​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ អ៊ុយ​ក្រែ​ន​និង​រុស្ស៊ី​កំពុង​ធ្វើ​ឱ្យ​មាន​វឌ្ឍនភាព “​ដ៏​សំខាន់​” ឆ្ពោះទៅ​រក​ការព្រមព្រៀង​បទ​ឈប់​បាញ់​និង​ការ​ដកទ័ព ជាមួយ​នឹង​សេចក្តី​ព្រាង​កិច្ចព្រមព្រៀង ១៥ ចំណុច​ដើម្បី​សន្តិភាព​។​

​ឯកសារ​នេះ​នឹង​ឃើញ​ទីក្រុង​គៀវ​យល់ព្រម​ចំពោះ​អព្យាក្រឹតភាព​និង​ទទួលយក​ការ​រឹតត្បិត​លើ​យោធា​របស់​ខ្លួន​ដើម្បី​បញ្ឈប់​ការវាយប្រហារ​ដ៏​ព្រៃផ្សៃ​ប្រឆាំងនឹង​ជន​ស៊ីវិល​របស់ខ្លួន​ដោយ​កងកម្លាំង​របស់​លោក​ពូ​ទីន​។​

​វា​ក៏​នឹង​ឃើញ​លោក​វ៉ូ​ឡូ​ឌី​មៀរ ហ្សេ​លេន​ស្គី​បោះបង់​មហិច្ឆតា​ចង់​ចូលរួម​អង្គការ​ណា​តូ​ផងដែរ ហើយ​សន្យាថា​នឹង​មិន​ធ្វើជា​ម្ចាស់ផ្ទះ​មូលដ្ឋាន​យោធា​ឬ​សព្វាវុធ​របស់​លោក​ខាងលិច​ជា​ថ្នូរ​នឹង​ការធានា​សន្តិ​​សុខ​។​

​ប្រភព ដែល​និយាយ​សង្ខេប​អំពី​កិច្ច​ពិភាក្សា​នេះ បាន​ប្រាប់​កាសែត Financial Times​ថា លក្ខខណ្ឌ​មួយ​ផ្សេងទៀត​គឺ​រួមបញ្ចូល​សិទ្ធិ​តម្កល់​ភាសា​រុស្ស៊ី​សម្រាប់​ប្រើ​នៅក្នុង​ប្រទេស​អ៊ុ​យក្រែន​។​

​ប៉ុន្តែ​ចំណុច​ជាប់គាំង​ដ៏​ធំ​បំផុត​នៅតែ​ជា​ការទទូច​របស់​រុស្ស៊ី​ឱ្យ​អ៊ុយ​ក្រែន​ទទួលស្គាល់​តំបន់​គ្រីមេ​ជា​ទឹកដី​រុស្ស៊ី​និង​ឯករាជ្យភាព​របស់​តំបន់​លូ​ហានស៍​និង​ដូណិត​ស៍​។​

​លោកពូ​ទីន​បាន​ទទូចថា​តំបន់​ដុន​បាស​ទាំងមូល​(​លូ​ហា​នស៍​និង​ដូណិត​ស៍​)​គួរតែ​បំបែក​ចេញពី​អ៊ុ​យក្រែន ហើយ​មិន​ត្រឹម​តែ​ផ្នែក​ដែល​កាន់កាប់​ដោយ​កងកម្លាំង​ឧទ្ទាម​គាំទ្រ​ដោយ​ក្រុង​មូ​ស្គូ​មុនពេល​​ការប្រយុទ្ធ​គ្នា​ផ្ទុះ​ឡើង​នោះ​ទេ​។​

​សំណើ​នេះ​ត្រូវបាន​ពិភាក្សា​ពេញលេញ​ជា​លើកដំបូង​កាលពី​ថ្ងៃ​ចន្ទ ហើយ​ភាគី​ទាំង​ពីរ​និយាយ​ថា វឌ្ឍនភាព​ត្រូវបាន​ធ្វើឡើង​។​

​ប៉ុន្តែ​ក្រុម​មន្ត្រី​អ៊ុយ​ក្រែ​ន​នៅតែ​មានមន្ទិលថា លោកពូ​ទីន​នឹង​មិន​គោរព​តាម​កិច្ចព្រមព្រៀង ហើយ​វិមាន​ក្រឹម​ឡាំង​ប្រហែល​ជា​ព្យាយាម​ស៊ី​ពេល​ដើម្បី​ប្រមូល​កម្លាំង​ឡើងវិញ​មុនពេល​បើក​ការវាយលុក​​មួយទៀត​។

​ប្រភព​អ៊ុយ​ក្រែន​បាន​ប្រាប់​សង្ខេប​អំពី​កិច្ច​ពិភាក្សា​នេះ​ថា “​វា​ទំនងជា​ជាការ​បោក​បញ្ឆោត​និង​ការ​បំភ័ន្ត​។ ពួកគេ​និយាយ​កុហក​អំពី​អ្វីៗ​គ្រប់យ៉ាង – តំបន់​គ្រីមេ ការកសាង​កម្លាំង​ទ័ព​នៅតាម​ព្រំដែន និង ការនិយាយ​ភូត​អំពី​ការ​លុក​លុយ​”​។​

​ពួកគេ​បាន​បន្ថែមថា “​យើង​ត្រូវ​ដាក់​សម្ពាធ​លើ​ពួកគេ​រហូត​ដល់​ពួក​គេ​គ្មាន​ជម្រើស​ផ្សេងទៀត​”​។​

​ប៉ុន្តែ​ប្រភព​រុស្ស៊ី​មួយ​បាន​និយាយថា ដំណោះស្រាយ​ដែល​បាន​ស្នើ​ឡើង​នេះ​អាច​ផ្តល់ឱ្យ​ភាគី​ទាំងពីរ​នូវ​មធ្យោបាយ​ដើម្បី​ប្រកាស​ពី​ជ័យជម្នះ​ពី​សង្គ្រាម​ដ៏​ឃោរឃៅ​នេះ​៕

​កិច្ចព្រមព្រៀង ១៥ ចំណុច​របស់​ពូ​ទីន ទាម​តារ​អោយ​លោក​វ៉ូ​ឡូ​ឌី​មៀរ ហ្សេ​លេន​ស្គី​បោះបង់​មហិច្ឆតា​ចង់​ចូលរួម​អង្គការ​ណា​តូ​ផងដែរ​