​ប្រែ​សម្រួលៈ​បំណង​(ST)៖ អង្គការសហប្រជាជាតិ​កាលពី​ថ្ងៃ​សុក្រ​ទី​១១​មីនា​បាន​និយាយថា វា​មិន​មាន​ភស្តុតាង​ដែល​ថា​អ៊ុយ​ក្រែន​មាន​កម្មវិធី​សព្វាវុធ​ជីវសាស្ត្រ​ណា​មួយ​នៅ​ពេល​រដ្ឋាភិបាល​ក្រុង​វ៉ាស៊ីនតោន​​និង​សម្ពន្ធមិត្ត​ចោទប្រកាន់​រុស្ស៊ី​ថា​ផ្សព្វផ្សាយ​ការអះអាង​គ្មាន​ការបញ្ជាក់​ការពិត​ធ្វើ​ជា​លេស​ដើម្បី​វាយប្រហារ​ដោយ​ប្រើ​អាវុធ​គីមី​ឬ​ជីវសាស្ត្រ​ដោយ​ខ្លួនឯង​។​

​រុស្ស៊ី​បាន​ស្នើសុំ​កោះប្រជុំ​របស់​ក្រុមប្រឹក្សាសន្តិសុខ​អង្គការសហប្រជាជាតិ​ដែល​មាន​សមាជិក​១៥​ប្រទេស ដើម្បី​បញ្ជាក់​អះអាង​ឡើងវិញ​តាមរយៈ​តំណាង​របស់​ខ្លួន​លោក វ៉ាស​ស៊ី​លី ណេ​បិ​ន​ហ្ស៊ែ​រ​(Vassily Nebenzia)​ថា អ៊ុយ​ក្រែន​បាន​ដំណើរការ​មន្ទីរ​ពិសោធន៍​អាវុធ​ជីវសាស្ត្រ​ក្រោម​ការគាំទ្រ​ពី​ក្រសួង​ការពារជាតិ​អាម៉េរិក​។​

​ប្រទេស​ជា​សមាជិក​បាន​ហៅ​ការអះអាង​នេះ​ថា​ជា​«​ការ​កុហក​»​មួ​យ​និង​«​គ្មាន​ន័យ​សោះ​»​ហើយ​បាន​ប្រើ​កិច្ចប្រជុំ​នេះ​ដើម្បី​ចោទប្រកាន់​រុស្ស៊ី​ថា​មាន​បំណង​វាយប្រហារ​និង​សម្លាប់​ជន​ស៊ីវិល​នៅ​អ៊ុ​យក្រែន​​ទៅវិញ​។​

​អ៊ី​ហ្ស៊ុ​យ​មី ណា​កា​មី​តស៊ូ (Izumi Nakamitsu)​តំណាង​ជាន់ខ្ពស់​របស់​អង្គការសហប្រជាជាតិ​សំរាប់​កិច្ចការ​រំសាយ​សព្វាវុធ បាន​ប្រាប់​ក្រុមប្រឹក្សា​ថា អង្គការសហប្រជាជាតិ​«​មិនដឹង​»​អំពី​កម្មវិធី​សព្វា​​វុ​ធ​ជីវសាស្ត្រ​ណាមួយ​នៅ​អ៊ុយ​ក្រែនទេ​។​

​ក្រោម​កិច្ច​ព្រមព្រៀង​ឆ្នាំ​២០០៥​មួយ ក្រសួង​ការពារជាតិ​អាម៉េរិក​បាន​ជួយ​កន្លែង​ពិសោធន៍​សុខភាព​សាធារណៈ​អ៊ុយ​ក្រែន​ជាច្រើន​ក្នុងការ​ធ្វើ​អោយ​ប្រសើរឡើង​សន្តិសុខ​របស់​មេរោគ​គ្រោះថ្នាក់ៗ​និង​បច្ចេក​​វិទ្យា​ប្រើ​ក្នុង​ការសិក្សា​ស្រាវជ្រាវ​។​ការងារ​នេះ​ទទួលបាន​ការគាំទ្រ​ពី​ប្រទេស​ជាច្រើន​រួមទាំង​អង្គការ​សុខភាព​ពិភពលោក​ផង​។​

​អង្គការ​សុខភាព​ពិភពលោក​បាន​ប្រាប់​ទីភ្នាក់ងារ​សារព័ត៌មាន​រ៉​យ​ទ័រ​កាលពី​ថ្ងៃ​ព្រហស្បតិ៍​ថា ខ្លួន​បាន​ណែនាំ​អោយ​អ៊ុយ​ក្រែនបំផ្លាញចោល​មេរោគ​បង្ក​គ្រោះថ្នាក់​ខ្ពស់​នៅ​តាម​កន្លែង​ពិសោធន៍​សាធារណៈ​​ដើម្បី​កុំអោយ​មាន​ការ​លិច​ធ្លាយ​ណាមួយ​ដែល​ធ្វើ​អោយ​ឆ្លង​រាលដាល​ជំងឺ​ក្នុងចំណោម​សាធារណជន​។​

​តំណាង​អាម៉េរិក​ប្រចាំ​អង្គការ​សហប្រជាជាតិ បាន​និយាយថា រដ្ឋាភិបាល​ក្រុង​វ៉ាស៊ីនតោន​មាន​ការព្រួយបារម្ភ​ជា​ខ្លាំង​ការ​ដែល​រុស្ស៊ី​កោះប្រជុំ​អំពី​បញ្ហា​នេះ ព្រោះ​វា​អាច​ប្រើ​វា​ជា​មូលដ្ឋាន​សំរាប់​រុស្ស៊ី​ប្រើ​សព្វា​​វុ​ធ​គីមី ឬ ជី​សាស្ត្រ​ដោយ​ខ្លួនឯង​នៅ​អ៊ុ​យក្រែន​៕

​តំណាង​រុស្ស៊ី​នៅ​អង្គការ​សហប្រជាជាតិ​លោក វ៉ាស​ស៊ី​លី ណេ​បិ​ន​ហ្ស៊ែ​រ​បាន​អះអាង​ថា អ៊ុយ​ក្រែន​បាន​ដំណើរការ​កន្លែង​ពិសោធន៍​សព្វាវុធ​ជីវសាស្ត្រ​ដោយ​មាន​ការជួយ​ពី​អាម៉េរិក តែ​សមាជិក​ក្រុមប្រឹក្សា​ភាគ​​ច្រើន​បដិសេធ​