​ប្រែ​សម្រួលៈ​បំណង​(​វ៉េ​អិន​អិច​ស្ព្រេ​ស​)៖ ក្រសួង​សុខាភិបាល​វៀត​ណា​ម​កាលពី​យប់​ថ្ងៃ​សៅរ៍​បានប្រកាស​អ្នក​កើតកូ​វីដ​១៩​ថ្មី​ចំនួន​៤២៤.៧១៧​នាក់​បន្ថែមទៀត តែ​ក្នុង​ចំនួន​នេះ​ជាង​២៧៤.០០០​នាក់​បាន​ឆ្លង​​កាលពី​ប៉ុន្មាន​ថ្ងៃមុន​ហើយ​ទើប​រាយការណ៍​បញ្ចូល​ក្នុង​ឃ្លាំង​ទិន្នន័យ​ជាតិ​។

​កាលពី​ថ្ងៃ​ពីថ្ងៃ​សៅរ៍ អ្នកជំងឺ​កូវី​ដ​១៩​ចំនួន​៧៧​នាក់​ទៀត​ក៏​បាន​ស្លាប់​ដែល​នាំ​អោយ​ចំនួន​ស្លាប់​ដោយ​ជំងឺ​នេះ​សរុប​នៅ​វៀតណាម​កើន​ដល់​៤១.៨២០​នាក់ ក្នុងចំណោម​អ្នក​ឆ្លង​ជាង​៧,៧១​លាន​នាក់​។​

​ទីក្រុង​ហាណូយ​និង​ខេត្ត​ណា​ម ឌិញ​(Nam Dinh) ព្រមទាំង​ទាំង​ខេត្ត​បាក់​និ​ញ​(Bac Ninh)​ភាគ​ខាងជើង បាន​បន្ថែម​ចំនួន​ឆ្លង​កាលពី​ប៉ុន្មាន​ថ្ងៃមុន​នាំអោយ​ទីតាំង​ទាំង​បី​មាន​អ្នក​ឆ្លងកូវី​ដ​១៩​ថ្មី​ច្រើន​ជាង​គេ ដោយ​ក្រុង​ហាណូយ​បន្ថែម​អ្នក​ឆ្លង​ថ្មី ២១១.០៧១​នាក់​ខេត្ត​ណា​ម ឌិញ​៥០.៧៨៨​នាក់ និង​បាក់​និ​ញ ៣៨.៨៦២​នាក់​។​

​ប្រជាជន​ក្រុង​ហាណូយ​នាំគ្នា​រាំ​នៅ​ក្នុង​វិថី​មួយ​ក្បែរ​បឹង​ហ័ន​គៀម កាលពី​ថ្ងៃ​១៨​មីនា ២០២២ ខណៈ​ទីក្រុង​នេះ​មាន​ការ​ឆ្លងកូវី​ដ​១៩​ខ្លាំង​

​ក្នុងពេល​ជាមួយគ្នា វៀតណាម​កំពុង​ពិចារណា​ចាក់​វ៉ាក់សាំង​ដូសទី​បួនដល់​ពលរ​ដ្ឋខ្លួន​ខណៈ​រដ្ឋាភិបាល​កំពុង​ធ្វើការ​សិក្សា​ស្រាវជ្រាវ​និង​ស្តាប់​អនុសាសន៍​ពី​អង្គការ​សុខភាព​ពិភពលោក​ទាក់ទង​នឹង​ការ​​ចាក់ដូស​ជំរុញ​ទីបួន​។​

​នាយករដ្ឋមន្ត្រី​វៀតណាម​ក៏​បាន​ស្នើ​អោយ​វិទ្យាស្ថាន​សិក្សា​ស្រាវជ្រាវ​ពិនិត្យ​មើល​លទ្ធភាព​នៃ​ការចាក់​ដូ​សទី​ប្រាំ​ក្នុង​ករណីចាំបាច់​។​

​សូមបញ្ជាក់​ថា វៀតណាម​មាន​បំណង​ចាក់​វ៉ាក់សាំង​អោយ​មនុស្ស​គ្រប់​គ្នា​ចាប់ពី​អាយុ​១២​ដល់​១៨​ឆ្នាំ​នៅក្នុង​ខែ​នេះ និង​ត្រៀម​ចាក់អោយ​ក្មេង​អាយុ​បី​ឆ្នាំ​ឡើង​ផងដែរ​៕

​វៀតណាម​បាន​ចាក់​វ៉ាក់សាំង​ជាង​២០១​លាន​ដូស​ចាប់តាំងពី​មុន​មក​។​នាយករដ្ឋមន្ត្រី​វៀតណាម​បញ្ជា​អោយ​ក្រសួង​សុខាភិបាល​ត្រៀម​ចាក់​វ៉ាក់សាំង​កូវី​ដ​១៩​អោយ​ក្មេង​អាយុ​៣​ឆ្នាំ​ឡើង​