​ប្រែ​សម្រួលៈ​បំណង​(​វ៉េ​អិន​អិច​ស្ព្រេ​ស​)៖ អាជ្ញាធរ​សុខាភិបាល​វៀតណាម​កាល​ពី​យប់​ថ្ងៃ​សៅរ៍​ទី​១២​មីនា​បាន​បញ្ជាក់​ចំនួន​ឆ្លងកូវី​ដ​១៩​ថ្មី​ដល់​ទៅ​៤៥៤.១៩៧​នាក់ រួម​មាន​ជិត​៣០០.០០០​នាក់​បាន​ឆ្លង​​កាលពី​ប៉ុន្មាន​ថ្ងៃមុន តែ​ទើប​បញ្ចូល​ក្នុង​ឃ្លាំង​ទិន្នន័យ​ជាតិ​។​

​ក្រសួង​សុខាភិបាល​បាន​កត់ត្រា​ឃើញ​អ្នក​ឆ្លង​ថ្មី​ចំនួន​១៦៨.៧០៤​នាក់​សំរាប់​ថ្ងៃ​១២​មីនា​នៅ​៦៣​ខេត្ត​ក្រុង នៅពេល​ទីក្រុង​ហាណូយ​និង​ខេត្ត​ភាគ​ខាងជើង​ចំនួន​បី​បន្ថែម​អ្នកជំងឺ​២៨៥.៤៩៣​នាក់​មក​​ពី​ការឆ្លង​កាលពី​ប៉ុន្មាន​ថ្ងៃមុន​។​

អ្នកជំងឺកូវីដ១៩ចំនួន៦២នាក់ទៀតក៏បានស្លាប់កាលពីថ្ងៃសៅរ៍។

​ជាមួយនឹង​តួលេខ​ចុងក្រោយ​នេះ វៀតណាម​មាន​អ្នក​កើតកូ​វីដ​១៩​សរុប​ជាង​៥,៨៣​នាក់ ជាង​៣​លាន​នាក់​បាន​ជាសះស្បើយ និង​៤១.២៩៣​នាក់​ស្លាប់​ដោយកូវី​ដ​១៩​។​

​ក្នុងពេល​ជាមួយគ្នា អ្នកជំនាញការ​សុខភាព​ម្នាក់​បាន​ព្រមាន​ថា វៀតណាម​អាច​ជួប​ការផ្ទុះកូ​វីដ​១៩​មួយ​លើក​ទៀត​នៅ​ប្រាំមួយ​ខែ​ទៅ​មុខ មុន​ពេល​វា​ក្លាយជា​ជំងឺឆ្លង​ធម្មតា​។ ដូ វ៉ាន់ យុង​(Do Van Dung)​ប្រធាន​នាយកដ្ឋាន​សុខភាព​សាធារណៈ​នៅ​សកល​វិទ្យាល័យ​វេជ្ជសាស្ត្រ​និង​ឳ​សថ​ស្ថាន​ក្រុង​ហូជីមិញ បាន​និយាយថា ទំនងជា​នឹង​មាន​ការផ្ទុះ​ជំងឺ​នេះ​នៅ​រលក​ថ្មី​មួយ​បើសិនជា​ប្រជាជន​មិន​បង្កើត​​ភាពស៊ាំ​អោយ​សមល្មម​សំរាប់​ទប់ទល់​នឹង​វីរុស​នេះ​ទេ​។​

​លោក​ថា ការផ្ទុះ​ជំងឺ​នេះ​នៅ​រលក​ថ្មី​មួយ​អាច​សំគាល់​បាន​នៅពេល​ចំនួន​ឆ្លង​កើនឡើង​ជាប់ ធៀប​នឹង​ការឆ្លង​កាលពី​ប៉ុន្មាន​ថ្ងៃមុន​។​

​ទ្រឿង ហ៊ូ ខាញ់​(Truong Huu Khanh) អ្នកជំនាញ​ជំងឺឆ្លង​និង​ជា​សមាជិក​ម្នាក់​នៃ​គណៈកម្មាធិការ​វាយ​តំលៃ​វ៉ាក់សាំង​ជាតិ បាន​និយាយថា វៀតណាម​នឹង​ចាត់ទុកកូ​វីដ​១៩​ជា​ជំងឺ​ធម្មតា​មួយ​ក្នុង​​ពេល​ឆាប់ៗ​។​

​លោក​ខាញ់​បាន​និយាយថា បច្ចុប្បន្ន វៀតណាម​កំពុង​ជួប​ការឆ្លង​នៅ​រលក​ថ្មី​មួយ តែ​អ្នកជំងឺ​ភាគច្រើបំ​ផុតចេញ​រោគសញ្ញា​ស្រាល​និង​ធ្លាក់ខ្លួន​ឈឺ​ធ្ងន់​តែ​ក្នុង​ចំនួន​តិចតួច ដោយសារ​តែ​វា​ជា​វីរុស​អូ​មី​ក្រុង​។​​ដោយ​អូ​មី​ក្រុង​កំពុង​គ្រប​លើ​ការឆ្លង​បច្ចុប្បន្ន​ដោយ​រុញ​វីរុស​ដែល​តា​ទៅ​បាត់​បន្តិច​ម្តងៗ ជំងឺឆ្លង​នេះ​នឹង​លែង​ជា​បន្ទុក​ធំ​ហើយ​។​នៅពេល​វា​ក្លាយជា​ជំងឺឆ្លង​ធម្មតា នោះ​ប្រជាជន​នឹង​ឈប់​ធ្វើតេស្តិ៍​រក​វីរុស ដែល​ជួយ​កាត់បន្ថយ​ការចំណាយ​ខ្លះ ហើយ​ប្រើតែ​ថ្នាំ​ព្យាបាល​រោគសញ្ញា​ជាការ​ចប់​។​

​ទ្រឿង ហ៊ូ ខាញ់ បានបញ្ជាក់​ថា វា​សំខាន់​ដែល​ត្រូវ​វ​បង្កើត​ភាពស៊ាំ​ក្នុង​សហគមន៍​ហើយ​ក្នុងពេល​ជាមួយគ្នា វិស័យ​សុខាភិបាល​ត្រូវ​តែ​ដណ្តើម​ការគ្រប់គ្រង​លើ​ជំងឺ​នេះ​។​

​ត្រា​ន់ ដាក់ ភូ​(Tran Dac Phu) ទីប្រឹក្សា​ជាន់ខ្ពស់​ម្នាក់​នៅ​មជ្ឈមណ្ឌល​ប្រតិបត្តិការ​សុខាភិបាល​សង្គ្រោះបន្ទាន់ បាន​និយាយថា បើ​មិន​មាន​លេច​ចេញ​វីរុស​បំប្លែង​ខ្លួន​ថ្មី ឬ​មាន​វ៉ាក់សាំង​ថ្មី​ប្រឆាំងនឹង​​វីរុស​ថ្មី​នេះ និង​ថ្នាំ​ព្យាបាល​ជាក់លាក់​ណាមួយ នោះ​កូវី​ដ​១៩​អាច​ក្លាយជា​ជំងឺ​ធម្មតា​មួយ​នៅ​យ៉ាងយូរ​ត្រឹម​ចុងឆ្នាំ​នេះ​៕

​អូ​មី​ក្រុង​ចម្លង​ច្រើន​តែ​សម្រាល​បន្ទុក​មន្ទីរពេទ្យ​ដោយសារ​អ្នកជំងឺ​ធ្ងន់​ថយចុះ​។​ទោះជា​យ៉ាងណា​វា​នាំ​អោយ​ឳ​សថ​ស្ថាន​មមាញឹក​ខ្លាំង​ដោយសារ​មាន​អ្នក​ទៅ​ទិញ​ថ្នាំ​ច្រើន​ដើម្បី​ព្យាបាល​រោគសញ្ញា​កូវី​ដ​ដោយ​​ខ្លួនឯង​