ដោយៈ សុខ​សុ​ភ័​ណ្ឌ / កំពង់ស្ពឺៈ បុរស​ម្នាក់​បាន​ស្លាប់​ភ្លាមៗ បន្ទាប់ពី​បើក​ម៉ូតូ បុក​ចំ​ពីក្រោយ​រថយន្ត នៅលើ​ផ្លូវជាតិ​លេខ​៥១ ត្រង់​ចន្លោះ​គីឡូម៉ែត្រ​លេខ ២៧-២៨ ស្ថិត​ត្រង់ចំណុច​ភូមិ​វត្តភ្នំ​តូច ឃុំ​ភ្នំ​តូច ស្រុក​ឧដុង្គ ខេត្តកំពង់ស្ពឺ កាលពី​ល្ងាច ថ្ងៃទី​២០ ខែមីនា ឆ្នាំ​២០២២​។​

​សមត្ថកិច្ច បាន​ឲ្យ​ដឹងថា មុន​កើតហេតុ គេ​ឃើញ​ម៉ូតូ​មួយគ្រឿង ម៉ាក HONDA SONIC ពណ៌​ខ្មៅ ពាក់​ផ្លាកលេខ ភ្នំពេញ 1IK-1653 អ្នកបើកបរ មិន​ស្គាល់ អត្តសញ្ញាណ បើកបរ​ពី ទិស​ខាងជើង​ទៅខាង​ត្បូង លុះ​បើក​មកដល់​ចំណុច ខាងលើ បាន​ជ្រុល​ទៅបុក​ពីក្រោយ រថយន្ត​មួយគ្រឿង ម៉ាក HYUNDAI ក្បាល​ពណ៌ ស ទ្រុង​ពណ៌​ខៀវ ពាក់​ផ្លាកលេខ កំពង់ស្ពឺ 2A-5832 អ្នកបើកបរ មិនទាន់​ស្គាល់​អត្តសញ្ញាណ ដែល​កំពុង​បើកបរ​ស្រប​ទិស​គ្នា បណ្តាល​ឲ្យ​អ្នក ជិះ​ម៉ូតូ ស្លាប់​ភ្លាមៗ​។​

​ប្រភព​ដដែល បាន​បន្តថាៈ ក្រោយពី​កើតហេតុ កម្លាំង​សមត្ថកិច្ច​ជំនាញ បាន​ចុះ​វាស់វែង និង​អូស​យក​ម៉ូតូ និង​រថយន្ត យកទៅ​រក្សាទុក នៅ​អធិការ ដ្ឋា​ន​នគរបាល ស្រុក​ឧដុង្គ រង់ចាំ​ដោះស្រាយ​ពេល​ក្រោយ ចំណែក​សព បុរស​ខាងលើ បាន​តំកល់ទុក នៅ​មន្ទីរពេទ្យ​ស្រុក និង​បាន​ស្រាវជ្រាវ រក​សាច់ញាតិ អោយមក​ទទួលយក​៕/V​-PC