​ប្រែ​សម្រួលៈ​បំណង​(ST,BLOOMBERG, XINHUA)៖ ចំនួន​ឆ្លងកូវី​ដ​១៩​ប្រចាំ​ថ្ងៃ​នៅ​ចិនដីគោក​កាលពី​ថ្ងៃ​សុក្រ​ទី​១១​មីនា​បាន​ហក់​ឡើង​ហួស​១.០០០​នាក់​ជា​លើកដំបូង​នៅ​រយៈពេល​ពីរ​ឆ្នាំ​មកនេះ​​នៅពេល​វីរុស​អូ​មី​ក្រុង​កំពុង​ឆ្លង​រាតត្បាត​ខ្លាំងក្លា​បំផុត​ចាបតាំងពី​ចិន​ជួប​ការផ្ទុះ​វីរុស​កូរ៉ូ​ណា​នៅ​ក្រុង​អ៊ូ​ហាន​កាលពីដើមឆ្នាំ​២០២០​។​

​ចិន​នៅ​ព្រឹក​ថ្ងៃ​សុក្រ​បានប្រកាស​រកឃើញ​អ្នក​ឆ្លងកូវី​ដ​១៩​នៅក្នុង​ស្រុក​ថ្មី​ចំនួន​១.១០០​នាក់ ក្នុង​ចំនួន​នេះ​៧០៣​នាក់​មិន​ចេញ​រោគសញ្ញា​ទេ​។​

​ចំនួន​ឆ្លង​ចុងក្រោយ​នេះ កើនឡើង​ពី​ចំនួន​ឆ្លង​ជាង​៣០០​នាក់​ក្នុង​មួយ​ថ្ងៃ​កាលពី​ជាង​មួយ​សប្តាហ៍​មុន​នៅ​ពេល​អូ​មី​ក្រុង​បន្ត​ចម្លង​រាលដាល​យ៉ាង​លឿន​នៅ​ទីក្រុង​ធំៗ​ខ្លះ​របស់​ចិន រួម​ទាំង​មជ្ឈមណ្ឌល​ហិរ​​ញ្ញ​វត្ថុ​សៀង​ហៃ​។​

​ចាង វេន​ហុង​(Zhang Wenhong)​ប្រធាន​មជ្ឈមណ្ឌល​ជំងឺឆ្លង​នៅ​សកល​វិទ្យាល័យ​មួយ​នៅ​ក្រុង​សៀង​ហៃ​បាន​និយាយថា ទោះ​ជា​ភាព​ធ្ងន់ធ្ងរ​នៃ​កូវី​ដ​១៩​បាន​ចុះ​ថយ​ដោយសារ​កក្តា​ជា​ច្រើន​រួម​មាន​អត្រា​​ចាក់​វ៉ាក់សាំង​ខ្ពស់ ក៏​វីរុស​នេះ​ចម្លង​លឿន​និង​ពិបាក​រក​ឃើញ​វា​ជាង​មុន​។​ការងារ​បង្ការ​និង​គ្រប់គ្រង​កូវី​ដ​១៩​ឥឡូវ​កាន់តែ​ជា​ភារកិច្ច​បន្ទាន់​ឡើង​៕

​ក្រុង​សៀង​ហៃ​កំពុង​ចាត់វិធានការ​ទប់ស្កាត់​ការឆ្លង​រាលដាល​អូ​មី​ក្រុង​មិន​ចេញ​រោគសញ្ញា​