ដោយ​បាយ័ន​/​សៀមរាបៈ ក្រុម​អ្នកបច្ចេកទេស​អាជ្ញាធរ​ជាតិ​អប្សរា​ចាប់ផ្តើម ដំណើរការ​ជួសជុល​ស​ង្គ្រោះ​ខ្លោងទ្វារ​ខាងលិច​ប្រាសាទបន្ទាយក្តី ផ្នែក​ខាងជើង ដែលមាន​សភាព​ទ្រុឌទ្រោម​ធ្ងន់ធ្ងរ ប្រឈម​នឹង​គ្រោះថ្នាក់​ខ្លាំង​។​

​អាជ្ញាធរ​ជាតិ​អប្សរា​បាន​និយាយថា ដោយ​ផ្អែកលើ​ស្ថានភាព​ខូចខាត របស់​ប្រាសាទ ការងារ​ជួសជុល​តម្រូវឱ្យ​អ្នកជំនាញ អនុវត្តតាម​បច្ចេកទេស អាណា​ស្ទី​ឡូ​ស​(Anastylosis) ពោលគឺ​ត្រូវធ្វើ​ការរុះរើ​តួ​នៃ​សំណង់​ចេញ ទាំងស្រុង ដើម្បី​ធ្វើការ​ពង្រឹង​គ្រឹះ ពង្រឹង​រចនា​សម្ពន្ធ​ពាក់ព័ន្ធ​ផ្នែក​ខាងក្រោម ជួសជុល​ថ្ម​ដែល​បាក់​ខូច និង​រៀប​ផ្គុំ​តួ​ខ្លោងទ្វារ​ឡើងវិញ ដោយ​រក្សា​ឱ្យបាន នូវ​ទម្រង់​ដើម​ទាំងស្រុង​។​

​អាជ្ញាធរ​ជាតិ​អប្សរា​បា​បញ្ជា​ក់នៅ​ថ្ងៃទី​១៦ ខែមីនា ឆ្នាំ​២០២២​នេះ ដោយ​ជំនាញ បាន​និយាយថា ការងារ​ជួសជុល​នេះ ត្រូវ​ប្រើ​ពេលវេលា​យ៉ាងតិច​ក៏​២​ឆ្នាំ​ដែរ​៕​/PC