​ប្រែ​សម្រួលៈ​បំណង​(​ដេល្លី​ម៉េល​,CGTN)៖ ប្រធានាធិបតី​អ៊ុយ​ក្រែនលោក វ៉ូ​ឡូ​ឌី​មៀ ហ្សេ​លេន​ស្គី​( Volodymyr Zelenskyy)​និយាយថា គណៈប្រតិភូ​អ៊ុយ​ក្រែ​ន​និង​រុស្ស៊ី​នឹង​បន្ត​កិច្ច​ពិភាក្សា​នៅ​ថ្ងៃ​អង្គារ​​ទី​១៥​មីនា​។​

​ថ្លែង​ក្នុង​សុន្ទរកថា​តាម​វីដេអូ​មួយ លោក​ហ្សេ​លេន​ស្គី បាន​និយាយថា គណៈប្រតិភូ​អ៊ុយ​ក្រែន​បាន​ធ្វើ​ការងារ​ល្អ​ក្នុង​កិច្ចពិភាក្សា​កាលពី​ថ្ងៃ​ចន្ទ តែ​លោក​មិន​បាន​ផ្តល់​ព័ត៌មាន​លម្អិត​ទេ​។​

​លោក​ថា​កាលពី​ថ្ងៃ​ចន្ទ លោក​បាន​និយាយ​ទៅកាន់​នាយករដ្ឋមន្ត្រី​អ៊ីស្រាអែល លោក​ណា​ហ្វតា​លី បិ​ន​ណិ​ត​(Naftali Bennett) ជា​ផ្នែក​នៃ​កិច្ច​ខិតខំ​«​បញ្ចប់សង្គ្រាម​អោយ​រហ័ស​»​និង​សំរេចបាន​«​សន្តិភាព​មែនទែន​»​។

​លោ​កបិន​ណិ​ត​បាន​និង​កំពុង​ស្វះស្វែ​ង​សម្រុះសម្រួល​អោយមាន​ដំណោះស្រាយ​ដោយ​សន្តិវិធី​មួយ ហើយ​កាលពី​ថ្ងៃ​ចន្ទ​ក៏បាន​បាន​និយាយ​ទៅកាន់​ប្រធានាធិបតី​រុស្ស៊ី​លោក​វ្ល៉ា​ឌី​មៀ ពូ​ទីន​។​

​ជាថ្មីទៀត​ប្រធានាធិបតី​អ៊ុយ​ក្រែន​បាន​អំពាវនាវ​អោយ​ទាហាន​រុស្ស៊ី​ឈប់​ប្រយុទ្ធ​និង​និយាយ​បែប​ឡូយ​ថា​«​ខ្ញុំ​ផ្តល់​ឳ​កាសរ​ស់​ដល់​អ្នក​»​។​

​លោក​ហ្សេ​លេន​ស្គី​កាលពី​សប្តាហ៍​មុន​បាន​និយាយថា​ប្រទេស​លោក​កំពុង​រង​ទុក្ខ​ហើយ​លោក​ដឹងគុណ​ការគាំទ្រ​ទ្វេភាគី​ពី​បណ្តា​ប្រទេស​ក្នុង​អង្គការ​ណា​តូ​តែ​បាន​វាយប្រហា​រិះគន់​ណា​តូ​ជា​ថ្មី​ចំពោះ​ភាព​ស្ទាក់​​ស្ទើរ​របស់​សម្ពន្ធភាព​យោធា​ដ៏​ធំ​មួយ​នេះ​ក្នុង​ការផ្តលើ​ការគាំទ្រ​ផ្នែក​យោធា ហើយ​ទទូច​សុំអោយ​លោក​ខាងលិច​ចូលរួម​កិច្ចពិភាក្សា​ដើម្បី​ផ្តល់​ការធានា​សន្តិសុខ​ផ្ទាល់​របស់​គេ​ចំពោះ​អ៊ុយ​ក្រែន​ផងដែរ​៕

​លោក ហ្សេ​លេន​ស្គី​អះអាងថា លោក​មាន​បំណង​«​ចាប់ផ្តើម​ដំណើរការ​រក​ដំណោះស្រាយ​សំរាប់​សន្តិភាព​និង​ការបញ្ចប់​សង្គ្រាម​» នៅក្នុង​កិច្ចពិភាក្សា​ការទូត​ជា​បន្តបន្ទាប់​ជាមួយ​រុស្ស៊ី​