​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ អតីត​ប្រធានាធិបតី​អាម៉េរិក​លោក​បា​រ៉ាក់ អូ​បា​ម៉ា​បាន​និយាយ​នៅ​លើ​គណនី Twitter របស់គាត់​កាលពី​ថ្ងៃអាទិត្យ​ទី​១៣​មីនា​ថា​គាត់​បាន​ធ្វើតេស្តិ៍​វិជ្ជ​​មានកូ​វីដ​១៩ តែ​មាន​អា​ការៈស្រាល​។​

​លោក​អូ​បា​ម៉ា​បាន​សរសេរ​នៅលើ Twitter ដោយ​បន្ថែម​ថា ភរិយា​របស់​គាត់ ដែល​ជា​អតីត​ជំទាវ​ទីមួយ មី​ឆែ​ល អូ​បា​ម៉ា រហូតមកទល់​ពេលនេះ​នៅ​តែ​ធ្វើតេស្តិ៍​អវិជ្ជមាន​។​

​លោក​បាន​សរសេរថា “​មី​ឆែ​ល​និង​ខ្ញុំ​ពិតជា​ដឹងគុណ​ដែល​បាន​ចាក់​វ៉ាក់សាំង​និង​ដូស​ជំរុញ​”​។​

​លោក​អូ​បា​ម៉ា​រួម​ទាំង​អតីត​ប្រធានាធិបតី លោក​ជី​ម​មី ខា​ធឺ លោក​ច​ច ដាប់​ប៊​ល​យូ ប៊ូ​ស លោក ប៊ី​ល គ្លី​ន​តុ​ន និង​អតីត​ជំទាវ​ទី​មួយ​គ្លី​ន​តុ​ន​បាន​បង្ហាញ​ខ្លួន​ជាមួយ​គ្នា​នៅក្នុង​វីដេអូ​មួយ​នាទី​ដែល​បាន​​ចេញផ្សាយ​កាលពី​ខែ​មីនា​ឆ្នាំ​មុន ដោយ​គាំទ្រ​យុទ្ធនាការ​ចាក់​វ៉ាក់សាំង​របស់​សហរដ្ឋ​អាម៉េរិក និង​ចែករំលែក​អ្វី​ដែល​ពួកគេ​ខកខាន​អំពី​ជីវិត​មុនពេល​មាន​ជំងឺ​រាតត្បាត​។​

​លោក​អូ​បា​ម៉ា​បាន​និយាយ​នៅក្នុង​វីដេអូ​ថា “​វ៉ាក់សាំង​មានន័យថា​ក្តីសង្ឃឹម​។ វា​នឹង​ការពារ​អ្នក​និង​មនុស្ស​ដែល​អ្នក​ស្រលាញ់​ពី​ជំងឺ​ដ៏​គ្រោះថ្នាក់​និង​សាហាវ​នេះ​”​។​

​កាលពី​ខែ​សីហា លោក​អូ​បា​ម៉ា​បាន​លុបចោល​ការ​ប្រារព្ធ​ខួប​គម្រប់ ៦០ ឆ្នាំ​របស់​គាត់ ដោយសារតែ​ការរីក​រាលដាល​នៃ​មេរោគ​ដែល​តា​៕

លោក​អូ​បា​ម៉ាតេស្តិ៍​វិជ្ជមាន​កូវី​ដ​១៩ តែ​មាន​អាការៈ​ស្រាល​ប៉ុណ្ណោះ