​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ អវកាសយានិក​រុស្ស៊ី​បី​នាក់​បាន​មក​ដល់​ស្ថានីយ​អវកាស​អន្តរជាតិ​កាលពី​ថ្ងៃ​សុក្រ​ទី​១៨​មីនា ដោយ​ស្លៀកពាក់​ឈុត​ហោះហើរ​ពណ៌​លឿង​លាយ​ខៀវ​ដែល​មើល​​ទៅ​ត្រូវ​នឹង​ទង់ជាតិ​អ៊ុ​យក្រែន​។ បុរស​ទាំង​បី​គឺ​ជា​អ្នក​មក​ដល់​ថ្មី​ដំបូង​គេ​នៅលើ​ស្ថានីយ​អវកាស​ចាប់តាំងពី​ការចាប់ផ្តើម​នៃ​សង្គ្រាម​រុស្ស៊ី​នៅ​អ៊ុយ​ក្រែន​កាលពី​ខែ​មុន​។​

​អវកាសយានិក​របស់​សាជីវកម្ម​អវកាស​រុស្ស៊ី Roscosmos លោក អូ​ឡេក អាតឹម​យ៉េវ (Oleg Artemyev) លោក ដេ​នីស ម៉ាត់​វេ​យ៉េវ (Denis Matveyev) និង​លោក សឺ​ហ្គេ កូសា​កូវ (Sergey Korsakov) បាន​ចេញដំណើរ​ដោយ​ជោគជ័យ​ពី​កន្លែង​បាញ់​បង្ហោះ​យានអវកាស បៃ​កូនួ (Baikonur) ដែល​ជួល​ដោយ​រុស្ស៊ី​នៅ​ប្រទេស​កា​ហ្សាក់​ស្ថាននៅក្នុង​យានអវកា​ស Soyuz MS-21 របស់​ពួកគេ​នៅ​ម៉ោង ៨:៥៥ យប់​ថ្ងៃ​សុក្រ​។ ពួកគេ​បាន​ចូល​ចត​យ៉ាង​រលូន​នៅ​ស្ថានីយ​នៅ​បី​ម៉ោង​ក្រោយមក ដោយ​ចូលរួម​ជាមួយ​ជនជាតិ​រុស្ស៊ី​ពីរ​នាក់ ជនជាតិ​អាម៉េរិក​បួន​នាក់ និង​ជនជាតិ​អាល្លឺម៉ង់​ម្នាក់​នៅលើ​ស្ថានីយ​អវកាស​អន្តរជាតិ​។​

​វីដេអូ​លោក​អាតឹម​យ៉េវ​ដែលថ​ត​ពេល​យានអវ​កាសត្រៀម​ចូល​ចត​ជាមួយ​ស្ថានីយ​អវកាស បានបង្ហាញ​គាត់​ស្លៀកពា់​ឈុត​ហោះហើរ​ពណ៌​ខៀវ​។ គេ​មិន​ច្បាស់​ទេ​ថា​តើ​មាន​អ្វី​ជា​សារ​ចង់​ផ្ញើ​ចំពោះ​ឯកសណ្ឋាន​ពណ៌​លឿង ដែល​ពួកគេ​បាន​ប្តូរ​។​

​នៅពេល​អវកាសយានិក​អាច​និយាយ​ជាមួយ​ក្រុម​គ្រួសារ​នៅ​លើ​ផែនដី លោក​អាតឹម​យ៉េវ​ត្រូវ​បាន​សួរនាំ​អំពី​ឈុត​លឿង​នេះ​។ គាត់​បាន​និយាយថា អវកាសយានិក​ទាំងអស់​មាន​សិទ្ធិ​ជ្រើសរើស​ឈុត​ផ្ទាល់ខ្លួន​របស់​ពួកគេ​។​

​លោក​បាន​និយាយថា “​វា​ដល់​វេន​ពួកយើង​ជ្រើសរើស​ពណ៌​។ ប៉ុន្តែ​តាម​ពិត យើង​មាន​ឈុត​ពណ៌​លឿង​នៅសល់​ច្រើនណាស់ ដូច្នេះ​យើង​ត្រូវតែ​ប្រើ​វា​។ ដូច្នេះហើយ​បានជា​យើង​ត្រូវ​ស្លៀកពាក់​ឈុត​ពណ៌​លឿង​”​។​

​ចាប់តាំងពី​សង្គ្រាម​បានចាប់ផ្តើម មនុស្ស​ជាច្រើន​បាន​ប្រើប្រាស់​ទង់ជាតិ​អ៊ុយ​ក្រែ​ន​និង​ពណ៌​ទង់ជាតិ ដើម្បី​បង្ហាញ​ពី​សាមគ្គីភាព​ជាមួយ​ប្រទេស​នេះ​៕

​អវកាសយានិក​ទាំង​បី​របស់​រុស្ស៊ី​ស្លៀកពាក់​ឈុត​លឿង​នៅ​ស្ថានីយ​អវកាស​អន្តរជាតិ​