ដោយ​: សុខុម / ស្ទឹងត្រែងៈ ថ្នាក់ដឹកនាំ​ខេត្តស្ទឹងត្រែង កម្ពុជា និង​ថ្នាក់ដឹកនាំ ខេត្ត​ចំប៉ា​សាក់ ឡាវ បាន​ជួបគ្នា និយាយ​អំពី​ការងារ​មួយចំនួន ទាក់ទង​នឹង ព្រំដែន​។​

​ការជួបគ្នា​នេះ បានធ្វើ​ឡើង ក្រោយពី​ប្រមុខ​រាជរដ្ឋាភិបាល​កម្ពុជា បានប្រគល់ រថយន្ត សម្រាប់​ដឹក​វ៉ាក់សាំង ចំនួន ១០ គ្រឿង ទៅ​ឲ្យ​សាធារណរដ្ឋ​ប្រជា មានិត​ឡាវ កាលពី​ថ្ងៃទី ១២ ខែមីនា ឆ្នាំ​២០២២​។​

​យោងតាម​លិខិត​លេខ ០៥៣ សអក​.​ប៉​ស របស់​ស្ថាន​អគ្គ​កុងស៊ុល នៃ​ព្រះរាជា ណា​ចក្រ​កម្ពុជា ប្រចាំ​នៅ​ទីក្រុង​ប៉ាក​សេ ក្នុងការ​ជួបពិភាក្សា លើ​បញ្ហាសំខាន់ៗ មួយចំនួន ដែល​ប្រឈម នៅតាម​បន្ទាត់​ព្រំដែន រវាង​ប្រទេស​ទាំង ២ នាពេល កន្លងមក​។​

​ការជួបពិភាក្សា ថ្នាក់ដឹកនាំ របស់​ភាគី​ទាំង​២ បានកត់សម្គាល់​ឃើញថា មាន ចំណុច​មួយចំនួន ដែល​ភាគី​ខាង​ឡាវ បានស្នើ​ឲ្យ​មានការ​ចូលរួម​សហកា​រ រវាង​មន្ទីរ​សាធារណការ​ខេត្ត​ទាំង​២ និង​សមត្ថកិច្ច​ប្រចាំ​ច្រកព្រំដែន ក្នុង​ការជួស ជុល​បង្គោល​សុ​ី​ម៉​ង់​ត៌ PN89 នៅ​បរិវេណ ច្រកព្រំដែន ត្រពាំង​ក្រៀល និង ណង​ណុ​ក​ខៀន​។​

​ពាក់ព័ន្ធ​ការស្នើសុំ​ពី​ភាគី​ឡាវ ខាង​ថ្នាក់ដឹកនាំ​ខេត្តស្ទឹងត្រែង បាន​លើកឡើងថា កិច្ចការងារ​នេះ ថ្នាក់​ខេត្ត មិន​អាចមាន​សិទ្ធិ​សម្រេច​ទេ មានតែ​ថ្នាក់ជាតិ ទើប​អាច​សម្រេចបាន​។​

​ភាគី​កម្ពុជា បញ្ជាក់ថា បង្គោល​បេតុង PN89 នេះ គឺជា​បង្គោល​កំណត់​ចិញ្ចើមផ្លូវ ពី​ដុង​ក្រឡ ទៅ​ត្រពាំង​ក្រៀល ដែល​ភាគី​ទាំង​២ បានសម្រេច​បង្កើត​គណៈ កម្ម​ការ​បច្ចេកទេស អនុវត្ត​កិច្ចព្រមព្រៀង ចុះហត្ថលេខា រវាង​ក្រសួង​សាធារណៈ និង​ដឹកជញ្ជូន​កម្ពុជា និង ក្រសួង​គមនាគមន៍​ដឹកជញ្ជូន និង​សំណង់​របស់​ឡាវ កាលពី​ថ្ងៃទី​៥ ខែមករា ឆ្នាំ​២០០៧ ក្នុង​ការសាងសង់​ផ្លូវជាតិ​លេខ​៧ របស់​កម្ពុជា ត​ភ្ជាប់​ផ្លូវជាតិ​លេខ​១៣ របស់​ឡាវ ដោយ​បង្គោល​បេតុង​ទាំងនេះ មិនមែនជា បង្គោល​កំណត់ព្រំដែន រវាង​ប្រទេស​ទាំង​២​ឡើយ ។​

​កន្លងមក​ភាគី​កម្ពុជា បានស្នើ​សុំ​ដក​បង្គោល កំណត់​ចិញ្ចើមផ្លូវ​ចេញ​វិញ ក្រោយ ពី​សាងសង់ ផ្លូវជាតិ​រួច តែ​ភាគី​ឡាវ មិន​ព្រម​ឲ្យ​ដក​ទេ​។ ដោយហេតុ​ផល​ថា រង់ចាំ​បង្គោល​ព្រំដែន នៅ​ចំណុច ដើម​ល្វា និង​ចំណុច​០៣៣ រួចរាល់​សិន​។​

​ជំនួប​រវាង​ភាគី​ទាំង ២ ក៏បាន​ជម្រាបជូន​ពី ការអភិវឌ្ឍ ត្រួសត្រាយ​ផ្លូវ តាម​បណ្តោយ​ព្រំដែន ណង​ណុ​ក​ខៀន ដល់​ច្រក​ដុង​ក្រឡ នៃ​ស្រុក​ខូង ខេត្ត​ចំប៉ា​សាក់ ផងដែរ​។​

​បន្ថែម​ពីនេះ ក៏មាន​ការស្នើសុំ​ឲ្យ​មាន​កិច្ចប្រជុំ ក្រុមការងារ​លេខា​ដ្ឋា​ន​ខេត្ត ទាំង​២ ដើម្បី​ពិភាក្សា​ឡើងវិញ អំពី​អនុវត្ត​ឯកសារ កំណត់ហេតុ​កិច្ចប្រជុំ​លើក​ទី​១៣ សម្រាប់​ត្រៀម កិច្ចប្រជុំ​ថ្នាក់ដឹកនាំ​ខេត្ត ទាំង​២ ស្ដីពី​កិច្ចសហប្រតិបត្តិការ លើក​ទី​១៤ ដែល​ខេត្តស្ទឹងត្រែង នឹង​ធ្វើជា​ម្ចាស់ផ្ទះ​៕/V​-PC