ដោយៈ ប​.​ជ័យ / បន្ទាយ​មាន​ជ័​យៈ អ្នកបើករថយន្ត ទំនងជា​ស្រវឹង បើក​ល្បឿន លឿន បុក​ម៉ូតូ​មួយគ្រឿង បង្ក​ឱ្យស្លាប់​ពីរ​នាក់ នៅនឹងកន្លែង នៅវេលា​ម៉ោង ១​និង​៣០​នាទី រំលងអធ្រាត្រ ចូល​ថ្ងៃទី​១៤ ខែមីនា ឆ្នាំ​២០២២ នៅតាម​បណ្ដោយ ផ្លូវជាតិ​លេខ​៥ ទល់មុខ​នឹង​ក្រុម​ហុ៑ន​ម៉ូតូ​ហុងដា ក្នុង​សង្កា​ត់បា​លិ​លេ​យ្យ​១ ក្រុង​ប៉ោយប៉ែត ខេត្តបន្ទាយមានជ័យ​។​

​មន្ត្រីនគរបាល​ចរាច​ណ៍​ផ្លូវគោក នៃ​អធិការដ្ឋាន​ក្រុង​ប៉ោយប៉ែត បាន​ឲ្យ​ដឹងថាៈ មុន​កើតហេតុ នោះ មាន​រថយន្ត​បង្ក ស៊េរី​ទំនើប ម៉ាក Lexus Rx330 ពណ៌​ស ពាក់​ស្លាក​លេខ ភ្នំពេញ 2AU1911 បាន​បើក​ពី​ទិសខាងកើត មក​ខាងលិច ក្នុង​ល្បឿន​លឿន ។ ទំនងជា​ស្រវឹង​ខ្លាំង អ្នកបើករថយន្ត បាន​បើក​ក្នុង​ល្បឿន លឿន លុះ​មកដល់​ចំណុចកើតហេតុ​នេះ ស្រាប់តែ​បើក​ទៅ បុក​ពីក្រោយ ម៉ូតូ​មួយគ្រឿង ម៉ាក​ហុងដា ស៊េរី​ឆ្នាំ ២០១២ ពណ៌​ខ្មៅ គ្មាន​ស្លាក​លេខ មួយគ្រឿង បើក​ដោយ​បុរស​ម្នាក់ និង​អ្នករួមដំណើរ​ម្នាក់ បណ្តាល​ឲ្យ​ស្លាប់​ទាំងពីរ​នាក់ នៅនឹងកន្លែង​កើតហេតុ​។ ភ្លាមៗ រថយន្ត​ក៏​ជ្រុល​ទៅបុក​រថយន្ត ស៊េរី​ទំនើប មួយគ្រឿង​ទៀត ម៉ាក​ហ្វ​ត (Ford) ពណ៌​ខ្មៅ គ្មាន​ស្លាក​លេខ បណ្ដាលឱ្យ​រង​ការ ខូចខាត ផ្នែក​ខាងក្រោយ​យ៉ាងដំណំ​។​

​ក្នុងចំណោម​ជនរងគ្រោះ ពីរ​នាក់​នោះ មាន​ម្នាក់ ជា​ក្មួយប្រុស​របស់ លោក​ឧ​ត្ត​ម​សេនីយ៍​ត្រី តឹក ប៊ុនធឿន មេបញ្ជាការ​ទិស​ទី​១ យោធភូមិភាគ​ទី​៥ បន្ទាយមានជ័យ និង​ជា​ម្ចាស់​ភាគហ៊ុន នៃ​ក្រុមហ៊ុន​ណាគ្រី រៀន​អ៊ី​ស្ទេ​ត ប៉ោយប៉ែត ។​

​មន្ត្រីនគរបាល​ចរាច​ណ៍ បាន​ប្រាប់​ឲ្យ​ដឹង​បន្តទៀតថាៈ ក្រោយពី​កើតហេតុ​ហើយ រថយន្ត​បង្ក​ត្រូវបាន​សមត្ថកិច្ច ជំនាញ​ចរាចរណ៍ នៃ​អធិការដ្ឋាន​ក្រុង​ប៉ោយប៉ែត បាន​វាស់វែង រួច​ស្ទូច​យកទៅ​រក្សាទុក នៅ​អធិការដ្ឋាន​នគរបាល​ក្រុង​។ រីឯ​សព​ជនរងគ្រោះ ទាំងពីរ​នាក់ ត្រូវ​សាច់ញាតិ មក​ទទួលយក​ទៅធ្វើ​បុណ្យ តាម​ប្រពៃណី​ហើយ​៕/V​-PC