​ប្រែ​សម្រួលៈ​បំណង​(VnExpress)៖ វៀតណាម​កាលពី​ម្សិលមិញ​បាន​រក​ឃើញ​អ្នក​ឆ្លងកូវី​ដ​១៩​ចំនួន​២០៩.៤៨៦​នាក់​ទៀត ដោយ​នាំ​អោយ​ចំនួន​ឆ្លង​ជំងឺ​នេះ​សរុប​នៅក្នុង​ការផ្ទុះកូ​វីដ​១៩​ក្នុង​សហគមន៍​​ចាប់ពី​ខែ​មេសា​ឆ្នាំ​មុន​មក​ឡើងដល់ ៦.០៣៣.១៣០​នាក់​។​

​ក្នុងចំណោម​ខេត្ត​ក្រុង​ចំនួន​៦២​ដែល​បាន​រាយការណ៍​ចំនួន​ឆ្លង​ថ្មី​កាលពី​ថ្ងៃអាទិត្យ ខេត្ត​បាក់​យ៉ាង​(Bac Giang)​ភាគ​ខាងជើង​បន្ថែម​អ្នក​ឆ្លង​៤២.៥៣៣​នាក់​មក​ពី​ការឆ្លង​កាលពី​ប៉ុន្មាន​ថ្ងៃមុន ហើយ​​ទី​តាំងបី​មាន​ការឆ្លង​ប្រចាំ​ថ្ងៃ​ច្រើនជាងគេ គឺ​បាក់​យ៉ាង ៤៥.៣៨៦​នាក់ ក្រុង​ហាណូយ ២៩.២៦៩​នាក់ និង​ខេត្ត​ង៉េ​អាន​(Nghe An)១០.២៤៣​នាក់​។​

​ចំនួន​ស្លាប់​ដោយកូវី​ដ​១៩​នៅ​វៀតណាម​បាន​កើន​ដល់​៤១.៣៨៨​នាក់​បន្ទាប់​ពី​អ្នក​ស្លាប់​ថែម​៩៥​នាក់​ទៀត​កាលពី​អាទិត្យ​។​

​សូមបញ្ជាក់​ថា ទីក្រុង​ហាណូយ​មាន​អ្នក​ឆ្លង​ថ្មី​ជា​មធ្យម​៣០.០០០​នាក់​ក្នុង​មួយ​ថ្ងៃ​នៅ​មួយ​សប្តាហ៍​មក​នេះ ដោយ​កើន​ដប់​ដង​ធៀប​នឹង​ចំនួន​ឆ្លង​កាលពី​មួយខែ​មុន​។​ទោះជា​រំពឹងថា​ចំនួន​ឆ្លង​នឹង​បន្ត​កើន​​ឡើង​តែ​ចំនួន​អ្នកជំងឺ​ចូល​ដេកពេទ្យ​ធ្លាក់ចុះ​ដោយសារ​អត្រា​ចាក់​វ៉ាក់សាំង​ខ្ពស់​៕

​គិត​ត្រឹម​ថ្ងៃ​សៅរ៍​ក្រុង​ហាណូយ​មាន​អ្នក​ឆ្លង​សរុប​ជាង​៧៧០.០០០​នាក់​តាំងពី​មុន​មក និង​ក្លាយ​ជា​ទីតាំង​មាន​អ្នក​ឆ្លងកូវី​ដ​១៩​ច្រើន​ជាង​គេ​នៅ​វៀតណាម​