​ប្រែ​សម្រួលៈ​បំណង​(​ដេល្លី​ម៉េល​)៖​ប្រេង​ធ្លាក់​ថ្លៃ​ទាប​បំផុត​ក្នុង​រយៈពេល​ពីរ​សប្តាហ៍​មកនេះ ដោយ​ការ​កិច្ច​ពិភាក្សា​រក​ដំណោះស្រាយ​វិបត្តិ​អ៊ុយ​ក្រែន​ត្រូវ​បាន​បន្ត​និង​ការផ្ទុះកូ​វីដ​១៩​នៅ​ចិន​នាំអោយ​មាន​ការ​​បារម្ភ​អំពី​ការធ្លាក់​ចុះ​តំរូវការ​ប្រេង​។​

​ប្រេង​ឆៅ​ផ្សារ​Brent​បាន​ធ្លាក់ចុះ​៤,៧៤​ដុល្លារ​មក​នៅ​១០២,១៦​ដុល្លារ​ក្នុង​មួយ​បារ៉ែល​និង​ប្រេង​នៅ​ផ្សារ​WTI​ចុះ​៤,៥៨​ដុល្លារ​មក​នៅ​៩៨,៤៣​ដុល្លារ​ក្នុង​មួយ​បារ៉ែល​កាលពី​ថ្ងៃ​អង្គារ​។​

​សូមបញ្ជាក់​ថា ប្រេង​នៅ​ផ្សារ​ទាំង​ពីរ​បាន​ធ្លាក់ចុះ​ជា​ង​៥​ភាគរយ​កាល​ពី​មួយថ្ងៃ​មុន ដោយ​ប្រេង​Brent​ចុះ​៥,១​ភាគរយ និង​ប្រេង​WTI ចុះ​៥,៨​ភាគរយ​។​

​តូ​ស៊ី​តា​កា តា​ហ្សា​វ៉ា (Toshitaka Tazawa)​អ្នកវិភាគ​នៅ​ក្រុមហ៊ុន​Fujitomi Securities Co Ltd.​បាន​និយាយថា «​ការរំពឹង​ទុក​អំពី​ការវិវឌ្ឍ​វិជ្ជមាន​នៃ​កិច្វពិភាក្សា​រុស្ស៊ី​-​អ៊ុ​យក្រែន​​បាន​ជួយ​ទ្រោល​ក្តីសង្ឃឹម​និង​សម្រាល​ភាព​តានតឹង​នៅក្នុង​ទីផ្សារ​ប្រេង​ឆៅ​ពិភពលោក​»​។​

​លោក​បាន​បន្ថែមថា « ការបិទ​ខ្ទប់​ថ្មីៗ​ដើម្បី​ទប់ស្កាត់​កូវី​ដ​១៩​នៅ​ចិន ក៏បង្ក​ការព្រួយបារម្ភ​អំពី​តំរូវការ​ប្រេង​ធ្លាក់ចុះ​ផងដែរ​»​។​

​ចិន​កំពុង​រាយការណ៍​ការ​ឆ្លងកូវី​ដ​១៩​ខ្ពស់​បំផុត​កាលពី​ថ្ងៃ​អង្គារ ដោយ​ករណី​ឆ្លង​ថ្មី​កើន​ឡើង​ជាង​ពីរដង​ធៀប​នឹង​ការឆ្លង​កាល​ពី​មួយ​ថ្ងៃមុន ដល់​កំរិត​ខ្ពស់​បំផុត​គិត​ចាប់តាំងពី​ជំងឺឆ្លង​នេះ​មាន​វត្ត​​មាន​នៅ​ចិន​ជាង​ពីរ​ឆ្នាំ​មកនេះ​។​

​កិច្ចពិភាក្សា​បន្ថែម​រវាង​អ្នកចរចា​រុស្ស៊ី​និង​អ៊ុយ​ក្រែនក៏​ជួយ​សម្រាលវិបត្តិ​ថាមពល​។​

​ស៊ូយ៉ូ​ស៊ី យូ​អ៊ីណូ (Tsuyoshi Ueno)​អ្នកសេដ្ឋកិច្ច​ជាន់ខ្ពស់​នៅ​វិទ្យាស្ថាន​សិក្សា​ស្រាវជ្រាវ​NLI បាន​និយាយថា «​ទោះជា​មាន​បទ​ឈប់​បាញ់​មួយ ក៏​ថ្លៃ​ប្រេង​នៅតែ​ស្ថិតក្នុង​កំរិត​ខ្ពស់ ដោយសារ​តែ​បណ្តា​​ប្រទេស​លោកខាងលិច​ព្យាយាម​ដាក់​អោយ​រដ្ឋាភិបាល​ក្រុង​មូ​ស្គូ​នៅ​ឯកោ​តាមរយៈ​ទណ្ឌកម្ម ដោយ​ទុក​អោយ​ទីផ្សារ​ប្រេង​បន្ត​តឹងតែង​៕