​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ប្រធានាធិបតី ចូ បៃ​ដិន បាន​ហៅ​លោក វ្ល៉ា​ឌី​មៀរ ពូ​ទីន ថា ឧក្រិដ្ឋជន​សង្គ្រាម ខណៈ​អំពើ​ឃោរឃៅ​នៅ​អ៊ុយ​ក្រែន​បានកើនឡើង​។​

​វា​ជា​ការ​ថ្កោលទោស​យ៉ាងខ្លាំងបំផុត​ចំពោះ​លោក​ពូ​ទី​ន​និង​សកម្មភាព​យោធា​រុស្ស៊ី​ពី​សំណាក់​មន្ត្រី​អាម៉េរិក​ចាប់តាំងពី​ការ​លុកលុយ​អ៊ុ​យក្រែន​។​

​ខណៈ​មេដឹកនាំ​ពិភពលោក​ផ្សេង​ទៀត​បាន​ប្រើ​ពាក្យ​នេះ សេត​វិមាន​បាន​ស្ទាក់ស្ទើរ​ក្នុង​ការប្រកាស​ពី​សកម្មភាព​របស់​លោក​ពូ​ទីន​ថា​ជា​ឧក្រិដ្ឋជន​សង្គ្រាម ដោយ​និយាយថា​វា​ជា​ពាក្យ​មាន​ទម្ងន់​ច្បាប់ ដែល​ទាមទារ​ឱ្យ​មាន​ការស្រាវជ្រាវ​។​

​ប៉ុន្តែ​នៅក្នុង​សុន្ទរកថា​កាលពី​ថ្ងៃ​ពុធ​ទី​១៦​មីនា លោកបៃ​ដិនបាន​និយាយថា ទាហាន​រុស្ស៊ី​បាន​ទម្លាក់​គ្រាប់បែក​លើ​មន្ទីរពេទ្យ​និង​ចាប់​គ្រូពេទ្យ​ធ្វើ​ជា​ចំណាប់ខ្មាំង​។ លោក​បាន​សន្យា​ផ្តល់​ជំនួយ​បន្ថែមទៀត​ដើម្បី​ជួយ​អ៊ុយ​ក្រែនប្រយុទ្ធប្រឆាំង​នឹង​រុស្ស៊ី​។​

​លោកបៃ​ដិនបាន​និយាយថា “​គាត់​(​ពូ​ទីន​)​គឺ​ជា​ឧក្រិដ្ឋជន​សង្គ្រាម​”​។​

​លោក​ក៏​បាន​ប្រកាស​ដែរ​ថា សហរដ្ឋ​អាម៉េរិក​នឹង​បញ្ជូន​អាវុធ​ប្រឆាំង​យន្តហោះ​និង​រថក្រោះ និង​ដ្រូ​ន​បន្ថែម​ទៀត​ទៅ​កាន់​អ៊ុ​យក្រែន ដើម្បី​ជួយ​ក្នុង​ការការពារ​ខ្លួន​ប្រឆាំង​នឹង​រុស្ស៊ី​ដោយ​ប្រកាស​ការជួយ​​នេះ​ឡើង​បន្ទាប់​ពី​ប្រធានាធិបតី​អ៊ុយ​ក្រែនលោក​វ៉ូ​ឡូឌី​មៀរ ហ្សេ​លេន​ស្គី​ជំរុញ​ឱ្យ​សហរដ្ឋ​អាម៉េរិក​និង​ប្រទេស​លោកខាងលិច​ប្រឹងប្រែង​បន្ថែមទៀត​នៅក្នុង​សុន្ទរកថា​ដ៏​រំជួលចិត្ត​ទៅ​សភា​អាម៉េរិក​៕

​លោកបៃ​ដិន​ហៅ​លោក​ពូ​ទីនថា​ឧក្រិដ្ឋជន​សង្គ្រាម​កាលពី​ថ្ងៃ​ពុធ​