នាវា​ស្វ​យ័​ការពារ​ជប៉ុន ចំនួន​ពីរ​គ្រឿង ប្រចាំ​តំបន់​ឥណ្ឌូ​-​ប៉ា​សុ​ី​ហ្វិ​ក គ្រោង​ចូល​ចត នៅ​កំពង់ផែ សមុទ្រ ខេត្ត​ព្រះសីហនុ នា​ពាក់កណ្តាល​ខែមីនា​នេះ​

ដោយៈ វណ្ណៈ / ព្រះសីហនុៈ យោងតាម​សំដី មន្ត្រី​កង​ទ​ព័​ជើង​ទឹក​កម្ពុជា បាន​ឲ្យ​ដឹងថាៈ នាវាស្វ័យការពារ​ជប៉ុន ចំនួន​ពីរ​គ្រឿង ប្រចាំ​តំបន់​ឥណ្ឌូ​-​ប៉ា​សុ​ី​ហ្វិ​ក គ្រោង​នឹង​ចូល​ចត នៅ​កំពង់ផែ ស្វយ័ត ក្រុងព្រះសីហនុ រយៈពេល ៣ ថ្ងៃ ចាប់ពី​ថ្ងៃទី​១៥ ដល់ ១៧ ខែមីនា ឆ្នាំ​២០២២ ដើម្បី​សម្តែង​ការគួរសម និង​បំពេញ​ទស្សនកិច្ច ជា​មិត្តភាព នៅ​កម្ពុជា និង​ជាការ​រំលឹក អបអរសាទ ខួប​លើក​ទី​៣០ នៃ​កិច្ចសហប្រតិបត្តិការ រក្សា​សន្តិភាព នៅក្នុង​ប្រទេស​កម្ពុជា​។​

​ប្រភព​ដដែល បាន​បន្តថាៈ ក្នុងពេល​បំពេញ​ទស្សនកិច្ច នៅ​កម្ពុជា ប្រតិភូ​នាវា​ស្វ័យការពារ ជប៉ុន នឹង​ជួប​សម្តែង​ការគួរសម ជាមួយ​ប្រមុខ​រាជរដ្ឋាភិបាល​កម្ពុជា សម្តេច​អគ្គមហាសេនាបតី តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ផងដែរ​។​

​សូមបញ្ជាក់ថា នាវា​ទី​១ ឈ្មោះ URAGA – 463 ជា​ប្រភេទ​នាវា​ប្រឆាំង​មីន មាន​បណ្ដោយ ១៤១ ម៉ែត្រ ទទឹង ២២ ម៉ែត្រ ជម្រៅ​ទឹក ៥,៤ ម៉ែត្រ មាន​ទំងន់​ផ្ទុក ៥.៦៥០ តោន និង​មាន​នាវិក ចំនួន ១២៦ នាក់ ។

​នាវា​ទី​២ ឈ្មោះ HIRADO – 305 មាន​បណ្ដោយ ៦៧ ម៉ែត្រ ទទឹង ១១ ម៉ែត្រ ជម្រៅ​ទឹក ២,៧ ម៉ែត្រ មាន​ទំងន់​ផ្ទុក ៦៩០ តោន និង​មាន​នាវិក ចំនួន ៥៤ នាក់​។​

​នាវា​ទាំង ពីរ​គ្រឿង​នេះ ដឹកនាំ​បញ្ជា​រួម ដោយ​លោក Noguchi Yasushi មេបញ្ជាការ កងពលធំ​ទី​១ បោសសំអាត​មីន ប្រចាំ​តំបន់​ឥណ្ឌូ​-​ប៉ា​សុ​ី​ហ្វិ​ក ៕/V

(​រូបថត​ឯកសារ​)​