ដោយៈ ភ្នំ​ស្វាយ / បន្ទាយ​មាន​ជ័​យៈ នៅក្នុង​កិច្ចប្រជុំ​ពិភាក្សា​ការងារ រវាង​ប្រតិភូ​ខេត្ត​បន្ទាយ មានជ័យ ប្រទេស​កម្ពុជា និង​ប្រតិភូ​ខេត្ត​ស្រះកែវ ប្រទេស​ថៃ ស្តីពី​គម្រោង​បើក​បណ្តោះអាសន្ន ការដឹកជញ្ជូន​ទំនិញ តាម​រថយន្ត​ធុន​ធ្ងន់ តាម​ច្រកព្រំដែន​អន្តរជាតិ​ថ្មី ស្ទឹង​បត់​-​ណង​អៀន កាលពី​រសៀល ថ្ងៃទី​១០ ខែមីនា ឆ្នាំ​២០២២ នៅ​សាលប្រជុំ ទីស្នាក់ការ​គយ​ថៃ ច្រកទ្វារ​អន្តរ ជាតិ ខ្លង​លឹក ស្រុក​អារញ្ញ​ប្រាថេត ខេត្ត​ស្រះកែវ ទល់មុខ​ច្រកព្រំដែន​អន្តរជាតិ ប៉ោយប៉ែត នោះ ភាគី​ទាំងពីរ នៅ​មិនទាន់​ច្បាស់លាស់ ថា​នៅពេលណា​នៅឡើយ​។​

​កិច្ចប្រជុំ​ទ្វេភាគី រវាង​រដ្ឋបាលខេត្ត​បន្ទាយមានជ័យ នៃ​ព្រះរាជាណាចក្រ​កម្ពុជា និង​ខេត្ត​ស្រះកែវ នៃ​ព្រះរាជាណាចក្រ​ថៃ នេះ​ដឹកនាំ​ដោយ​សហប្រធាន នៃ​កិច្ចប្រជុំ គឺ​លោក អ៊ុំ រាត្រី អភិបាលខេត្ត​បន្ទាយមានជ័យ និង​លោក រី​ន​ប៉ៈ​យ៉ា ពោធិ៍សាត់ ប៉ា​ក់រិន​ញ៉ា ពោ​ធី​សាធ (Parinya Phothisat) អភិបាលខេត្ត​ស្រះកែវ ថៃ ។​

​មន្ត្រី​សម​ភាគី​ទាំងពីរ ដែល​ចូល​រួមមាន មេបញ្ជាការ ស្នងការ​នៃ​កងកម្លាំង អគ្គ​កុងស៊ុល​កម្ពុជា ប្រចាំខេត្ត​ស្រះកែវ ប្រធាន អនុប្រធាន​មន្ទីរ នាយ នាយរង​ប៉ុស្តិ៍នគរបាល ច្រកព្រំដែន​អន្តរជាតិ ប៉ោយប៉ែត និង​ច្រក​ស្ទឹង​បត់​។​

​លោក អ៊ុំ រាត្រី អភិបាលខេត្ត​បន្ទាយមានជ័យ បាន​ឲ្យ​ដឹងថាៈ ដូច​លើក​មុនៗ​ដែរ នៅ​លើក​នេះ នា​ថ្ងៃនេះ គឺ​សម​ភាគី​ថៃ នៅតែ​ជា​អ្នក​អញ្ជើញ និង​ធ្វើជា​ម្ចាស់ផ្ទះ នៃ​កិច្ចប្រជុំ​។ បំណង​នៃ​កិច្ច ប្រជុំ គឺ​ដើម្បី​ពង្រឹង​សម្ព័ន្ធមេត្រីភាព​ចាស់ រវាង​ខេត្ត​ទាំង​២ , ការផ្លាស់ប្តូរ​ព័ត៌មាន​គ្នា ,​កិច្ចពិភាក្សា​លើ​ការស្នើ​បើក​ដំណើរការ ជា​បណ្តោះអាសន្ន ច្រកទ្វារព្រំដែន​អន្តរជាតិ​ថ្មី ស្ទឹង​បត់ -​ណង​អៀន ជា​ច្រក​សម្រាប់​ដឹកជញ្ជូន ធុន​ធ្ងន់ ទំនិញ​ចេញចូល ។ ពោលគឺ ភាគី​ទាំងពីរ បាន​នឹង​កំពុងដំណើរការ កសាង​អគារ ការិយាល័យ​រដ្ឋបាល​ការងារ នៃ​ខេត្ត របស់​ប្រទេស ទាំងពីរ​។​

​មកទល់ពេលនេះ អគារ​រដ្ឋបាល​ខាង​កម្ពុជា សម្រេច​សាងសង់ បានត្រឹមតែ ៤០% នៅឡើយ​។​
​ឯ​ភាគី​ខាង​ថៃ សាងសង់​អគារ​រដ្ឋបាល សម្រេចបាន ៩០ ប៉ុន្តែ​យើង​ប្រជុំ​ថ្ងៃនេះ ពិនិត្យ​វឌ្ឍន ភាព និង​លទ្ធភាព ធ្វើការ​ពិភាក្សា ដើម្បី​បើក​ដំណើរការ ជា​បណ្តោះអាសន្ន សម្រាប់​ដឹកទំនិញ ចេញចូល​។​

​សហប្រធាន នៃ​កិច្ចប្រជុំ បាន​បន្តថាៈ “​ដូច​ឃើញស្រាប់​ហើយ​។ ជា​លទ្ធផល នៃ​កិច្ចប្រជុំ មិនទាន់មាន​ការសម្រេច​ថា បើក​ឲ្យ​ដំណើរការ ថ្ងៃ​ណា ពេលណា​នោះទេ​? ត្រូវ​រង់ចាំ គោលការណ៍ រាជរដ្ឋាភិបាល នៃ​ប្រទេស​ទាំង​២ និង​ការកសាង​អគារ​រដ្ឋបាល សម្រាប់​មន្ត្រី​ជំនាញ បំពេញការងារ​រួចរាល់ ក្នុង​កម្រិត​ណាមួយ​សិន “៕/V​