ដោយៈ​អង្គា​រ៍​ហេង​/​ភ្នំពេញៈ​សមត្ថកិច្ច​ជំនាញ​នៃ​មន្ទីរ​ប្រឆាំង​គ្រឿងញៀន​បាន​បង្ក្រាប​ក្រុម​ជួញដូរ​គ្រឿងញៀន​ដោយ​បាន​ឃាត់ខ្លួន ជនសង្ស័យ​ពីរ​នាក់ ក្នុងនោះ​មាន​ជនជាតិខ្មែរ​ម្នាក់ និង​ជាតិ​អាម៉េរិក​ម្នាក់​ព្រមទាំង​រឹបអូស​បាន​គ្រឿងញៀន​ជាង​៤០​គីឡូ ក្រាម​ហើយ​នៅ​រសៀល​ថ្ងៃទី​១២​ខែមីនា​ឆ្នាំ​២០២២​នេះ​ត្រូវបាន​បញ្ជូន​ខ្លួន​មកកាន់​សាលាដំបូង​រាជធានី​ភ្នំពេញ​ដើម្បី​ប្រគល់ ឲ្យ​តំណាង​អយ្យកា​របើក​ការ​ស៊ើបសួរ​បន្ត​នីតិវិធី​។​

​សូមជម្រាបថា កាលពី​ថ្ងៃទី​០៦ ខែមីនា ឆ្នាំ​២០២២ កម្លាំង​ជំនាញ​នៃ មន្ទីរ​ប្រឆាំង​បទល្មើស​គ្រឿងញៀន​(​ក​៥) ដឹកនាំ​ដោយ​លោក​ឧត្ដមសេនីយ៍ទោ សាន សុ​ទ្ធី លោក ឧ​ត្ត​ម​សេនីយ៍​ទោ ឆាយ ហូត លោក ឧ​ត្ត​ម​សេនីយ៍​ត្រី គឹម តូ លោក ទេព វ៉ាន់​ណា​រ៉ា នាយករង​មន្ទីរ ដោយមាន​ការចូលរួម​ពី​កម្លាំង​នៃ​ស្នងការដ្ឋាន​នគរបាល​រាជធានី​ភ្នំពេញ ព្រមទាំង​មាន ការសម្របសម្រួល​ពី​លោក វង្ស សាវ៉ាត ព្រះរាជ​អ​ជ្ញា​រង​នៃ​អយ្យការ​អម​សាលា​ដំ​រាជធានី​ភ្នំពេញ បាន​ដំណើរការ​ស្រាវជ្រាវ​បង្ក្រាប​នៅ​ចំណុច​មុខផ្ទះ​លេខ បុរី​ទន្លេបាសាក់ ខណ្ឌចំការមន និង​របង​វត្ត​នាគ​វ័​ន្ត ខណ្ឌទួលគោក​។
​សមត្ថកិច្ច​បាន​ឃាត់ខ្លួន​ជនសង្ស័យ​បាន​ពីរ​នាក់​:១-​ឈ្មោះ USSTTERIABDURRAHMAN A ភេទ​ប្រុស កើត​ឆ្នាំ ១៩៨៩ ជនជាតិ អាម៉េរិក​កាំ​ង ២-​ឈ្មោះ ឆាយ ទី ភេទ​ប្រុស កើត​ឆ្នាំ​១៩៩៣ ជនជាតិ ខ្មែរ ។​

​ទន្ទឹមនេះ​សមត្ថកិច្ច​បាន​ចាប់យក​វត្ថុតាង​រួមមាន សារធាតុ​ញៀន ប្រភេទ​ម៉េ​តំ​ហ្វេ​តា​មីន​(ICE)​ទម្ងន់​សុទ្ធ​៤២ គីឡូ​និង ៧២៤​ក្រាម ។
​ប​ច្ច​ប្បន្ន​ជនសង្ស័យ​ទាំងពីរ​នាក់​កំពុងស្ថិត​ក្នុងដំណាក់កាល​តំណាង​អយ្យកា​របើក​ការ​ស៊ើបសួរ​៕​សរន