​ប្រែ​សម្រួលៈ​បំណង​(​ដេល្លី​ម៉េល​)៖ រដ្ឋមន្ត្រី​ការពារជាតិ​របស់​ប្រទេ​សស្លូ​វ៉ាគី​ដែល​ជា​សមាជិក​អង្គការ​ណា​តូ និយាយថា​ប្រទេស​លោក​មាន​បំណង​ផ្តល់​ប្រព័ន្ធ​កាំជ្រួច​ការពារ​ដែនអាកាស​ចម្ងាយ​ឆ្ងាយ​ធុន​S-300​ទៅអោយ​អ៊ុ​យក្រែន ក្រោម​លក្ខខណ្ឌ​ខ្លះ​។​

​លោក​រដ្ឋមន្ត្រី ចារ៉ូ​ស្លាវ ណា​ច​(Jaroslav Naj)​បាន​និយាយ​នៅ​សន្និសីទកាសែត​មួយ​នៅ​ទីក្រុង​ប្រា​ទី​ស្លា​វ៉ា​(Bratislava)​ជាមួយ​រដ្ឋមន្ត្រី​ការពារ​ជាតិ​អាម៉េរិក ឡយ​អូ​ស្ទីន​ថា បញ្ហា​នេះ​ស្ថិតក្រោម​​ការពិភាក្សា​។​

​រដ្ឋមន្ត្រី​ការពារជាតិ​អាម៉េរិក (ឆ្វេង)ត្រូវបាន​សម​ភាគី​ស្លូ​វ៉ាគី​ទទួល​ស្វាគមន៍​កាលពី​ថ្ងៃ​១៧​មីនា​មុន​ពិភាក្សា​បញ្ហា​ផ្ទេរ​អាវុធ​ទី​អោយ​អ៊ុ​យក្រែន​។​ស្លូ​វ៉ាគី មិន​ជំទាស់​នឹង​ការបញ្ជូន​S-300​របស់​ខ្លួន​ទៅ​កាន់​អ៊ុ​យក្រែន​​ទេ នេះ​បើ​តាម​ការបញ្ជាក់​ពី​រដ្ឋមន្ត្រី​ការពារ​ជាតិ​ស្លូ​វ៉ាគី​

​ប្រព័ន្ធ​ការពារ​ដែនអាកាស​សម័យ​សូ​វៀត​នេះ ប្រើ​កាំជ្រួច​ចម្ងាយ​ឆ្ងាយ​ដែល​អាច​ហោះ​រាប់រយ​គីឡូម៉ែត្រ​និង​បាញ់​ទម្លាក់​កាំជ្រួច​កំពុង​ហោះ​និង​យន្តហោះ​។​វា​មាន​តំលៃ​ក្នុង​ការរារាំង​ការវាយប្រហារ​របស់​​រុស្ស៊ី​លើ​អ៊ុ​យក្រែន​។​

​លោ​កណាច បាន​និយាយថា​ការផ្ទេរ​សព្វាវុធ​ដូច្នេះ​នឹង​អាច​ធ្វើទៅបាន​ប្រសិនបើ​ប្រទេស​លោក​ទទួលបាន​សព្វាវុធ​សមស្រប​មក​ជំនួស​S-300​វិញ ឬ​ក៏​ប្រទេ​សស្លូ​វ៉ាគី​ទទួល​បានសព្វាវុធណា​មួយដែ​ល​ធានា​​សន្តិសុខ​នៅ​រយៈពេល​ជាក់លាក់​ណាមួយ​។​ប្រទេស​លោក​នឹង​មិន​បញ្ជូន​S-300​ទៅអោយ​អ៊ុយ​ក្រែន​ក្នុង​លក្ខណៈ​មួយ​ដែល​ទុក​អោយ​មាន​ចន្លោះ​ប្រហោង​ពី​ការ​គំរាម​វាយប្រហារ​តាម​អាកាស​ទេ​។​

​ទោះជា​យ៉ាងណា លោក​អូ​ស្ទីន មិន​បាន​និយា​ថា​តើ​ក្រសួងការពារជាតិ​អាម៉េរិ​កនឹង​ផ្តល់​អោយ​ស្លូ​វ៉ាគី​នូវ​អាវុធ​ជំនួស​S-300​ឬ​យ៉ាងណា​ទេ​។​

​សូមបញ្ជាក់​ថា រដ្ឋមន្ត្រី​ការពារជាតិ​អាម៉េរិក​កំពុង​ធ្វើ​ទស្សនកិច្ច​អឺរ៉ុប​ខាងកើត​ដើម្បី​ពិភាក្សា​ការផ្ទេរ​ប្រព័ន្ធ​ការពារ​អាកាស​សម័យ​សូ​វៀត​S-300​ទៅអោយ​អ៊ុយ​ក្រែន​ក្រោយ​ពី​ប្រធានាធិបតីអ៊ុយ​ក្រែន​​បាន​និយាយ​អំពី​សព្វាវុធ​នេះ​ទៅកាន់​សមាជិក​សភា​អាម៉េរិក​កាលពី​ថ្ងៃ​ពុធ​។​

​សមាជិក​អង្គការ​ណា​តូ រួម​មាន​ប៊ុល​ហ្ការី ស្លូ​វ៉ាគី និង​ក្រិច​សុទ្ធតែ​មាន​S-300​ដែល​អាច​ហោះ​បាន​រាប់រយ​គីឡូម៉ែត្រ​និង​បាញ់​ទម្លាក់​កាំជ្រួច​កំពុង​ហោះ​ឬ​យន្តហោះ​។​

​ការផ្ទេរ​ប្រព័ន្ធ​កាំជ្រួច​ដូច្នេះ​អាច​ជា​ការដោះដូរ​បី​ប្រទេស ដោយ​អាម៉េរិក ឬ​សមាជិក​អង្គការ​ណា​តូ​ដទៃ​ទៀត​ផ្តល់​ប្រព័ន្ធ​ការពារ​ដែនអាកាស​ធុន​ភែត​ធ្រៀ​ត​-Patriot​ឬ​ប្រព័ន្ធ​ផ្សេង​សំរាប់​ជំនួស​អោយ​​ការបញ្ជូន​S-300​ទៅកាន់​អ៊ុ​យក្រែន​។​

​ប្រព័ន្ធ​ការពារ​ដែល​អាកាស​ចម្ងាយ​ឆ្ងាយ​នេះ​មាន​តំលៃ​ក្នុង​ការរារាំង​ការវាយប្រហារ​តាម​អាកាស​របស់​រុស្ស៊ី ។​អ៊ុយ​ក្រែន​មាន S-300​បី​បួន​ឈុត​ដែរ តែ​ចង់​បាន​បន្ថែម​

​សូមបញ្ជាក់​ថា​មុន រដ្ឋមន្ត្រី​ការពារជាតិ​អាម៉េរិក​ទៅដល់ ប៊ុល​ហ្ការី​នៅ​ថ្ងៃ​សុក្រ ដែល​ជា​រដ្ឋ​សមាជិក​អង្គការ​ណា​តូ​មួយ​ឯកអគ្គរដ្ឋទូត​រុស្ស៊ី​ប្រចាំ​ទីក្រុង​សូ​ហ្វ៊ី​យ៉ា​(Sofia)​បាន​អំពាវនាវ​អោយ​ប៊ុល​ហ្ការី​អត់​​ធ្មត់​កុំ​ផ្តល់​សព្វាវុធ​ទៅកាន់​អ៊ុ​យក្រែន​។​

​លោកស្រី​ឯកអគ្គរដ្ឋទូត​បាន​និយាយថា​«​ខ្ញុំ​សូម​ព្រមាន​អាជ្ញាធរ​ប៊ុល​ហ្ការី​ថា ការផ្តល់​សព្វាវុធ រួម​ទាំង​អាវុធ​មាន​ប្រភព​ចេញពី​សូ​វៀត​និង​គ្រាប់រំសេវ​ទៅ​អោយ​ពួក​ជាតិនិយម​អ៊ុយ​ក្រែន​វា​មិន​ទំនង​ជា​នឹ​ង​​បន្ថែម​សុទិដ្ឋិនិយម​ចំពោះ​ការចរចា​ទ្វេភាគី​ទេ ដែល​ឥឡូវ​កំពុង​ធ្លាក់ចុះ​ដុនដាប​ខ្លាំង​ស្រាប់​»​។​

​យោង​តាម​សារព័ត៌មាន​ក្នុងស្រុក រដ្ឋាភិបាល​ប៊ុល​ហ្ការី​មាន​ការស្ទាក់ស្ទើរ​ក្នុង​ការបញ្ជូន​សព្វាវុធ​ទៅអោយ​អ៊ុ​យក្រែន​៕