​ប្រែ​សម្រួលៈ​បំណង​(​ដេល្លី​ម៉េល​)៖ ក្រុមប្រឹក្សាសន្តិសុខ​អង្គការ​សហប្រជាជាតិ​នៅ​ថ្ងៃ​សុក្រ​ទី​១១​មីនា​នឹង​បើក​កិច្ចប្រជុំ​ដើម្បី​ពិភាក្សា​ការអះអាង​របស់​រុស្ស៊ី​ដែលថា អាម៉េរិក​បាន​ដំណើរការ​មន្ទីរពិសោធន៍​​ជីវសាស្ត្រ​យោធា​ដោយ​លាក់កំបាំង​ជាច្រើន​នៅ​អ៊ុយ​ក្រែន​ដើម្បី​បង្កើត​សព្វាវុធ​មេរោគ​។​

​ពួក​អ្នកការទូត​ក្នុង​ក្រុមប្រឹក្សា​បាន​អះអាង​ថា​កិច្ចប្រជុំ​នេះ​គ្រោង​ធ្វើ​នៅ​ម៉ោង​១០​ព្រឹក​ក្រោយ​រុស្ស៊ី​សុំ​បើ​កិច្ចប្រជុំ​មួយ​លើ​បញ្ហា​នេះ​។​

​រដ្ឋាភិបាល​ក្រុង​មូ​ស្គូ​ចោទប្រកាន់​អាម៉េរិក តែ​អាម៉េរិក​បដិសេធ​ហើយ​បែរជា​ចោទប្រកាន់​វិញ​ថា រុស្ស៊ី​ប្រុង​ប្រើ​សព្វាវុធ​គីមី​និង​ជីវសាស្ត្រ​ទើប​ប្រឌិត​រឿង​ដូច្នេះ​។​

​នាយករដ្ឋមន្ត្រី​អង់គ្លេស​កាលពី​ថ្ងៃ​ព្រហស្បតិ៍​បាន​ចូលរួម​ជាមួយ​មន្ត្រី​លោកខាងលិច​ដទៃ​ទៀត​ចេញ​ការ​ព្រមាន​ថា រុស្ស៊ី​អាច​ប្រើ​សព្វាវុធ​គីមី​នៅ​អ៊ុ​យក្រែន​។​លោកនាយក​រដ្ឋ​បូរី​ស ច​ន​សុន​បាន​និយាយ​​ថា​រដ្ឋាភិបាល​វិមាន​ក្រឹម​ឡាំង​កំពុង​ត្រៀម​«​រឿង​កុហក​»​មួយ​ដែល​ថា​សព្វាវុធ​គីមី​ត្រូវ​គូសត្រូវ​របស់​ខ្លួន ឬ​អាម៉េរិក​ស្តុក​ទុក ដើម្បី​ជា​លេស​ដើម្បី​ប្រើ​វា​ដោយ​ខ្លួនឯង​។​

​សំណើសុំ​បើក​កិច្ចប្រជុំ​នេះ​កើត​ឡើង​ក្រោយ​រដ្ឋាភិបាល​អាម៉េរិក​ច្រាន​ចោល​ការចោទប្រកាន់រ​បស់​ក្រសួងការបរទេស​រុស្ស៊ី​ដែលថា អ៊ុយ​ក្រែន​បាន​ដំណើរការ​មន្ទីរ​ពិសោធន៍គីមី​និង​ជីវសាស្ត្រ​ជាច្រើន​ក្រោម​​ការជួយ​គាំទ្រ​ពី​អាម៉េរិក​។​លេខា​ព័ត៌មាន​សេត​វិមាន ចេ​ន សា​គី បាន​ហៅ​ការអះអាង​របស់​រុស្ស៊ី​ថា​«​មិន​សម​ទំនង​» និង​បាន​ព្រមាន​ថា រុស្ស៊ី​អាច​ស្វះស្វែង​ប្រើ​សព្វាវុធ​គីមី​និង​ជីវសាស្ត្រ​ប្រឆាំង​អ៊ុ​យក្រែន​៕

​ប្រធានាធិបតី​អ៊ុ​យក្រែន បាន​បដិសេធ​ការចោទប្រកាន់​របស់​រុស្ស៊ី​ដែលថា អ៊ុយ​ក្រែន​ត្រៀម​វាយប្រហារ​ដោយ​ប្រើ​សព្វាវុធ​គីមី​និង​ជីវសាស្ត្រ

​រុស្ស៊ី​បាន​និយាយថា​ខ្លួន​បាន​រកឃើញ​ផែនការ​បង្កើត​កន្លែង​ពិសោធន៍​សម្ងាត់​ជាច្រើន​នៅ​អ៊ុយ​ក្រែន​ដើម្បី​ផលិត​សព្វាវុធ​ជីវសាស្ត្រ រួម​មាន​បញ្ចូល​មេរោគ​កំណាចៗ​