ដោយៈដេប៉ូ/ភ្នំពេញៈក្រសួងបរិស្ថាន និង​អង្គភាព​ស៊ើបការណ៍​ហិរញ្ញវត្ថុ​កម្ពុជា នៃ​ធរ​នាគារ​ជាតិ​នៃ​កម្ពុជាបា​ចុះហត្ថលេខា ​លើ​ចុះ​អនុស្សរណៈ​យោគយល់​ស្តីពី​ការផ្លាស់ប្តូរ​ព័ត៌មាន​ពាក់ព័ន្ធ​នឹង​ការសម្អាត​ប្រាក់​និង​ហិរញ្ញប្បទាន​ភេរវកម្ម ក្រោម​អ​ធិ​តប​តី​ភាព​លោក សាយ សំ​អាល់ រដ្ឋមន្ត្រី​ក្រសួងបរិស្ថាន និង​លោក ស៊ុំ ស​ន្និ​សិទ្ធ ទេសាភិបាលរង​នៃ​ធរ​នាគារ​ជាតិ​នៃ​កម្ពុជានា​ថ្ងៃទី​១១ ខែមីនា ឆ្នាំ​២០២២ នៅ​ទីស្តីការ​ក្រសួងបរិស្ថាន​។​នេះបើយោងតាមប្រភពក្រសួងបរិស្ថាន។

ក្រសួងបរិស្ថាន និង​អង្គភាព​ស៊ើបការណ៍​ហិរញ្ញវត្ថុ​កម្ពុជា នៃ​ធរ​នាគារ​ជាតិ​នៃ​កម្ពុជាបា​ចុះហត្ថលេខា ​លើ​ចុះ​អនុស្សរណៈ​យោគយល់​ស្តីពី​ការផ្លាស់ប្តូរ​ព័ត៌មាន​ពាក់ព័ន្ធ​នឹង​ការសម្អាត​ប្រាក់​និង​ហិរញ្ញប្បទាន​ភេរវកម្ម ក្រោម​អ​ធិ​តប​តី​ភាព​លោក សាយ សំ​អាល់ រដ្ឋមន្ត្រី​ក្រសួងបរិស្ថាន និង​លោក ស៊ុំ ស​ន្និ​សិទ្ធ ទេសាភិបាលរង​នៃ​ធរ​នាគារ​ជាតិ​នៃ​កម្ពុជានា​ថ្ងៃទី​១១ ខែមីនា ឆ្នាំ​២០២២ នៅ​ទីស្តីការ​ក្រសួងបរិស្ថាន​(រូបថត ក្រសួងបរិស្ថាន)

ប្រភពដដែលបញ្ជាក់ថា ​ក្នុងឱកាស​នោះ លោកស្រី សាយ សំអាត ប្រធាន​អង្គភាព​ស៊ើបការណ៍​ហិរញ្ញវត្ថុ​កម្ពុជានៃ​ធរ​នាគារ​ជាតិ​នៃ​កម្ពុជាបាន​លើកឡើងថា ពិធី​ចុះហត្ថលេខា​លើ​អនុស្សរណៈ​យោគយល់​នេះ ត្រូវបាន​ប្រព្រឹត្តឡើង​ក្នុង​បរិយាកាស​នៃកិច្ចសហ ប្រតិបត្តិការ​រ​វាង​ស្ថាប័ន​ទាំងពីរ ក្នុង​កិច្ចដំណើរការ​ផ្លាស់ប្តូរ​ព័ត៌មាននិងជំរុញកិច្ចសហប្រតិបត្តិការ​ក្នុងស្រុក សំដៅ​ធានា​សន្តិសុខ និង​សុវត្ថិភាព​ជូន​ប្រជាពលរដ្ឋ​។ លោកស្រីបានឱ្យដឹងទៀតថាការចុះ​អនុស្សរណៈ ​យោគយល់​នៅថ្ងៃនេះ មិន​ត្រឹមតែ​ជាការ​ផ្សារភ្ជាប់​ទំនាក់ទំនង​រវាង​ស្ថាប័ន​ទាំងពីរ​ប៉ុណ្ណោះ​ទេ ថែមទាំង​ជាការ​ចាប់ផ្តើម​នូវ​កិច្ចសហការ​រួមគ្នា និង​ប្រកបដោយ​ការទទួលខុសត្រូវ​រួម​ក្នុងការ​ប្រឆាំង​ទប់ស្កាត់​ការសម្អាត​ប្រាក់​និង​ហិរញ្ញប្បទាន​ភេរវកម្ម​ក្នុង​វិស័យ​បរិស្ថាន​ផងដែរ​។ នេះ​គឺជា​សក្ខីភាព​មួយ​ដ៏​មាន​សារៈសំខាន់​ក្នុងការ​ជំរុញ​កិច្ចសហប្រតិបត្តិការ​ក្នុងស្រុក ជំរុញ​អាជ្ញាធរ​ពាក់ព័ន្ធ​ក្នុង​កិច្ចខិតខំ​ប្រឹងប្រែង​រួម​ក្នុងការ​ស្វែងរក ទប់ស្កាត់ ការពារ និង​បង្ក្រាប​រាល់​ការលាង​សម្អាត​ប្រាក់​និង​ហិរញ្ញប្បទាន​ភេរវកម្ម​។​

​ជាមួយគ្នានេះលោក នេត្រ ភក្ត្រា រដ្ឋលេខាធិការ និង​ជា​អ្នកនាំពាក្យ​ក្រសួងបរិស្ថាន បាន​លើកឡើងថា អនុស្សរណៈ​ដែល​ស្ថាប័ន​ទាំងពីរ​នឹង​ចាប់ផ្តើម​អនុវត្ត​ចាប់ពី​ថ្ងៃ​ចុះហត្ថលេខា​នេះ គឺ​ក្នុង​គោលបំណង​រួម ដើម្បី​ធ្វើការ​ផ្លាស់ប្តូរ​ព័ត៌មាន​គ្នា​ទៅវិញទៅមកពាក់ព័ន្ធ​ទៅនឹង​ទិន្នន័យ​នៃ​ការប្រឆាំង​ការសម្អាត​ប្រាក់ និង​ង​ហិរញ្ញប្បទាន​ភេរវកម្ម​ក្នុង​វិស័យ​បរិស្ថាន​។ ការចុះ​អនុស្សរណៈ​យោគយល់​រវាង​ស្ថាប័ន​ទាំងពីរ​នេះ ក៏បាន​ធ្វើឡើង​ក្នុង​គោលបំណង​សំខាន់​ចម្បងៗ គឺ​ដើម្បី​ប្រឆាំងនឹង​ការសម្អាត​ប្រាក់ និង​ហិរញ្ញប្បទាន​ភេរវកម្ម​នៅ​ប្រទេស​កម្ពុជានិងជាយន្តការរួមមួយនៅក្នុងការពង្រឹងកិច្ចសហប្រតិបត្តិការ​ លើ​ការងារ​ទប់ស្កាត់ បង្ក្រាប​រាល់​បទល្មើស​ឧក្រិដ្ឋ​ខុសច្បាប់​ទាំងឡាយ ដែលជា​ការគំរាមកំហែង​ដល់​សន្តិសុខ សុវត្ថិភាព និង​ការអភិវឌ្ឍ​ប្រទេសជាតិ តំបន់ និង​សកលលោក​។

​លោក នេត្រ ភក្ត្រា បញ្ជាក់​ឱ្យដឹងទៀតថា អនុស្សរណៈ​នៃ​ការយោគយល់​ស្តីពី​ការផ្លាស់ប្តូរ​ព័ត៌មាន​ពាក់ព័ន្ធ​នឹង​ការសម្អាត​ប្រាក់​និង​ហិរញ្ញប្បទាន​ភេរវកម្ម ក៏បាន​រៀបចំឡើង​ដើម្បី​ពង្រឹងសមត្ថភាព​របស់​មន្ត្រី​នៅក្នុង​ការវិភាគ តាមដាន ត្រួតពិនិត្យ​រាល់​សកម្មភាព​របស់​ភេរ​វករ​ក្នុងការ​សម្អាត​ប្រាក់​និង​ហិរញ្ញប្បទាន​ភេរវកម្ម និង​ដាក់ចេញ​នូវ​យន្តការ​ទប់ស្កាត់ និង​បង្ក្រាប​ទាន់ពេល និង​មាន​ប្រសិទ្ធភាព ប្រយោជន៍​ដើម្បី​រក្សា​ឱ្យបាន​នូវ​សុខសន្តិភាព សន្តិសុខ​ហិរញ្ញវត្ថុ បរិយាកាស​នៃ​ការវិនិយោគ ការផ្តល់​នូវ​យុត្តិធម៌ សមធម៌ និង​តម្លាភាព​ដល់​វិនិយោគិន ឆ្លើយតប​ទៅនឹង​គោលនយោបាយ​កំណែទម្រង់​ហិរញ្ញវត្ថុ​សាធារណៈ​របស់​រាជរដ្ឋាភិបាល​។

​គួរឱ្យ​ដឹងថា ពិធី​ចុះហត្ថលេខា​លើ​អនុស្សរណៈ​យោគយល់​ស្តីពី​ការផ្លាស់ប្តូរ​ព័ត៌មាន​ពាក់ព័ន្ធ​នឹង​ការសម្អាត​ប្រាក់​និង​ហិរញ្ញប្បទាន​ភេរវកម្ម រវាង​ក្រសួងបរិស្ថាន និង​អង្គភាព​ស៊ើបការណ៍​ហិរញ្ញវត្ថុ​កម្ពុជា​នៃ​ធនាគារជាតិ​នៃ​កម្ពុជា ត្រូវបាន​ចុះហត្ថលេខា​ដោយ​ឯកឧត្តម ជ្រិ​ន សុខា អគ្គនាយក​នៃ​អគ្គនាយកដ្ឋាន​រដ្ឋបាល និង​ហិរញ្ញវត្ថុ​ក្រសួងបរិស្ថាន និង​លោកជំទាវ សាយ សំអាត ប្រធាន​អង្គភាព​ស៊ើបការណ៍​ហិរញ្ញវត្ថុ​កម្ពុជា នៃ​ធរ​នាគារ​ជាតិ​នៃ​កម្ពុជា​។ ពិធី​នេះក៏មាន​ការអញ្ជើញ​ចូលរួម​ពី​សំណាក់​លោក លោកស្រី ជា​រដ្ឋលេខាធិការ អនុ​រដ្ឋលេខា អគ្គនាយក​នៃ​ក្រសួងបរិស្ថាន និង​ លោក លោកស្រី ប្រតិភូ​ធនាគារជាតិ​នៃ​កម្ពុជាជាច្រើនរូប​ទៀត​៕​សរន

ក្រសួងបរិស្ថាន និង​អង្គភាព​ស៊ើបការណ៍​ហិរញ្ញវត្ថុ​កម្ពុជា នៃ​ធរ​នាគារ​ជាតិ​នៃ​កម្ពុជាបា​ចុះហត្ថលេខា ​លើ​ចុះ​អនុស្សរណៈ​យោគយល់​ស្តីពី​ការផ្លាស់ប្តូរ​ព័ត៌មាន​ពាក់ព័ន្ធ​នឹង​ការសម្អាត​ប្រាក់​និង​ហិរញ្ញប្បទាន​ភេរវកម្ម ក្រោម​អ​ធិ​តប​តី​ភាព​លោក សាយ សំ​អាល់ រដ្ឋមន្ត្រី​ក្រសួងបរិស្ថាន និង​លោក ស៊ុំ ស​ន្និ​សិទ្ធ ទេសាភិបាលរង​នៃ​ធរ​នាគារ​ជាតិ​នៃ​កម្ពុជានា​ថ្ងៃទី​១១ ខែមីនា ឆ្នាំ​២០២២ នៅ​ទីស្តីការ​ក្រសួងបរិស្ថាន​(រូបថត ក្រសួងបរិស្ថាន)