ដោយៈ ដកស្រង់​ពី​វចនានុក្រម​សម្តេច​សង្ឃរាជ ជួន ណាត​

ពីព្រោះ​

​និបាតសព្ទ​

​ព្រោះ​, ព្រោះតែ​; ហេតុតែ​, ដ្បិត​, ដ្បិតតែ​
​បានជា​ខ្ញុំ​ហ៊ាន​ឃាត់ ពីព្រោះ​មាន​បញ្ញត្តិ​ហាម​មិន​ឲ្យ​ចូល​… ។​

អាយតនិបាត​

​ព្រោះ​, ព្រោះតែ​; ហេតុតែ​, ដ្បិត​, ដ្បិតតែ​
​បានជា​ខ្ញុំ​ហ៊ាន​ឃាត់ ពីព្រោះ​មាន​បញ្ញត្តិ​ហាម​មិន​ឲ្យ​ចូល​… ។​

ពង្រោះ​

​នាមសព្ទ​

​ការដែល​ព្រោះ​, ពូជ​ដែល​ព្រោះ​រួចហើយ​, ទី​សម្រាប់​ព្រោះ​ពូជ​ឬ​ស្រូវ​ដែល​ដុះ​អំពី​ការ​បាច​ព្រោះ​ពូជ​
​ស្រែពង្រោះ​, ស្រូវពង្រោះ ។​

​ពិគ្រោះ​

កិរិយាសព្ទ​

(​សំ​. វិ​គ្រហ​; បា​. វិគ្គហ ប្រើ​ជា ន​. “​ការប្រកាន់​ខុសគ្នា​, ការជជែក​ទាស់​ដំណើរ​គ្នា​; ការធ្វើ​សេចក្ដី​ឲ្យ​ពិស្ដារ​, ការញែក​សេចក្ដី​…”) ប្រឹក្សា​គ្នា​; គិត​គ្នា​, សាកសួរ​គ្នា ឲ្យ​អស់អាថ៌​សេចក្ដី​
​ពិគ្រោះគ្នា​, ចាំ​ពិគ្រោះគ្នា​មើល​សិន ( ម​. ព​. វិគ្គហៈ ឬ វិគ្រោះ​ផង ) ។​

​កខិបកខុប​

(​ក៏​ខិ​ប​ក៏​ខុប​)

​កិរិយាវិសេសន៍​

​ដែលមាន​ចិត្ត​អរ ព្រោះ​បាន​របស់​ជាទី​គាប់ចិត្ត​
​អរ​កខិបកខុប ។​

គុណសព្ទ​

​ដែលមាន​ចិត្ត​អរ ព្រោះ​បាន​របស់​ជាទី​គាប់ចិត្ត​
​អរ​កខិបកខុប ។​

​កណ្ដាល​

​នាមសព្ទ​

​ទី​ទីទៃ​ពី​ខាង គឺ​ទី​ជា​ចន្លោះ​ស្មើ ភាគ​ទៅខាង​ដើម​, ចុង ឬ មុខក្រោយ​, ឆ្វេង​ស្តាំ​
​កណ្ដាលផ្លូវ​, កណ្តាលទន្លេ ។ ល ។ ជាន់​មនុស្សលោក​យើង ហៅថា ឋានកណ្ដាល ដែរ ព្រោះ​ជា​ចន្លោះ​សួគ៌​និង​នរក ។​

គុណសព្ទ​

​យ៉ាង​ល្មម​, មិនល្អ​មិនអាក្រក់​, មិនធំ មិនតូច ។ ល ។​

នាមសព្ទ​

​ឈ្មោះ​ខែត្រ​មួយ​របស់​កម្ពុជា មា​នទី​រាជការ​នៅ​ភ្នំពេញ សព្វថ្ងៃ​តាំងនៅ​តាខ្មៅ​
​ខែត្រ​កណ្ដាល ។​