ដោយៈ ប​.​ជ័យ / បន្ទាយ​មាន​ជ័​យៈ អាជ្ញាធរ កងកម្លាំង​មមាញឹក ចុះជួយ​ជួសជុលផ្ទះ ជូន​ពលរដ្ឋ ដែល​ខូចខាត ដោយ​ខ្យល់​កន្ត្រាក់ នាពេល​កន្លងមក ហើយ​ក្នុងឱកាស​នោះ លោក អ៊ុំ រាត្រី អភិបាលខេត្ត​បន្ទាយមានជ័យ បាន​នាំយក​ស័ង្កសី ដែលជា​អំណោយ​របស់លោក ហ៊ុន ម៉ា​ណែ​ត ទៅ​ផ្តល់ជូន​ពលរដ្ឋ​រងគ្រោះ​ទាំងនោះ​។​

​ចំណែក​បាតុភូតធម្មជាតិ​មួយទៀត បានកើត​ឡើង គឺ​រន្ទះភ្លើង បាញ់​ដើមត្នោត ខ្ចាយ​ព្រាយ ផ្កាភ្លើង ទៅ​ឆេះ​ខ្ចូ​ស​មួយ​ខ្នង របស់​ឈ្មោះ អិន សំអាត ភេទ​ស្រី អាយុ​៥២​ឆ្នាំ និង​ឆេះ​ម៉ា​សុ​ី​ន ហាត់ប្រាណ ១​គ្រឿង នា​ថ្ងៃទី​១៨ ខែមីនា ឆ្នាំ​២០២២ វេលា​ម៉ោង ៣​និង​៥០​នាទី ក្នុងភូមិ​ព្រេច​កី ក្នុង​ឃុំ​តា​ផូ ស្រុក​ស្វាយចេក​។​

​នៅ​រសៀល ថ្ងៃទី​១៨ មីនា នេះដែរ លោក អ៊ុំ រាត្រី បាន​អញ្ជើញ​ចុះ​ពិនិត្យមើល​កងកម្លាំង អាជ្ញាធរ​មូលដ្ឋាន សហការគ្នា ចូលរួម​ជួយ​ធ្វើ​ផ្ទះ​ឡើងវិញ ជូន​ប្រជាពលរដ្ឋ​រងគ្រោះ ដោយសារ​ខ្យល់​កន្ត្រាក់ នៅ​ឃុំ​គោក​រមៀត ស្រុក​ថ្មពួក ខេត្តបន្ទាយមានជ័យ និង​បានផ្តល់ អំណោយ​ស័ង្កសី ជា​អំណោយ​របស់លោក​បណ្ឌិត ហ៊ុន ម៉ា​ណែ​ត និង​លោកស្រី ជូន​គ្រួសារ​រងគ្រោះ ៣១ គ្រួសារ​។​

​ជាមួយគ្នា​នោះ លោក​អភិបាលខេត្ត បានផ្តល់​ថវិកា​ឧបត្ថម្ភ កងកម្លាំង​ជួយ​ធ្វើ​ផ្ទះ មាន នគរបាល និង​កម្លាំងយោធា ក្នុង​១​អង្គភាព ៤០ ម៊ឺ​ន​រៀល ផងដែរ​។​

​ចំពោះ​ការឆ្លើយតប ជួយ​អន្តរាគមន៍​របស់ អធិការដ្ឋាន​នគរបាល​ស្រុក​ថ្មពួក នៅ​ព្រឹក​ថ្ងៃទី​១៨ មីនា នេះ អធិការនគរបាល​ស្រុក បាន​ដឹកនាំ​កម្លាំង ចំនួន ២០ នាក់ សហការ​ជាមួយ កម្លាំង​វរ​សេនា​តូច​នគរបាល ការពារ​ព្រំដែន​គោក​លេខ​៨០៧, កម្លាំង​កងរាជអាវុធហត្ថ ស្រុក​ថ្មពួក ,​កម្លាំង​បរិស្ថាន ដែល​ដឹកនាំ​រួម​ដោយ លោក យ៉ង់ យឺន អភិបាលរង​ស្រុក​ថ្មពួក ។​

​ពលរដ្ឋ​រងគ្រោះ បាន​កើន​សរុប​ចំនួន ៣៥ ខ្នង និង​ថែម​សាលារៀន ១​ខ្នង រង​ការខូចខាត​ធ្ងន់ និង​ស្រាល គឺ​រងគ្រោះ​ដោយសារ​ខ្ស​ល់​កន្ត្រាក់ នៅ​យប់​ថ្ងៃទី​១៧ មីនា លើ​២​ស្រុក គឺ​ស្រុក​ថ្មពួក និង​ស្រុក​ស្វាយចេក ខេត្តបន្ទាយមានជ័យ ។​

​នៅ​ថ្ងៃទី​១៨ មីនា នេះដែរ កម្លាំង​នគរបាល សហការ​ជាមួយ​យោធា បាន​ចុះជួយ​រុះរើ ប្រមូល​ស័ង្កសី និង​ជួសជុល ជូន​ប្រជាពលរដ្ឋ​ឡើងវិញ​៕/V​