ដោយៈ​សុផល​/​ភ្នំពេញ​៖ KSH mobile App គឺជា​កម្មវិធី​ទូរ​សព្ទ​ដៃ​ដែល​ត្រូវបាន​បង្កើតឡើង​ដោយ​អ្នកជំនាញ​ក្នុង​វិស័យ​អប់រំ ដើម្បី​រួមចំណែក​ក្នុង​ដំណោះ ស្រាយ​នៃ​វិបត្តិ​សង្គម​ក្នុងការ​រស់នៅ​តាមបែប​គន្លង​ថ្មី (New Normal) ខណៈ​ឥទ្ធិពល​អវិជ្ជមាន​នៃ​វិបត្តិ​ជំងឺ​កូ​វីដ​១៩​ក៏​នៅតែ​បន្ត​ធ្វើឱ្យ​ប្រឈម​ដល់​បញ្ហា​មួយចំនួន​។​

​ឆ្លើយតប​ទៅនឹង​បញ្ហា​ទាំងនេះ KSH mobile App បានផ្តល់​ជូន​ដល់​សាធារណជន​កម្ពុជា នូវ​វីដេអូ​អប់រំ​ខ្លី​ជាង​៥០០​ឃ្លី​ប សម្រាប់​ទស្សនា​ដោយ​សេរី​នៅក្នុង​កម្មវិធី​ទូរ​សព្ទ​ដៃ ទាំង​IOS និង Android របស់​ទូរ​សព្ទ​។​

​លោក ឃីម សុខ​ហេង ស្ថាបនិក​នៃ​កម្មវិធី​ទូរ​សព្ទ​ដៃ KSH mobile បាន​មានប្រសាសន៍​នៅក្នុង​សន្និសីទ​សារព័ត៌មាន កាលពី​ពាក់កណ្តាល​សប្តាហ៍​នេះ​ថា ៖​នៅពេលដែល​យើង​មិនមែនជា​ចំណែក​នៃ​ដំណោះស្រាយ​នោះ​យើង​នឹង​ក្លាយជា​ចំណែក​នៃ​បញ្ហា ហើយ​បញ្ហា​សង្គម មិនមែនជា​បញ្ហា​តែ​ឪពុកម្តាយ កូនៗ ឬ​យុវជន ឬ​រដ្ឋាភិបាល​តែមួយ​មុខ​នោះទេ ប៉ុន្តែ​វា​ជា​បញ្ហា​របស់​យើងទាំងអស់គ្នា​។​

​លោក​បាន​បន្តថា ក្នុងនាម​លោក​ជា​អ្នក​អប់រំ លោក​ពេញចិត្ត​ក្នុងការ​ចែករំលែក​ទៅកាន់​បងប្អូន​ប្រជាពលរដ្ឋ​យើង អំពី​ដំណោះស្រាយ ដែល​អាចឆ្លើយតប​នឹង​បញ្ហា​ដែល​គាត់​កំពុង​ប្រឈម​។​ពួកគាត់​គ្រប់​ខ្នង​ផ្ទះ​សុទ្ធតែ​អាច​ទទួលបាន​ការអប់រំ​ដូចៗ​គ្នា​ស្មើៗ​គ្នា​តាមរយៈ​នៃ​ការទាញយក​កម្មវិធី​ទូរ​សព្ទ​ដៃ KSH mobile App មក​ស្តាប់​បាន​ដោយ​សេរី នូវ​វីដេអូ​អប់រំ​របស់​យើង ដែល​បង្ហោះ​ជា​បន្ត បន្ទាប់ ។

លោកគ្រូ​ឃីម សុខ​ហេង ក៏​មិនមែន​ត្រឹមតែ​ជា​គ្រូ​របស់​អ្នក​រាល់គ្នា​ដែរ តែ​ជា​សមាជិក​នៃ​គ្រួសារ​ខ្មែរ​យើងទាំងអស់គ្នា ដោយ​យើង​នៅក្បែរ​គ្នា និង​ជួយ​គ្នា​ជានិច្ច ពិសេស​គឺ​តាមរយៈ​នៃ​ការអប់រំ​នេះ​ផ្ទាល់​តែម្តង​។ គួរ​រម្លឹក​ផងដែរ​ថា កម្មវិធី​ទូរ​សព្ទ​ដៃ KSH mobile ដែល​ផ្តោត​សំខាន់​ដល់​ការ អប់រំ តម្រង់​ទិសលើ​ការសិក្សា ការងារ គ្រួសារ និង​ការលើក ទឹកចិត្ត​ក្នុងការ​ដោះស្រាយ​បញ្ហា​សង្គម​នានា ត្រូវបាន​ដាក់ឱ្យ​ប្រើប្រាស់​តាំងពី​ខែ តុលា ឆ្នាំ​២០១៩​មកម្ល៉េះ​។ រហូតមកដល់​បច្ចុប្បន្ន កម្មវិធី​ទូរ​សព្ទ​ដៃ KSH mobile នេះ​មាន​អ្នក​ទាញយក និង​ប្រើ ប្រាស់​សកម្ម​ជាង ១៨៤​ពាន់​នាក់ (184000 Subscribers) ខណៈ​ក្រុម ការងារ​នៃ​កម្មវិធី​ទូរ​សព្ទ​ដៃ KSH mobile នេះ​រំពឹងទុក​ថា ត្រឹម​ដំណាច់ខែ​មីនាឆ្នាំ ២០២២​នេះ នឹង​ទទួលបាន​អ្នកប្រើប្រាស់​ដល់​១​លាន​នាក់​។ ជាងនេះទៅទៀត វីដេអូ​ឃ្លី​ប​អប់រំ​ជាង​១៥០០​ឃ្លី​ប ត្រូវបាន​បង្ហោះ​នៅក្នុង​កម្ម វិធី​ទូរ​សព្ទ​ដៃ KSH mobile​។

​ចាប់តាំងពី​ខែមីនា​ឆ្នាំ​២០២០​អង្គការ​សុខភាព​ពិភពលោក​បានធ្វើ​ការប្រកាស​ជា​សាកល​ថា​ពិភពលោក​ទាំងមូល​កំពុង​តែ​ជួបនឹង​វិបត្តិ​នៃ​ការផ្ទុះ​រីក​រាលដាល​នៃ​ជំងឺ​កូ​វីដ​១៩​។ វិបត្តិ​នេះ មិន​ត្រឹមតែ​ប៉ះពាល់​ដល់​បញ្ហា​សុខភាព​សាធារណៈ តែមួយ​មុខ​ប៉ុណ្ណោះ​ទេ ប៉ុន្តែ​កត្តាសេដ្ឋកិច្ច និង​សង្គម ក៏​ទទួលផល​ប៉ះ ពាល់​យ៉ាងដំណំ​ផងដែរ​៕​Ph