​ដោយៈ ជា សីហៈ​/​ភ្នំពេញៈ លោក ហេង រតនា អគ្គនាយក​ស៊ីម៉ាក់ បាន​អះអាងថា នៅ​ថ្ងៃទី ១២ ខែ មីនា ឆ្នាំ ២០២២ នេះ គ្រាប់បែក​ទម្លាក់​ពីលើ​យន្តហោះ មួយ​គ្រាប់​ទៀត​ត្រូវបាន​រកឃើញ និង បោសសំអាត ដោយ​សុវត្ថិភាព ។

​លោក​បាន​អះអាងថា គ្រាប់​នេះ​កប់​ក្នុង​ដី​ជម្រៅ​ប្រមាណ​១៥​ម៉ែត្រ​ជាង​៥០​ឆ្នាំ​មកហើយ ប៉ុន្តែ​វា​នៅតែមាន​ប្រសិទ្ធភាព​គ្រោះថ្នាក់​ដដែល ប៉ុន្តែ កំលាំង​ជំនាញ​គ្រាប់​មិនទាន់​ផ្ទុះ​របស់​អង្គភាព​ស៊ីម៉ាក់​ភ្នំពេញ បាន​ដោះ​បន្សាប​បាន ។

​លោក​បាន​បន្ថែមថា គ្រាប់បែក​ទម្លាក់​ពី​យន្តហោះ​នោះ​ប្រភេទ​MK82 ទម្ងន់​ប្រមាណ​២៣០ គីឡូក្រាម ជា​សំណល់​សង្គ្រាម ។​លោក​បាន​បន្តថា គ្រាប់បែក​នេះ ស្ថិតនៅ​ក្នុងភូមិ​ក្តឿង ឃុំ​តា​ដោក ស្រុក​កណ្តាលស្ទឹង ខេត្តកណ្តាល កប់​ក្នុង​ដី​ជម្រៅ​ប្រមាណ​១៥​ម៉ែត្រ ប្រទះឃើញ​ដោយ​ម្ចាស់​ការដ្ឋាន​រណ្តៅ​ដី​៕​