្លាញ​មន្ទីរពេទ្យ​សម្ភព​មួយ​នៅ​ទីក្រុង​ម៉ា​រី​វ​ប៉ូល​(Mariupol)​កាលពី​ថ្ងៃ​ពុធ ចំពេល​មាន​ការព្រមាន​កាន់តែខ្លាំង​​ឡើង​ពី​លោកខាងលិច​ថា ប្រតិបត្តិការ​យោធា​របស់​រុស្ស៊ី​ប្រហែលជា​ចូល​ដល់​ដំណាក់កាល​កាន់តែ​សាហាវ​និង​មិន​រើសមុខ​។​

​អាជ្ញាធរ​អ៊ុយ​ក្រែន​បាន​និយាយថា ការវាយប្រហារ​នេះ​បណ្តាលអោយ​របួស​មនុស្ស​១៧​នាក់​រួម​មាន​ស្ត្រី​មាន​ផ្ទៃពោះ​ផងដែរ​។​

​ការ​កក្រើក​រញ្ជួយ​ដី​មាន​ចម្ងាយ​ជាង​មួយ​គីឡូម៉ែត្រ នៅពេល​មន្ទីរពេទ្យ​ម៉ា​រី​វ​ប៉ូល​រង​ការផ្ទុះ​ជា​បន្តបន្ទាប់​ដែល​បាន​បំបែក​កញ្ចក់​បង្អួច​និង​បំផ្លាញ​ផ្នែក​ខាង​មុខ​នៃ​អាគារ​។​ប៉ូលិស​និង​ទាហាន​បាន​ប្រញាប់​​ប្រញាល់​ទៅកាន់​កន្លែង​កើតហេតុ​ដើម្បី​ជួយ​ជម្លៀស​ជនរងគ្រោះ ដោយ​សែង​ចេញ​ស្ត្រី​មាន​ផ្ទៃពោះ​ម្នាក់​និង​ស្ត្រី​ម្នាក់​ប្រឡាក់​ដោយ​ឈាម​នៅពេល​ព្រិល​ធ្លាក់​តិចៗ​លើ​រថយន្ត​ដែល​ឆេះ​និង​ដើមឈើ​បាក់បែក​​ដោយ​កម្លាំង​ផ្ទុះ​។​

​ស្ត្រី​ម្នាក់​ទៀត​បាន​យំ​តិចៗក្នុង​ពេ​លបី​កូន​។​

​មន្ត្រីប៉ូលិស​តំបន់​ម្នាក់​បាន​និយាយថា​«​ថ្ងៃនេះ រុស្ស៊ី​បាន​ប្រព្រឹត្ត​បទឧក្រិដ្ឋ​ធំ​មួយ​។​វា​ជា​ឧក្រិដ្ឋកម្ម​សង្គ្រាម​មួយ​»​។​

​នៅ​ហ្ស៊ី​តូ​មៀរ​(Zhytomyr)​ទីក្រុង​ដែល​មាន​ប្រជាជន​ប្រមាណ​២៦០.០០០​នាក់ នៅ​ខាងលិច​ទីក្រុង​គៀវ គ្រាប់​បាន​ធ្លាក់​លើ​មន្ទីរពេទ្យ​ពីរ ដោយ​មួយ​ជា​មន្ទីរពេទ្យ​កុមារ​បណ្តា​លអោយយ​ស្លាប់​និង​របួស​មនុស្ស​​មួយចំនួន​។​

​ក្នុងពេល​ជាមួយគ្នា ប្រធានាធិបតី​អ៊ុយ​ក្រែនលោក ហ្សេ​លេន​ស្គី បាន​និយាយថា ការវាយប្រហារ​នៅ​ម៉ា​រី​វ​ប៉ូល​នាំ​អោយ​មនុស្ស​មួយចំនួន រួម​មាន​កូនក្មេង​ជាប់​នៅ​ក្រោម​គំនរ​បាក់បែក​។​លោក​បាន​ទ​ទូសុំអោ​​យ​លោកខាងលិច​បង្កើន​ការ​ដាក់​ទណ្ឌកម្ម​លើ​រុស្ស៊ី​ដើម្បី​កុំអោយ​ពួកគេ​«​លែង​អាច​ប្រព្រឹត្ត​អំពើ​ប្រល័យពូជសាសន៍​នេះ​តទៅទៀត​»៕

​ស្ត្រី​មាន​ផ្ទៃពោះ​ម្នាក់​រងរបួស​ក្នុងការ​វាយប្រហារ​លើ​មន្ទីរពេទ្យ​នៅ​ក្រុង​ម៉ា​រី​វ​ប៉ូល​កាលពី​ថ្ងៃ​ពុធ​និង​បុគ្គលិក​សង្គ្រោះបន្ទាន់​ធ្វើការ​នៅក្រៅ​អាគារ​មន្ទីរពេទ្យ​ដែល​រង​ការវាយប្រហារ​នៅ​ក្រុង​ម៉ា​រី​វ​ប៉ូល​

​ស្ត្រី​ម្នាក់​ដើរ​នៅ​ក្រៅ​អាគារ​មន្ទីរពេទ្យ​ដែល​រង​ការវាយប្រហារ​នៅ​ក្រុង​ម៉ា​រី​វ​ប៉ូល​

នៅម៉ារីប៉ូល សាកសពមនុស្សស្លាប់ពីការប្រយុទ្ធគ្នាត្រូវកប់ក្នុងរណ្តៅរួម