​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ រដ្ឋបាលបៃដិ​ន​បាន​បញ្ជូន​ឱ្យ​យុទ្ធជន​អ៊ុយ​ក្រែន​រួចហើយនូវ​ឧទ្ធម្ភាគចក្រ Mi-17 ចំនួន​៥​គ្រឿង មី​ស៊ី​ល​ប្រឆាំង​រថក្រោះ​ចាវើ​លីន​(Javelin) ២.៦០០​ពាន់​ដើម​ និង​រថយន្ត​ហាំ​វី​( Humvees)៧០ គ្រឿង រួមជាមួយ​នឹង​គ្រាប់កាំភ្លើង​ចំនួន ៤០ លាន​គ្រាប់ ព្រមទាំង​អាវុធ​ធុន​តូច​រាប់រយ​ដើម​ទៀត នេះ​បើ​យោង​តាម​បញ្ជី​ដែល​ទទួល​បាន​ដោយ​វេបសាយ ដេល្លី​ម៉េល​។​

​ខណៈ​អ៊ុយ​ក្រែន​កំពុង​ព្យាយា​មយ៉ាង​លំបាក​ដើម្បី​ទប់ទល់​នឹង​ការឈ្លានពាន​របស់​រុស្សី​អាម៉េរិក​បាន​បង្ហាញ​ឱ្យ​ដឹង​នូវ​ជំនួយ​យោធា​មាន​ចំនួន​ប៉ុន្មាន​ដែល​ត្រូវបាន​ចែកចាយ​ពី​ឃ្លាំង​អាវុធ​របស់​មន្ទីរ​​បញ្ច​កោណ​។​

​ប្រធានាធិបតី ចូ បៃ​ដិន បានបង្ហាញ​កញ្ចប់​ជំនួយ​បន្ថែមទៀត​ដើម្បី​ជួយ​អ៊ុយ​ក្រែន​កាលពី​ថ្ងៃ​ពុធ​ទី​១៦​មីនា រួមមាន​ប្រព័ន្ធ​មី​ស៊ី​ល​ប្រឆាំង​រថពាសដែក ដ្រូ​ន និង​អាវុធ​ធុន​តូច ៧.០០០ ដើម​ប៉ុន្តែ​លោក​​នៅតែ​ស្ថិត​ក្រោម​សម្ពាធ​ក្នុង​ការជួយ​លើស​ពី​ជំនួយ​ទាំងនេះ រួម​ទាំង​ការជួយ​ប៉ូឡូញ​បញ្ជូន​យន្តហោះ​ចម្បាំង MiG-29 ឱ្យទៅ​អ៊ុ​យក្រែន​។​

​លោក​បាន​និយាយថា “​យើង​នឹង​ផ្តល់​ឱ្យ​អ៊ុយ​ក្រែន​នូវ​អាវុធ​ដើម្បី​ប្រយុទ្ធ​និង​ការពារ​ខ្លួន​ឆ្លងកាត់​ថ្ងៃ​ដ៏​លំបាក​ទាំងអស់​នៅ​ខាង​មុខ​”​។​

​ក្រោយមក​នៅ​ថ្ងៃ​ពុធ​ដដែល លោកបៃ​ដិនបាន​ថ្កោលទោស​យ៉ាង​ធ្ងន់ធ្ងរ​បំផុត​ចំពោះ​ការឈ្លានពាន​របស់​ប្រធានាធិបតី វ្ល៉ា​ឌី​មៀរ ពូ​ទីន ដោយ​ប្រកាស​មេដឹកនាំ​រុស្ស៊ី​ថា​ជា “​ឧក្រិដ្ឋជន​សង្គ្រាម​”​។​

​ខណៈ​ប្រទេស​ផ្សេង​ទៀត​ចែកចាយ​អាវុធ​របស់​ពួកគេ​ដោយ​បើកចំហ មន្ទីរ​បញ្ច​កោណ​នៅតែ​បិទមាត់​ជិតឈឹង ដោយសារ​ខ្លាច​បញ្ចេញ​ឱ្យ​គេ​ដឹង​អស់​ពី​សមត្ថភាព​របស់​អ៊ុ​យក្រែន​។​

​ប៉ុន្តែ​បញ្ជី​មួយ​ដែល​ផ្សព្វផ្សាយ​ដល់​សភា ហើយ​ក្រោយមក​ត្រូវបាន​ចេញ​ផ្សាយ​ដោយ​សេត​វិមាន បាន​រៀបរាប់​លម្អិត​អំពី​ជំនួយ​ដែល​អាម៉េរិក​បាន​បញ្ជូន​ទៅ​ដល់​អ៊ុយ​ក្រែន​មកទល់ពេលនេះ មានដូចជា ៖

– មី​ស៊ី​ល​ប្រឆាំង​យន្តហោះ Stinger ៦០០ ដើម​
– មី​ស៊ី​ល​ប្រឆាំង​រថក្រោះ Javelin ប្រមាណ ២.៦០០ ដើម​
– ឧទ្ធម្ភាគចក្រ Mi-17 ចំនួន ៥ គ្រឿង​
– នាវា​ល្បាត ៣ គ្រឿង​
– រ៉ា​ដា​តាមដាន​ដើម្បី​ប្រឆាំង​គ្រាប់កាំភ្លើង​ធំ​និង​ប្រឆាំង​ដ្រូ​ន​ចំនួន ៤ គ្រឿង​
– គ្រាប់កាំភ្លើង ៤០ លាន​គ្រាប់ បេ ២០០ ដើម កាំភ្លើង ២០០ ដើម និង កាំភ្លើង​យន្ត ២០០ ដើម​
– រថយន្ត Humvee ៧០ គ្រឿង​៕

​សេត​វិមាន​បញ្ចេញ​បញ្ជី​ជំនួយ​យោធា​ដល់​អ៊ុយ​ក្រែន​កាលពី​ថ្ងៃ​ពុធ