​ប្រែ​សម្រួលៈ​បំណង​(​ដេល្លី​ម៉េល​)៖ ពួក​មន្ត្រីន័​រវេស​បាន​និយាយថា មិន​មាន​សញ្ញា​នៅមាន​អ្នក​នៅ​រស់​ទេ​ក្រោយ​ឧទ្ធម្ភាគចក្រ​យោធា​មួយ​ដែល​ដឹក​ទាហាន​អាម៉េរិក​បួន​នាក់​បាន​ធ្លាក់​នៅ​ប្រទេសន័​រ​វេសកាល​​ពី​ថ្ងៃ​សុក្រ ក្នុងអំឡុងពេល​ហ្វឹកហាត់​មួយ​របស់​អង្គការ​ណា​តូ​។​

​ឧទ្ធម្ភាគចក្រ​ធុន​អឹម​វី​-២២​ប៊ី អស​ស្ព្រេ​( MV-22B Osprey)​បាន​កំពុង​ចូលរួម​សមយុទ្ធ​យោធា​អង្គការ​ណា​តូ​មួយ ឈ្មោះថា​Cold Response​នៅពេល​គេ​រាយការណ៍​បាត់​វា​នៅ​ម៉ោង​៦​និង​២៦​នាទី​​ល្ងាច​។​ឧទ្ធម្ភាគចក្រ​សង្គ្រោះ​មួយ​និង​យន្តហោះ​យោធា​អូ​រ៉ា​យ​អឹន​(Orion)​របស់ន័​រវេស បាន​ចេញ​ស្វែងរក​និង​បាន​ឃើញ​ខ្មោច​ឧទ្ធម្គាចក្រ​នៅ​ម៉ោង​ជាង​៨​យប់​តែ​មិន​បាន​ទទួល​សញ្ញា​គ្រាអាសន្ន​ណាមួយ​​ទេ​។​

​ដោយសារ​អាកាសធាតុ​អាក្រក់ យន្តហោះ​ជួយសង្គ្រោះ​មិន​អាច​ចុះចត​លើដី តែ​ក្រុម​ជួយសង្គ្រោះ​កំពុង​ព្យាយាម​ចូល​ទៅ​កាន់​កន្លែងកើតហេតុ​ដោយ​ផ្លូវគោក​។​

​នាយ​ប៉ូលិសន័​រវេស​បាន​ប្រាប់​ទីភ្នាក់ងា​រសារ​ព័ត៌មាន​រ៉​យ​ទ័​រថា​« យើង​បាន​ឃើញ​យន្តហោះ​ធ្លាក់ តែ​មិន​រក​ឃើញ​សញ្ញា​នៃ​ជីវិត​ទេ​។​យើង​ត្រូវ​បាន​ជូន​ដំណឹង​ថា ជនជាតិ​អាម៉េរិក​បួន​នាក់​នៅក្នុងឧ​ទ្ធ​ម្ភា​គ​​ចក្រ​ដែល​ធ្លាក់​»​។​

​កង​ម៉ា​រី​ន​អាម៉េរិក​បានបញ្ជាក់​អះអាង ឧបទ្ទវហេតុ​នេះ​និង​ថា​វា​កំពុង​ស្ថិត​ក្រោម​ការស៊ើបអង្កេត​។​

​ពួក​មន្ត្រី​អង្គការ​ណា​តូ​ក្នុងពេល​ជាមួយគ្នា​បាន​និយាយថា «​វា​ទំនងជា​មិន​ជាប់​ពាក់ព័ន្ធ​នឹង​ការឈ្លានពាន​របស់​រុស្ស៊ី​នៅ​អ៊ុយ​ក្រែនទេ​…»​។​

​ដោយ​ភាព​តានតឹង​រវាង​អង្គការ​ណា​តូ​និង​រុស្ស៊ី​កំពុង​កើនឡើង​ខ្លាំង​ក្រោយ​រុស្ស៊ី​ចូល​ឈ្លានពាន​អ៊ុ​យក្រែន អង្គការ​ណា​តូ​បាន​និយាយ​នៅក្នុង​សេចក្តីថ្លែងការណ៍​មួយ​ថា សមយុទ្ធ​នេះ​មិន​ពាក់ព័ន្ធ​នឹង​ព្រឹត្តិ​​ការណ៍​នៅ​អ៊ុ​យក្រែន ហើយ​វា​ត្រូវបាន​គ្រោងទុក​អស់​ប្រាំបី​ខែ​មក​ហើយ​។​

​ទាហាន​ម៉ា​រី​ន​អាម៉េរិក​ប្រមាណ​៣.០០០​នាក់​នៅ​ន័​រវេស កំពុង​ចូលរួម​សមយុទ្ធ Cold Response 22 NATO ដែល​ត្រូវបាន​រៀបចំ​ធ្វើ​ពីរ​ឆ្នាំ​ម្តង​ដើម្បី​ជួយ​បង្វឹក​កងកម្លាំង​ណា​តូ​អោយធ្វើ​ប្រតិបត្តិការ​​នៅ​តំបន់​ទឹក​ក​កអាកទិក​៕

​ឧទ្ធម្ភាគចក្រ​MV-22B Osprey​របស់​កង​ម៉ា​រី​ន​អាម៉េរិក ធ្លាក់​នៅ​ន័​រវេស​កាលពី​ថ្ងៃ​សុក្រ ក្នុងពេល​ធ្វើដំណើរ​ទៅកាន់​មូលដ្ឋាន​