​ដោយៈ ប​.​ខុន / ភ្នំពេញៈ ក្រសួង​អភិវឌ្ឍន៍ជនបទ ចាប់ផ្តើម​ដំណើរការ​សន្និបាត បូកសរុប លទ្ធផល​ការងារ ឆ្នាំ​២០២១ និង​ទិសដៅ​ការងារ ឆ្នាំ​២០២២ នៅ​ទីស្តីការក្រសួង ដោយមាន​ថ្នាក់ដឹកនាំ ចូលរួម​ផ្ទាល់ ជា​ភ្ញៀវកិត្តិយស ប្រមាណ​ជា ១០០ នាក់ និង​មួយចំនួន ទៀត ចូលរួម តាមរយៈ​ប្រព័ន្ធ​វីដេអូ​ស៊ូ​ម​មាន​រយៈពេល​ពេញ​មួយ​ថ្ងៃទី​១៥ ខែមីនា ឆ្នាំ​២០២២ នេះ​។​

​បន្ទាប់ពី​ពិធី​ចាប់ផ្តើម​លោក សួស គង់ រដ្ឋលេខាធិការ​ប្រចាំការ ក្រសួង​អភិវឌ្ឍន៍ជនបទ បាន​អាន​របាយការណ៍ ស្តីពី​លទ្ធផល​ការងារ ដែល​ក្រសួង​អនុវត្ត បាន​នៅក្នុង​ឆ្នាំ​២០២១​ថា មាន​យន្តការ​ចំនួន ដូចជា​ឆ្នាំ​២០២២ គឺជា​ឆ្នាំ​ទី​៤ នៃ​ការអនុវត្ត​ផែនការ យុទ្ធសាស្ត្រ​អភិវឌ្ឍន៍ ជនបទ ២០១៩-២០២៣ ដែល​ក្រសួង​អភិវឌ្ឍន៍ជនបទ បានដាក់​ចេញ​នូវ​គោលបំណង គោលនយោបាយ​ចម្បង គឺ​“​ការលើកកម្ពស់​គុណភាព និង​គុណ​តម្លៃ នៃ​ជីវិត​រស់នៅ​របស់ ប្រជាជន​ជនបទ ប្រកបដោយ​បរិ​យា​ប័ន្ន ទាំង​ផ្នែក​សេដ្ឋកិច្ច សង្គម​និង​វប្បធម៌​” និង​បានកំណត់ យកសរ​សរ​ស្តម្ភ ៤ ដែល​ដើរតួ​ជា​កម្មវិធី​អាទិភាព មានការ​អភិវឌ្ឍ ហេដ្ឋារចនាសម្ព័ន្ធ​រូបវ័ន្ត និង​គមនាគមន៍​, ការកែលម្អ​លក្ខខណ្ឌ នៃ​ការរស់នៅ​របស់​សហគម​ន៍​ជនបទ​, ការធ្វើ​ពិពិធ​កម្ម សកម្មភាព​សេដ្ឋកិច្ច​ជនបទ និង​ការពង្រឹង​សេវា គាំទ្រ​រដ្ឋបាល និង​កិច្ចការ​ទូទៅ​។​

​នៅក្នុង​របាយការណ៍ ដែល​អាន​ដោយ​លោក សួស គង់ បានបង្ហាញ​ឱ្យឃើញ​ទៀតថា ឆ្នាំ​កន្លងទៅនេះ ក្រសួង​បាន​ផ្តោត​ការយកចិត្តទុកដាក់ លើ​ការងារ​ជា​សារ​វ័​ន្ត ចំនួន​៧ រួមមាន​ការកែលម្អ ស្ថានភាព​សេដ្ឋកិច្ច សង្គមកិច្ច និង​វប្បធម៌​របស់​ប្រជាជន​ជនបទ​, កាត់បន្ថយ​ជា​បណ្តើរៗ​នូវ​ភាពក្រីក្រ​និង​ភាពខុសគ្នា​រវាង​អ្នក​ជនបទនិង​អ្នកទីក្រុង​,​ជំរុញ​ការបណ្តុះបណ្តាល​វិជ្ជាជីវៈ​បឋម សំដៅ​បើកទូលាយ ដល់​ប្រជាពលរដ្ឋ ជ្រើសរើស​មុខរបរ​ថ្មី​បន្ថែម​, លើកកម្ពស់​ផលិតភាព និង​ប្រាក់ចំណូល​, អភិវឌ្ឍន៍ជនបទ​ប្រកប ដោយ​ចីរភាព​, កម្មវិធី​អភិវឌ្ឍន៍ជនបទ ចម្រុះ​ថ្នាក់​គ្រួសារ ភូមិ ឃុំ ដូចជា អភិវឌ្ឍន៍​ផ្លូវលំ​ជនបទ ការផ្គត់ផ្គង់ ទឹក​ជនបទ ការថែទាំ​សុខភាព​បឋម ការអភិវឌ្ឍ​សហគមន៍ និង​ការអភិវឌ្ឍ​សេដ្ឋកិច្ច​ជនបទ​, និង​ការពង្រឹង រចនាសម្ព័ន្ធ​អភិវឌ្ឍន៍ជនបទ គ្រប់​ជាន់ថ្នាក់​។

​ការអនុវត្ត​ផែនការ យុទ្ធសាស្ត្រ​អភិវឌ្ឍន៍ជនបទ រយៈកាល ៣ ឆ្នាំ កន្លងទៅនេះ ក្រសួង​អភិវឌ្ឍន៍ជនបទ សម្រេចបាន​លទ្ធផល ក្នុង​ឆ្នាំ​ជាច្រើន គួរឱ្យកត់សម្គាល់ ទោះជា​ស្ថិត ក្នុងស្ថានភាព​រីក​រាល​ដាល នៃ​ជំងឺ​កូ​វីដ​-១៩​ក៏ដោយ ហើយ​បាននិងកំពុង​រួមចំណែក​យ៉ាងសកម្ម ក្នុងការ​ជំរុញឱ្យមាន​ការផ្លាស់ប្តូរ​ជីវភាព​រស់នៅ​របស់​ប្រជាជន ជនបទ​ប្រកបដោយ​បរិ​យា​ប័ន្ន ទាំង​ផ្នែក​សេដ្ឋ​កិ ច្ច​សង្គមកិច្ច វប្បធម៌ និង​បរិស្ថាន​។

​លោក សួស គង់ បានបញ្ជាក់ នៅក្នុង​របាយការណ៍​ថា ដើម្បី​ធានា​សម្រេច​ឱ្យបាន នូវ​សរសរ ស្តម្ភ​ទាំង​៤ និង​ការងារ​ជា​សារ​វ័​ន្ត ទាំងអស់​ខាងលើ ប្រកបដោយ​ប្រសិទ្ធភាព និង​ប្រសិទ្ធ​ផល ខ្ពស់ ក្រសួង​អភិវឌ្ឍន៍ជនបទ បានកំណត់​សូចនាករ មេ​សំខាន់ៗ ចំនួន ១១ សម្រាប់​ជា មូលដ្ឋាន ក្នុងការ​តាមដាន ត្រួតពិនិត្យ និង​វាយតម្លៃ​លទ្ធផល​សមិទ្ធកម្ម ប្រចាំឆ្នាំ ២០២១ រួមមាន ការងារ​ជួសជុល និង​ថែទាំ​ផ្លូវ​ជនបទ ឱ្យបាន​ប្រវែង ៤ ១០២,៧០ គីឡូម៉ែត្រ​, ស្ថាបនា​ពង្រីក​វិសាលភាព និង​កែលម្អ​លើក​កម្រិត​ផ្លូវ​ជនបទ ឱ្យបាន​ប្រវែង ៥០០ គីឡូម៉ែត្រ​, អត្រា​ប្រជាជន ទទួលបាន​សេវា​ផ្គត់ផ្គង់​ទឹកស្អាត នៅ​ជនបទ ឱ្យបាន​ចំនួន ៧៨ ភាគរយ​, អត្រា​ប្រជាជន នៅ​ជនបទ ទទួលបាន​សេវា​អនាម័យ​ល្អ ឱ្យបាន​ចំនួន ៨៤ ភាគរយ​, ជំរុញ​ឱ្យបាន​យ៉ាងតិច​មួយ​ខេត្ត សម្រេចបាន​កម្មវិធី បញ្ឈប់​ការ​បន្ទោបង់ ពាសវាល​ពាសកាល (ODF), បណ្តុះបណ្តាល វិជ្ជាជីវៈ​ចល័ត​ឱ្យបាន​យ៉ាងតិច ៥ ខេត្ត​, បណ្តុះបណ្តាល ជំនាញ​វិជ្ជាជីវៈ​មូលដ្ឋាន ជូន​ដល់​ប្រជាពលរដ្ឋ​ជនបទ ឱ្យបាន​ចំនួន ១៥.០០០ នាក់​, ផ្តួចផ្តើម​បង្កើត សហគ្រាស​ខ្នាតតូច​ជូន​គ្រួសារ​ប្រជាពលរដ្ឋ​ក្រីក្រ បន្ទាប់ពី​ទទួលបាន​ការ បណ្តុះបណ្តាល ឱ្យបាន​ចំនួន​៣៥០ សហគ្រាស​/​គ្រួសារ​, ពង្រឹងសមត្ថភាព​មន្ត្រី​រាជការ ក្រសួង ឱ្យបាន​យ៉ាងតិច ៨០ ម៉ោង ក្នុង​មួយឆ្នាំ និង​ចំនួន ៦០ ម៉ោង ក្នុង​មន្ត្រី​ម្នាក់ និង​កំណត់​អត្តសញ្ញាណ ជនជាតិដើម​ភាគតិច ឱ្យបាន​ចំនួន ១៧៣ សហគមន៍ ។​

​ផ្អែកលើ​សូចនាករ​មេ ក្នុង​ឆ្នាំ​២០២១ ខាងលើ ក្រសួង​អភិវឌ្ឍន៍ជនបទ បាន​ខិតខំ​យកចិត្ត​ទុក ដាក់​ខ្ពស់ ក្នុងការ​កៀរគរ​ធនធាន​បន្ថែម ពី​ដៃគូ​អភិវឌ្ឍន៍ អង្គការ​មិនមែន​រដ្ឋាភិបាល វិស័យ​ឯកជ ន ភាគី​ពាក់ព័ន្ធ​នានា និង​បាន​ដឹកនាំ​អនុវត្ត​ផ្ទាល់ រាល់​ការងារ​អភិវឌ្ឍន៍ជនបទ សំដៅ​ធានា សម្រេច ឱ្យបាន​ជោគជ័យ តាម​សូចនាករ គ្រោង​ខាងលើ​។ ជាក់ស្តែង ក្រសួង​បាននិងកំពុង បន្ត​អនុវត្ត​កម្មវិធី​អាទិភាព ចំនួន​៤ ដែលមាន​លក្ខណៈ​ស៊ីសង្វាក់ ប្រទាក់ក្រឡា​ជា​ប្រព័ន្ធ និង​បំពេញ​ឱ្យ​គ្នា​ទៅវិញទៅមក ដើម្បី​រួមចំណែក​លើកកម្ពស់ កម្រិតជីវភាព​, សុខុមាលភាព​, និង​គុណ​តម្លៃ នៃ​ជីវិត​រស់នៅ របស់​ប្រជាជន​ជនបទ ដែលជា​គោលបំណង គោលនយោបាយ អភិវឌ្ឍន៍ជនបទរ​បស់​ក្រសួង ក៏ដូចជា​ចក្ខុវិស័យ​របស់ រាជរដ្ឋាភិបាល​៕/V​