ដោយ : ប​.​ជ័យ / បន្ទាយមានជ័យ​: លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ នៅ​ថ្ងៃទី​១៤​ខែមីនា​ឆ្នាំ​២០២២​នេះ​បាន​បើក​កិច្ចប្រជុំ​សាមញ្ញ​មួយ​ជាមួយ​ថ្នាក់ដឹកនាំ​ស្នងការដ្ឋាន​ដើម្បី​កសាង​ផែនការអភិវឌ្ឍន៍ ស្នងការដ្ឋាន​នគរបាល​ខេត្តបន្ទាយមានជ័យ​ឲ្យ​កាន់តែ​រីកចម្រើន​។​

​ក្នុងឱកាស​នេះ​លោក​ឧ​ត្ត​ម​សេនីយ៍​ទោ សិទ្ធិ ឡោះ បាន​ជំរុញ​ដល់ លោក លោកស្រី​ស្នងការរង​ត្រូវ​យកចិត្តទុកដាក់​ពង្រឹង សមត្ថភាព ចំណេះ ជំនាញ ផ្នែក​ច្បាប់ និង ព័ត៌មានវិទ្យា​ដល់​មន្ត្រី​ក្រោម​ឱវាទ​ដើម្បី​ឲ្យ​លទ្ធផល​នៃ​ការអនុវត្ត​ការងារ​កាន់តែ លឿន​រហ័ស និង​ប្រកបដោយ​ប្រសិទ្ធិភាព​។

​លោក​បន្តថា​ការប្រជុំ​កសាង​ផែនការ​សកម្មភាព​នេះ​គឺ​ដើម្បី​ឲ្យ​នគរបាល​គ្រប់ផ្នែក​ពាក់​ព​ន្ធ័​ត្រូវ​យកចិត្តទុកដាក់​បំពេ​ញ​តួនាទី​ជំនាញ ឲ្យ​បាន​ត្រឹមត្រូវ បម្រើសេវា ជូន​ប្រជាពលរដ្ឋ ឲ្យ​បាន​ទាន់ពេលវេលា ប្រកបដោយ​តម្លាភាព និង យុត្តិធម៌​៕​សរន​-PC