ដោយៈ សុខ​សុ​ភ័​ណ្ឌ / កំពង់ស្ពឺៈ បុរស​ពីរ​នាក់ បាន​ស្លាប់​ភ្លាមៗ នៅនឹងកន្លែង បន្ទាប់ពី​ម៉ូតូ បុក​ជាមួយ​ម៉ូតូ នៅតាម​បណ្តោយ​ផ្លូវជាតិ​លេខ​៤ ចន្លោះ​គីឡូ ម៉ែត្រ​លេខ ៣៧-៧៨ ត្រង់ចំណុច​ភូមិ​ព្រៃ​ផ្តៅ ឃុំ​ត្រពាំង​គង ស្រុក​សំរោង​ទង កាលពី​វេលា​ម៉ោង​ជិត ៣ រសៀល ថ្ងៃទី​១៣ ខែមីនា ឆ្នាំ​២០២២​។​

​នគរបាល​ស្រុក​សំរោង​ទង បាន​ឲ្យ​ដឹងថា មុន​កើតហេតុ គេ​ឃើញ​ម៉ូតូ​ម៉ាក​ហុងដា សេ​១២៥ សេរី​២០១៤ ពណ៌​ខ្មៅ ពាក់​ស្លាក​លេខ កំពង់ស្ពឺ 1G-1499 បើកបរ​ដោយ ឈ្មោះ មឿ​ន បញ្ញា ភេទ​ប្រុស អាយុ ១៩ ឆ្នាំ រស់នៅ​ភូមិ​ក្រាំង​ពង្រ ឃុំ​វល្លិ​សរ ស្រុក​សំរោង​ទង បើកបរ​ពី​ទិសខាងកើត ទៅ​ទិស​ខាងលិច លុះ​មកដល់​ចំណុច​ខាងលើ បាន​បុក​ជាមួយ​ម៉ូតូ ម៉ាក​ហុងដា សេ​១២៥ សេរី​២០២១ ពណ៌​ខ្មៅ ពាក់​ស្លាក​លេខ កំពង់ស្ពឺ 1N-9627 ពេញទំហឹង បើកបរ​ដោយ ឈ្មោះ យ៉​ន សុខ​លីម ភេទ​ប្រុស អាយុ ១៨​ឆ្នាំ រស់នៅ​ភូមិ​ព្រៃ​ផ្តៅ ឃុំ​ត្រពាំង​គង ស្រុក​សំរោង​ទង ដែល​កំពុងបើក​បរឆ្ល​ង​ផ្លូវ ពី​ទិស​ខាងជើង ទៅ​ទិស​ខាងត្បូង បណ្តាល​ឲ្យ​ស្លាប់ ទាំងពីរ​នាក់ នៅនឹងកន្លែង​ភ្លាមៗ​។​

​ក្រោយ​កើតហេតុ មន្ត្រីនគរបាល​ជំនាញ បាន​វាស់វែង និង​ប្រគល់​សព​ជន រងគ្រោះ ទាំងពីរ​ឲ្យ​ក្រុមគ្រួសារ រីឯ​វត្ថុ​ង​តាង ម៉ូតូ​ទាំងពីរ​គ្រឿង យកទៅ​រក្សាទុក នៅ​ប៉ុស្តិ៍នគរបាល ឃុំ​ត្រពាំង​គង រង់ចាំ​ដោះស្រាយ នៅពេល​ក្រោយ​៕/V​-PC