​ដោយៈ ប​.​ជ័យ / ព្រំដែន​កម្ពុជា ថៃៈ ទាហាន និង​នគរបាល​ព្រំដែន កម្ពុជា​-​ថៃ បានធ្វើ​របង​ហ៊ុមព័ទ្ធ ជុំវិញ​បង្គោល​ជំហរ របស់​កម្ពុជា ដែល​បម្រើ​ឲ្យ​បង្គោល​ព្រំដែន​លេខ​៤២ ស្ថិតនៅ​និយាម​កា WGS84 (257427-1531984) នៅ​ស្រុក​ស្វាយចេក ដើម្បី​កុំ​ឲ្យ​ប្រែប្រួល ឬ​បាត់បង់ ដោយ​ប្រការ​ណាមួយ ។​

​មន្ត្រីនគរបាល​វរ​សេនា​តូច​ការពារ​ព្រំដែន​លេខ​៩១១ ប៉ោយប៉ែត​-​ស្វាយចេក បានអោយដឹង នៅ​ថ្ងៃទី​១៨ ខែមីនា នេះ​ថាៈ កម្លាំង​ប៉ុស្តិ៍​ថ្នល់​បត់ រួមជាមួយ​យោធា នៃ​កងការពារ​ព្រំដែន ៥០៣ ដឹកនាំ​ដោយ​លោក​វរសេនីយ៍ អ៊ិន ថុល មេបញ្ជាការ (​គ​២) និង​ក្រុមការងារ ទំនាក់ទំនង​ព្រំដែន ប្រចាំ​បឹង​ត្រកួន បាន​ដឹកនាំ​ដោយ​លោក វរសេនីយ៍ត្រី ព្រឹម ជុន ជំនួយការ បានរួម​កិច្ចសហប្រតិបត្តិការ​ទ្វេភាគី ជាមួយ​ទាហាន​ឈុតខ្មៅ​ថៃ កងអនុសេនាធំ​លេខ​១២០៤ ដឹកនាំ​ដោយ​លោក​ព្រិន្ទបាល ណា​រ៉ាត់​ឆៈ​តិ​គុណ​ឋានៈ​កាន មេបញ្ជាការរង កាលពី​ថ្ងៃទី​១៧ ខែមីនា បាន​ចុះ​ធ្វើ​របង​ហ៊ុម​ព័ទ្ធជុំវិញ​បង្គោល​ជំហរ របស់​កម្ពុជា ដែល​បម្រើ​ឲ្យ​បង្គោល​ព្រំដែន លេខ​៤២ ដើម្បី​កុំ​ឲ្យ​មានការ​ប្រែប្រួល ឬ​បាត់បង់​និយាម​កា WGS84 (257427-1531984) នៅមុខ​ភូមិសាស្ត្រ ភូមិ​ល្បើក​ស្វាយ ឃុំ​-​ស្រុក​ស្វាយចេក (​ខាង​កម្ពុជា​) ទល់មុខ​នឹង​ភូមិ​ណង​យ៉ា​កែវ ឃុំ​-​ស្រុក​គោក​ស៊ូ​ង (​ខាង​ថៃ​) ៕/V​