ដោយៈ​ប​.​ខុន​/​ភ្នំពេញៈនៅ​ថ្ងៃ​១៨​ខែមីនា​នេះ​ឃើញ​មាន​ភ្លៀង​ធ្លាក់​រាយប៉ាយ​ច្រើន​និង​មាន​បរិមាណ​ច្រើន​ដោយ​ចាប់ផ្តើម​ពី​តំបន់​ខ្ពង់រាប​និង​ទំនាប​កណ្តាល​ភាគ​ពាយព្យ​រួចហើយ​រុញ​ចុះមក​ផ្នែក​ខាងក្រោម​(​ត្បូង​) ហើយ នៅ​រាជធាន​ភ្នំពេញ ក៏​អាចមាន​ភ្លៀង​ធ្លាក់​ដែរ តែ​ពេល​ល្ងាច​បន្តិច​។

​លោក ចាន់ យុ​ត្ថា អ្នកនាំពាក្យ​និង​ជា​រដ្ឋលេខាធិការ​ក្រសួង​ធនធានទឹក និង​ឧតុនិយម​បាន​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​១៨​ខែមីនា​ឆ្នាំ​២០២២​ថា នៅថ្ងៃនេះ​ឃើញ​មាន​ភ្លៀង​ធ្លាក់​រាយប៉ាយ​ច្រើន​និង​មាន​បរិមាណ​ច្រើន​ដោយ​ចាប់ផ្តើម​ពី​តំបន់​ខ្ពង់រាប​និង​ទំនាប​កណ្តាល​ភាគ​ពាយព្យ​រួចហើយ​រុញ​ចុះមក​ផ្នែក​ខាងក្រោម​(​ត្បូង​)​។ នៅ​រាជធានី​ភ្នំពេញ ក៏មាន​ភ្លៀង​ធ្លាក់​ដែរ តែ​ពេល​ល្ងាច​បន្តិច​។​
​ក្រសួង​ធនធានទឹក​និង​ឧតុនិយម​កាលពី​ថ្ងៃទី​១៥​ខែមីនា​បាន​ជូនដំណឹង​ស្តីពី​ស្ថានភាព​អាកាសធាតុ​សម្រាប់​ពីថ្ងៃ​ទី​១៦​ដល់​ថ្ងៃទី​២២​ខែមីនា​ឆ្នាំ​២០២២​ថា នៅក្នុង​សប្តាហ៍​នេះ​កម្ពុជា​នឹង​ទទួលរង​ឥទ្ធិពល​ពី​ជ្រលង​សម្ពាធ​ទាប​ឥណ្ឌា​ក្នុង​កម្រិត​ពី​ខ្សោយ​ទៅ​មធ្យម និង សម្ពាធ​ទាប​តូចៗ​ដែល​កើតឡើង​ផ្ទាល់​ដោយ​កន្លែង ជា​អន្លើ ( Local Low Formed ) បង្កឱ្យមាន​ភ្លៀង​ធ្លាក់​ពី​មធ្យម​ទៅ​ច្រើន​ជាមួយ បាតុភូត​ផ្គរ​រ​ន្ទ​និង​ខ្យល់​កន្ត្រាក់​។ ក្នុង​សេចក្តីជូនដំណឹង​បានសរសេរថា​ស្ថានភាព បែប​ខាងលើ​ធ្វើ​ឲ្យ​បណ្តា​ខេត្ត​នៅ​តំបន់​វាលទំនាប​កណ្តាល​មាន​សីតុណ្ហភាព​អប្បបរមា​ពី​២៤​ទៅ​២៧​អង្សា​សេ​សី​តុ​ណ្ណ​ភាព​អតិបរមា​មាន​ពី​៣៤​ទៅ​៣៦​អង្សា​សេ​។​អាចមាន​ភ្លៀង​ធ្លាក់​ក្នុង​កម្រិត​ពី​ខ្សោយ​ទៅ​បង្គួរ លាយឡំ​ដោយ​ផ្គរ រន្ទះ និង​ខ្យល់​កន្ត្រាក់​។​

​ពីថ្ងៃ​ទី​១៩​ដល់​២១​ខែមីនា ពិសេស​នៅ​តំបន់​ទំនាប​កណ្តាល​និង​ទំនាប​ភាគ ពាយ័ព្យ បរិមាណ​ភ្លៀង​កើនឡើង​ធ្វើឱ្យ​សី​តុ​ណ្ណ​ភាព​អតិបរិមា​ធ្លាក់ចុះ បន្តិច​មកវិញ ។ សម្រាប់​បណ្តា​ខេត្ត​ជាប់​ជួរ​ភ្នំ​ដងរែក​និង​ខ្ពង់រាប ឦសាន មាន​សីតុណ្ហភាព​អប្បបរមា​ពី​២៤​ទៅ​២៧​អង្សា​សេ សី​តុ​ណ្ណ​ភាព​អតិបរមា មាន​ពី​៣៤​ទៅ​៣៦​អង្សា​សេ​។ អាចមាន​ភ្លៀង​ធ្លាក់​ក្នុង​កម្រិត​ពី​ខ្សោយ​ទៅ​បង្គួរ លាយឡំ​ដោយ​ផ្គរ រន្ទះ​និង​ខ្យល់​កន្ត្រាក់ ។ នៅ​តំបន់​មាត់សមុទ្រ​មាន សីតុណ្ហភាព អប្បបរមា​ពី​២២​ទៅ​២៤​អង្សា​សេ សីតុណ្ហភាព​អតិបរមា​មាន​ពី​៣២ ទៅ​៣៤​អង្សា​សេ​។​អាចមាន​ភ្លៀង​ធ្លាក់​ក្នុង​កម្រិត​ពី​មធ្យម​ទៅ​ច្រើន លាយឡំ​ដោយ​ផ្គរ រន្ទះ និង​ខ្យល់​កន្ត្រាក់​៕/PC​