ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ក្រុម​បិសាច​ក្រហម Manchester United នឹង​បញ្ចប់​រដូវ​កាល​ទី​៥​ជាប់ៗ​គ្នា​ដោយ​គ្មាន​ពាន បន្ទាប់​ពី​ធ្លាក់​ចេញពី Champions League ក្រោម​ថ្វីដៃ Atletico Madrid កាលពី​យប់​ថ្ងៃ​អង្គារ​ទី​១៥​មីនា​។​

​ដោយ​ខ្ទាត​ចេញពី​ការ​ប្រជែង​ពាន Premier League ជា​យូរ​មក​ហើយ​នោះ ក្រុម​បិសាច​ក្រហម​របស់​លោក រ៉ា​ហ្វ រេ​ង​នី​ក (Ralf Rangnick) មើលឃើញ​ឱកាស​ចុង​ក្រោយ​ដើម្បី​លើ​កពាន​ត្រូវ​រលាយ​រលត់​ក្រោម​ថ្វីដៃ​របស់​ក្រុម​លេង​យ៉ាង​មាន​របៀប​របស់លោក ឌី​ហ្គោ ស៊ី​ម៉ូ​ណេ (Diego Simeone) កាលពី​យប់​ថ្ងៃ​អង្គារ​។​

United បាន​បរាជ័យ​ក្នុង​ការ​កេងចំណេញ​ពី​លទ្ធផល​ស្មើ​នៅ​ជើង​ទី​មួយ​នៃ​ការប្រកួត​វគ្គ ១៦ ក្រុម​ចុង​ក្រោយ​ក្នុងប្រទេស​អេ​ស្ប៉ា​ញ ខណៈ​ការ​តែ​តបាល់​បញ្ចូល​ទី​ក្នុង​តង់​ទី ១ របស់​កីឡាករ រី​ណាន់ ឡូ​ឌី (Renan Lodi) បាន​ធានា​ជ័យជម្នះ ១-០ នៅ​ទឹកដី Old Trafford ខណៈ Atl. Madrid បាន​ឈាន​ទៅ​វគ្គ ១/៤ ផ្តាច់ព្រ័ត្រ​។​

​សរុប​លទ្ធផល​ទាំង​ពីរ​ជើង​គឺ Man U ចាញ់ ២-១ ហើយ​នេះ​ក៏​មានន័យ​ដែរ​ថា​ពួកគេ​មិន​បាន​ឈ្នះ​ពាន​អ្វី​សោះឡើយ​គិត​ចាប់តាំងពី​ការលើក​ពាន Europa League ក្នុង​ឆ្នាំ ២០១៧ ជំនាន់​លោក ចូសេ ម៉ូ​រី​ញ៉ូ​៕

Man U ធ្លាក់​ត្រឹម​វគ្គ ១៦ ក្រុម​ចុងក្រោយ​នៃ CL ក្រោយ​ចាញ់ Atl. Madrid