ដោយ​:​សុខុម/ស្ទឹងត្រែង​:​មានស្ថានីយប្រេង​ឥន្ធនៈ​មួយចំនួន​នៅក្នុង​ក្រុង​ស្ទឹងត្រែង​បាន​បិទទ្វារ​ស្រប​ពេលដែល​ទីផ្សារប្រង​ពិភពលោក​កំពុងឡើងថ្លៃ​ខ្ពស់ ​ហើយ​តម្លៃ​ប្រេង​ឧស្ម័ន​នៅ​ប្រទេស​កម្ពុជា​ក៏មាន​តម្លៃ​ហក់​ឡើង​ផងដែរ។ការបិទទ្វារជា​បណ្តោះអាសន្ននេះដោយសារតែតម្លៃប្រេងមិនទៀងទាត់។គិត​មកទល់​ថ្ងៃទី​១៥​ខែមីនា​នេះ​តម្លៃ​ប្រេង​មួយចំនួន​បានកើត​ឡើង​ជាង​ប្រាំពាន់​រៀល​ក្នុង​មួយ​លីត្រ​ដែល​ខុសពី​ប៉ុន្មាន​ថ្ងៃមុន​សម្រាប់​ខេត្តស្ទឹងត្រែង​។​

តម្លៃប្រេងហក់ឡើង បានធ្វើឱ្យស្ថានីយប្រេងខ្លះបិទជាបណ្តោះអាសន្នដោយសារតម្លៃឡើងចុះ(រូបថត សុខុម)

តាម​ការ​ឲ្យ​ដឹង​ពី​ម្ចាស់​ស្ថានីយ​ប្រេង​ឥន្ធនៈ​មួយចំនួន​ដែល​បាន​បើក​អាជីវកម្ម​ជាច្រើន​ឆ្នាំ​មកហើយ​នោះបាន​ប្រាប់​ឲ្យ​ដឹងថា​ការលក់ដូរ​ប្រេងឥន្ធនៈ​នៅក្នុង​ក្រុង​ស្ទឹងត្រែង​មួយចំនួន​ត្រូវបាន​បិទទ្វារ​ជាបណ្តោះអាសន្ន។មូល​ហេតុដែល​បណ្ដាល​ឲ្យ​ម្ចាស់​ស្ថានីយ​ខ្លះ​ម្ដង​បិទ​ម្ដង​បើក​និង​បិទ​ទាំងស្រុង​នោះ​គឺ​បណ្ដាលមកពី​ការនាំ​ចូល​ប្រេង​ពី​ក្រៅប្រទេស​និង​ការលក់​ចេញ​ជូន​អតិថិជន​មិនមាន​តុល្យភាព​នឹង​គ្នា​។​

តាម​ការ​បង្ហើប​ឲ្យ​ដឹង​ពី​អ្នកលក់​ប្រេង​បាន​ប្រាប់ថា​ស្ថានីយ​លក់​ប្រេង​ធំៗ​មួយចំនួន​ដែល​មិនបាន​បិទ​គឺ​មកពី​ការ​នាំចូល​ប្រេង​ពី​ក្រៅប្រទេស​មាន​ក្រុមហ៊ុន​មាន​លុយ​។​ចំណែក​ស្ថានីយ​ប្រេង​មួយចំនួន​ដែល​បិទ​នោះ​គឺ​ការនាំ​ចូល​បន្ត​គ្នា​ស្រប​ពេលដែល​ទីផ្សារ​មានតម្លៃ​ថ្លៃ​ការលក់​ចេញ​មិន​ចំណេញ​ទើប​ធ្វើ​ឲ្យ​ផ្អាក​លក់​ប្រេង​មួយរយៈ​សិន​។​

ប្រភព​ដដែល​បាន​ប្រាប់​ឲ្យ​ដឹងថា​កាលពី​ថ្ងៃទី ១៤ ខែមីនា​តម្លៃ​ប្រេង​នៅក្នុង​ក្រុង​ស្ទឹងត្រែង​លក់​ចេញ​តាម​ស្ថានីយ​មួយចំនួន​ដូចជា​ប្រេងម៉ាស៊ូត​តម្លៃ​៤ ៥០០​រៀល​ក្នុង​មួយ​លីត្រ​,ប្រេងសាំង​ធម្មតា​៤៨០០​រៀល​ស៊ុប​ពែរ​៥.៣០០​រៀល​និង​ឧស្ម័ន​ហ្គាស​៣១០០​រៀល​។​

អ្នកលក់​ប្រេង​នៅ​ក្រុង​ស្ទឹងត្រែង​បាន​អះអាងថា​ តម្លៃ​ប្រេងសាំង​នឹង​ហក់​ឡើងជា​បន្តទៀត​ខណៈ​ពេលនេះ​ក៏មាន​អ្នកទិញ​យកទៅ​ស្តុក​ទុក​ផងដែរ​៕​សរន

តម្លៃប្រេងហក់ឡើង បានធ្វើឱ្យស្ថានីយប្រេងខ្លះបិទជាបណ្តោះអាសន្នដោយសារតម្លៃឡើងចុះ(រូបថត សុខុម)