​ប្រែ​សម្រួលៈ​បំណង​(​វ៉េ​អិន​អិច​ស្ព្រេ​ស​)៖ វីរុស​អូ​មី​ក្រុង​បំ​ប្លែងខ្លួន ដែល​គេ​ហៅថា​«​អូ​មី​ក្រុង​បំបាំងកាយ​»​កំពុង​លេចឡើង​នៅ​ទីក្រុង​ហូជីមិញ​ភាគខាងត្បូង នេះ​បើ​តាម​ការបញ្ជាក់​ពី​នាយកដ្ឋាន​សុខា​ភិ​​បាល​ក្រុង​។​

​ប្រធាន​នាយកដ្ឋាន​សុខាភិបាល​ក្រុង​លោក តាង ជី ធឿង​(Tang Chi Thuong)​បាន​និយាយថា​ក្នុងចំណោម​សំណាក​កូរ៉ូណា​៦៧ មាន​២៤​ស្ថិតក្នុង​ក្រុម​BA.1 និង​៤៣​ករណី​ទៀត​នៅក្នុង​ក្រុម​BA.2​ដែល​គេ​ដឹងថា​ជា​«​អូ​មី​ក្រុង​បំបាំងកាយ​»​។​នេះ​មានន័យថា ទីក្រុង​ភាគខាងត្បូង​នេះ​កំពុង​ស្ថិត​ក្រោម​ការវាយប្រហា​រ​ពី​វីរុស​ចម្លង​លឿន​BA.2​នេះ​។​

​វីរុស​អូ​មី​ក្រុង​BA.2​នេះ​ចម្លង​លឿន​ជាង​អូ​មី​ក្រុង​ដើម​និង​កំពុងចម្លង​ច្រើន​នៅ​ទីក្រុង​ហូជីមិញ​។​វា​ត្រូវ​បាន​គេ​ដាក់ឈ្មោះថា​អូ​មី​ក្រុង​បំបាំងកាយ​ដោយសារ​នៅពេល​គេ​រកឃើញ​នរណា​ម្នាក់​វិជ្ជ​មានកូ​វីដ​១៩​តាមរយៈ​ការពិនិត្យ​ម៉ាស៊ីន​ធំ​PCR គេ​មិន​អាច​ដឹងថា​ជា​ប្រភេទ​អូ​មី​ក្រុង​ភ្លាម​ទេ​ដោយសារ​ខ្វះ​ហ្សែ​ន​មួយ​។​

​យោងតាម​អង្គការ​សុខភាព​ពិភពលោក លោកធឿ​ង​បាន​និយាយថា វ៉ាក់សាំង​កូវី​ដ​១៩​មាន​បច្ចុប្បន្ន​នៅតែ​អាច​ការពារ​អ្នក​ចាក់​ទល់​នឹង​វីរុស​អូ​មី​ក្រុង​BA.2​តែ​មិន​គ្រប់គ្រាន់​ដើម្បី​កា​ពារ​មិន​អោយ​ឆ្លង​​បានទេ ដូច្នេះ​ត្រូវ​បន្ត​ចាក់​វ៉ាក់សាំង​។​

​ការសិក្សា​លើ​សកលលោក​បង្ហាញថា អូ​មី​ក្រុង​បំ​ប្លែងខ្លួន​BA.2​មិន​បង្ក​រោគសញ្ញា​ធ្ងន់​ជាង​អូ​មី​ក្រុង​BA.1​ទេ តែ​ឆ្លង​ខ្លាំង​ជាង​។​

​តែ​រយៈពេល​មួយ​សប្តាហ៍​ចាប់ពី​ថ្ងៃ​១​ដល់​៧​មីនា ទីក្រុង​ភាគខាងត្បូង​នេះ​បាន​រកឃើញ​អ្នក​ឆ្លង​ថ្មី​ប្រមាណ​៣៧.៥០០​នាក់​នៅ​តាម​សាលារៀន ដោយ​កើន​មួយ​ជា​ពីរ​ធៀប​នឹង​ចំនួន​ឆ្លង​កាលពី​មួយ​សប្តាហ៍​​មុន​។​

​សូមបញ្ជាក់​ថា កាលពី​ថ្ងៃ​ពុធ​វៀតណាម​ជួប​ការ​ឆ្លងកូវី​ដ​១៩​ខ្ពស់​បំផុត​មិន​ដែល​មាន​គឺ​២៦៥.១៤៣​នាក់​នៅ​៦៣​ខេត្ត​ក្រុង​និង​២១៨.៤៤៤​នាក់​ទៀត​កាលពី​ថ្ងៃ​ព្រហស្បតិ៍​ទី​១០​មីនា​។​

​អ្នកជំងឺ​កូវី​ដ​១៩​ចំនួន​៧១​នាក់​ទៀត​ក៏​បាន​ស្លាប់​កាលពី​ថ្ងៃ​ព្រហស្បតិ៍ ដែល​នាំអោយ​ប្រទេស​នេះ​មាន​អ្នក​ស្លាប់​ដោយកូវី​ដ​១៩​ឡើងដល់​៤១.១៥៧​នាក់ ក្នុងចំណោម​អ្នក​កើតកូ​វីដ​សរុប ជាង​៥,២៥​លាន​នាក់​​ចាប់តាំងពី​ដើមឆ្នាំ​២០២០​មក​៕

​វៀតណាម​នៅ​សល់​អ្នកជំងឺ​កូវី​ដ​ធ្ងន់ធ្ងរ​ជាង​៤.០០០​នាក់​