​ប្រែ​សម្រួល : កញ្ញា​ដា​លី​ស,បំណង (​ដេល្លី​ម៉េល​) ៖ មី​ស៊ី​ល​របស់​រុស្ស៊ី​បាន​វាយលុក​មូលដ្ឋាន​យោធា​មួយ​នៅ​ភាគ​ខាងលិច​អ៊ុយ​ក្រែន​កាលពី​ថ្ងៃអាទិត្យ​ទី​១៣​មីនា ដោយ​សម្លាប់​មនុស្ស ៣៥​នាក់​នៅក្នុង​ការវាយប្រហា​រលើ​​ទីតាំង​មួយ​ដែល​បម្រើការ​ជា​មជ្ឈមណ្ឌល​ដ៏​សំខាន់​សម្រាប់​កិច្ចសហប្រតិបត្តិកា​ររ​វាង​អ៊ុយ​ក្រែ​ន​និង​ប្រទេសណាតូ ដែល​គាំទ្រ​វិស័យ​ការពារជាតិ​របស់​ខ្លួន​។ ​ការវាយប្រហារ​នេះ​បាន​បង្ហាញ​ពី​ការបង្កើន​ការវាយលុក​របស់​ទីក្រុង​មូ​ស្គូ និង​លើក​ការប្រយុទ្ធ​គ្នា​យ៉ាង​គ្រោះថ្នាក់​ទៅ​ជិត​ព្រំដែន​ប៉ូឡូញ​។​

​ការវាយប្រហារ​នៅ​ជិត​ប្រទេស​សមាជិក​ណា​តូ​នេះ​បាន​បង្កើន​លទ្ធភាព​ដែល​សម្ពន្ធមិត្ត​នេះ​អាច​ត្រូវបាន​ទាញ​ចូលទៅក្នុង​សមរភូមិ​ហើយ​មាន​ទម្ងន់​ជា​និមិត្តរូប​នៅក្នុង​ជម្លោះ​ដែល​បាន​ធ្វើឱ្យ​គូប្រជែង​​សម័យ​សង្គ្រាមត្រជាក់​រស់ឡើង​វិញ និង​គំរាម​សរសេរ​ឡើងវិញ​នូវ​សណ្តាប់ធ្នាប់​សន្តិសុខ​ពិភពលោក​បច្ចុប្បន្ន​។​

​កាំជ្រួច​មី​ស៊ី​ល​រុស្សី​ជាង​៣០ គ្រាប់​បាន​តម្រង់​គោលដៅ​លើ​ទីតាំង​យោធា​ដ៏​ធំ​ទូលាយ​នៅ​តំបន់​យ៉ា​វ៉ូ​រី​វ (Yavoriv)​ដែល​ត្រូវបាន​ប្រើ​ជា​យូរ​មក​ហើយ​ដើម្បី​បណ្តុះបណ្តាល​ទាហាន​អ៊ុយ​ក្រែនជា​ញឹកញាប់​​ជាមួយ​គ្រូបង្ហាត់​មក​ពី​សហរដ្ឋ​អាម៉េរិក​និង​ប្រទេស​ដទៃ​ទៀត​នៅក្នុង​សម្ពន្ធមិត្ត​លោកខាងលិច​។ ប៉ូឡូញ​ក៏​ជា​ផ្លូវ​ឆ្លងកាត់​សម្រាប់​ជំនួយ​យោធា​លោក​ខាងលិច​ទៅ​កាន់​អ៊ុយ​ក្រែន​ផងដែរ​ហើយ​ការវាយ​​ប្រហារ​នេះ​បាន​ធ្វើឡើង​បន្ទាប់​ពី​មានការ​គំរាម​ពី​ទីក្រុង​មូ​ស្គូក្នុង​ការតម្រង់​គោលដៅ​លើ​ការដឹកជញ្ជូន​អាវុធ​ឆ្លងកាត់​ពី​ទីនោះ​។​

​ប្រធានាធិបតី​អ៊ុយ​ក្រែនលោក វ៉ូ​ឡូ​ឌី​មៀរ ហ្សេ​លេន​ស្គី បាន​ហៅ​វា​ថា​ជា “​ថ្ងៃ​ខ្មៅ​” ហើយ​ជា​ថ្មី​ម្តងទៀត​បាន​ជំរុញ​ឱ្យ​មេដឹកនាំ​ណា​តូ​បង្កើត​តំបន់​គ្មាន​ការហោះហើរ​ទូទាំងប្រទេស ជាការ​អង្វរ​មួយ​ដែល​លោក​​ខាងលិច​និយាយថា​អាច​ជំរុញ​សង្គ្រាម​ទៅ​ជា​ការប្រឈមមុខ​ដាក់​គ្នា​ខាង​អាវុធ​នុយក្លេអ៊ែរ​។​

​លោក​ហ្សេ​លេន​ស្គី​បាន​និយាយថា “​ប្រសិនបើ​អ្នក​មិន​បិទ​មេឃ​របស់​យើង​ទេ វា​គ្រាន់តែ​ជា​បញ្ហា​នៃ​ពេលវេលា​ប៉ុណ្ណោះ មុនពេល​ដែល​មី​ស៊ី​ល​រុស្ស៊ី​ធ្លាក់​លើ​ទឹកដី​របស់​អ្នក​។ ទឹកដី​របស់​អង្គការ​ណា​តូ​។​ទៅលើផ្ទះ​​របស់​ពលរដ្ឋ​នៃ​ប្រទេស​ណា​តូ​”​។​

​ក្រៅពី​អ្នកស្លាប់​ទាំងនោះ ក្រសួងការពារជាតិ​អ៊ុយ​ក្រែន​បាន​និយាយថា មនុស្ស ១៣៤ នាក់​បាន​រងរបួស​នៅក្នុង​ការវាយប្រហារ​នេះ​៕

​ស្លាប់​៣៥​នាក់​និង​របួស​១៣៤​នាក់​ក្នុង​ការវាយប្រហារ​តាម​អាកាស​ពី​សំណាក់​រុស្ស៊ី​លើ​មូលដ្ឋានទ័ព​នៅ​តំបន់​យ៉ា​វ៉ូ​រី​វ​របស់​អ៊ុយ​ក្រែន​កាលពី​ថ្ងៃអាទិត្យ

​ក្នុងពេល​ជាមួយគ្នា ទីប្រឹក្សា​សន្តិសុខ​ជាតិ​របស់​សេត​វិមាន​លោក​ជេក ស៊ុល​លី​វ៉ាន​(Jake Sullivan)​បាន​ព្រមាន​ថា រុស្ស៊ី​នឹង​ជួប​ការឆ្លើយតប​មួយ​ពី​ណា​តូ​បើ​ការវាយប្រហារ​ណាមួយរ​បស់​ខ្លួន​នៅ​​អ៊ុយ​ក្រែន​ឆ្លង​ហួស​ព្រំដែន​ចូល​ក្នុង​ប្រទេស​ជា​សមាជិក​អង្គការ​សម្ពន្ធភាព​សន្តិ​សុខ​(​ណា​តូ​)​មួយ​នេះ​។​

​ការព្រមាន​នេះ​កើត​ឡើង​បន្ទាប់ពី​រុស្ស៊ី​បាញ់​កាំជ្រួច​រាប់សិប​ដើម​កំទេច​មូលដ្ឋាន​ហ្វឹកហាត់​យោធា​មួយ​នៅក្បែរ​ព្រំដែន​ប៉ូឡូញ ។​

​លោក​ស៊ុល​លី​វ៉ាន បាន​ប្រាប់​សារព័ត៌មាន​CBS News​ថា លោក​ប្រធានាធិបតី ចូ បៃ​ដិន បានបញ្ជាក់​ច្បាស់​ហើយ​ថា អាម៉េរិក​នឹង​ធ្វើការ​ជាមួយ​សម្ពន្ធមិត្ត​ដើម្បី​ការពារ​ទឹកដី​ណា​តូ​នៅ​គ្រប់​អ៊ីង​។​ការ​វាយ​​ប្រហារ​លើ​ទឹកដី​ណា​តូ នឹង​នាំអោយ​យក​ច្បាប់​ក្នុង​មាត្រា​ទី​៥​មក​ប្រើ គឺ​តំរូវ​អោយ​ប្រទេស​ជា​សមាជិក​ណា​តូ​ចេញមក​ការពារ​ប្រទេស​រង​ការវាយប្រហារ​។​«​យើង​នឹង​ព្រលែង​ការឆ្លើយតប​របស់​កង​កម្លាំង​ណា​តូ​​ទៅ​មួយ​ទំហឹង​»​។​

​លោក​ជេក ស៊ុល​លី​វ៉ាន បានបញ្ជាក់​ថា ណា​តូ​នឹង​ឆ្លើយតប​ភ្លាម សូម្បី​តែ​រុស្ស៊ី​បាញ់​មួយ​គ្រាប់​ចូល​ទឹក​ដី​ណា​តូ​ដោយ​ចៃ​ដ​ន្តក៏ដោយ​៕

​លោក​ជេក ស៊ុល​លី​វ៉ាន