ដោយៈ សុវណ្ណ​កុម្ភៈ / បាត់ដំបងៈ ព្រឹត្តិការណ៍​ការប្រកួត​កីឡា​តុង​ហ្គី​ល​ម៉ូ​ដូ ជ្រើសរើស​ជើង ឯក​ថ្នាក់ជាតិ ប្រចាំឆ្នាំ​២០២១ នៅ​សាល​ពហុ​ជំនាញ នៃ​វិទ្យាស្ថាន​គរុកោសល្យ បាត់ដំបង ខេត្តបាត់ដំបង ក្រោម​ការប្រើប្រាស់​ថវិកា ឧបត្ថម្ភ​ប្រចាំឆ្នាំ របស់​ក្រសួង​អប់រំ យុវជន និង​កីឡា​។​

​លោក ជ័យ ចាប ទីប្រឹក្សា​រាជរដ្ឋាភិបាល នៃ​ព្រះរាជាណាចក្រ​កម្ពុជា ទីប្រឹក្សា សម្តេចចៅហ្វា វាំង គង់ សំអុល ឧបនាយករដ្ឋមន្ត្រី រដ្ឋមន្ត្រី​ព្រះបរមរាជវាំង និង​ជា​ប្រធាន​សហព័ន្ធ​កីឡា តុង​ហ្គី​ល​ម៉ូ​ដូ​កម្ពុជា និង​លោក ហា​ជី​មិ សៃ​តុ ប្រធាន​សហព័ន្ធ​កីឡា តុង​ហ្គី​ល​ម៉ូ​ដូ ប្រចាំ​ឥណ្ឌូចិន បាន​ចូលរួម​ក្នុង​ពិធី​បិទ នា​ថ្ងៃទី​២០ ខែមករា ឆ្នាំ​២០២០១ បាន​អញ្ជើញ​ចូលរួម ពិធី បិទ​ព្រឹត្តិការណ៍​ការ ប្រកួត កីឡា តុង​ហ្គី​ល​ម៉ូ​ដូ ជ្រើសរើស​ជើងឯក​ថ្នាក់ជាតិ ប្រចាំឆ្នាំ ២០២១ នៅ​សាល​ពហុ​ជំនាញ នៃ​វិទ្យាស្ថាន​គរុកោសល្យ បាត់ដំបង ខេត្តបាត់ដំបង ក្រោម​ការប្រើប្រាស់​ថវិកា ឧបត្ថម្ភ​ប្រចាំឆ្នាំ​របស់​ក្រសួង​អប់រំ យុវជន និង​កីឡា​។​

​លោក ចំរើន សុផល អគ្គលេខាធិការ នៃ​សហព័ន្ធ​កីឡា តុង​ហ្គី​ល​ម៉ូ​ដូ​កម្ពុជា​បាន​ប្រាប់​ឲ្យ ដឹងថាៈ ការប្រកួត​ជើងឯក​ឆ្នាំនេះ រយៈពេល ៤​ថ្ងៃ ដែល​ប្រព្រឹត្តទៅ ចាប់ពី​ថ្ងៃទី​១៧ ដល់​ថ្ងៃទី​២០ ខែមីនា ឆ្នាំ​២០២២ ការប្រកួត​ជើងឯក​ប្រចាំ​ឆ្នាំនេះ មាន​ក្លិប​តុង​ហ្គី​ល​ម៉ូ​ដូ ចំនួន ៨ នៅ​ទូ​ទាំំ​ង​ប្រទេស​កម្ពុជា រួមមាន ក្លិប​តុង​ហ្គី​ល​ម៉ូ​ដូ ព្រាប ស ក្លិប​តុង​ហ្គី​ល​ម៉ូ​ដូ ឌូ​វី ក្លិប​តុង​ហ្គី​ល​ម៉ូ​ដូ សំឡូត ក្លិប​តុង​ហ្គី​ល​ម៉ូ​ដូ ឃុំ​ជ្រៃ ក្លិប​តុង​ហ្គី​ល​ម៉ូ​ដូ សហគមន៍​តា​កង ក្លិប​តុង​ហ្គី​ល​ម៉ូ​ដូ ក្រុង​សៀមរាប ក្លិប​តុង​ហ្គី​ល ម៉ូ​ដូ ក្រុង​កំពត និង​ក្លិប​តុង​ហ្គី​ល​ម៉ូ​ដូ វិទ្យាល័យ​ព្រះរាជ​សម្ភារ​។ គណៈប្រតិភូ​ចំនួន ១១ នាក់ កីឡាករ​-​កីឡាការិនី ចូលរួម​ចំនួន ៦១ នាក់ សរុប​ចំនួន ៧២ នាក់ ។​

​សហ​ព​ន្ធ័​កីឡា​តុង​ហ្គី​ល​ម៉ូ​ដូ​កម្ពុជា កំពុងតែ​អនុវត្ត​នូវ​ដំណើរការ​ហ្វឹកហាត់ ការបំពេញ នូវ​បេស​សកម្ម​ជាច្រើន ដែល​ចូលរួម​បម្រើ​ដល់​ផលប្រយោជន៍ សង្គមជាតិ និង បណ្តុះបណ្តាល នូវ​ស្មា​តី ឆន្ទៈ ដល់​យុវជន យុវនារី មានមុខ​ងារ និង​បំពេញបេសកកម្ម ក្នុងការ​បម្រើ លើកកម្ពស់​វិស័យ​កីឡា ការចូលរួម ផ្សព្វផ្សាយ នូវ​សារសំខាន់​នៃ​វិស័យ​កីឡា និង​ការរួមចំណែក ក្នុងការ​អប់រំ​ច​រឹត លក្ខណៈ​ល្អ ដល់​យុវជន យុវនារី ដោយ​ផ្អែកលើ​ទស្សនៈ​នៃ ការរស់នៅ​សម្រាប់ ជា​ប្រយោជន៍​ដល់​អ្នកដទៃ​។​

​លោក ជ័យ ចាប បាន​មានប្រសាសន៍ថាៈ ជាការ​ពិតណាស់ រយៈពេល ៤​ថ្ងៃ នៃ​ការប្រកួត​កីឡា តុង​ហ្គី​ល​ម៉ូ​ដូ ជ្រើសរើស​ជើងឯក​ថ្នាក់ជាតិ ឆ្នាំ​២០២០ នាពេលនេះ គឺជា​ការផ្តល់​ឱកាស​ឲ្យ​កីឡាករ​-​កីឡាការិនី បញ្ចេញ​នូវ​ទេព កោសល្យ សមត្ថភាព ក៏ដូចជា វាស់​ស្ទង់​សមត្ថភាព បច្ចេកទេស​អត្ត​ព​លិ​ក​ម្នាក់ៗ បាន​ហ្វឹកហាត់​កន្លងមក​។ លទ្ធផល​របស់​អត្ត​ព​លិ​ក ទទួល​ជ័យលាភី​នាពេលនេះ ពិតជា​បានមកពី​ការខិតខំ​ហ្វឹកហាត់ ជាប្រចាំ មានការ តស៊ូ​ព្យាយាម គោរព​វិន័យ​បានល្អ យកចិត្តទុកដាក់ និង​គោរព​បាន​តាម​បទបញ្ជា បច្ចេកទេស នៃ​ការប្រកួត​។​

​នាពេល​បច្ចុប្បន្ន ព្រះរាជាណាចក្រ​កម្ពុជា​ក្រោម ការដឹកនាំ​ប្រកបដោយ គតិបណ្ឌិត​របស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា មាន​សុខសន្តិភាព​ទូទាំងប្រទេស និង​បានធ្វើ​ឲ្យ គ្រប់​វិស័យ​ទាំងអស់ មានការ​អភិវឌ្ឍ​ឡើង ជាក់ស្ដែង​ក្នុងនោះ មាន​វិស័យ កីឡា​ផងដែរ ។​

​បើ​យើង​គិត​ចាប់ពីពេលនេះ រហូតដល់​ឆ្នាំ​២០២៣ គឺមាន​រយៈពេល​ជាង ២​ឆ្នាំ ប៉ុណ្ណោះ ហេតុនេះ ដើម្បី​ឲ្យ​វិស័យ​កីឡា​នៅ​ព្រះរាជាណាចក្រ​កម្ពុជា កាន់តែ​មានការ​រីកចម្រើន ទាំង​បរិមាណ និង​គុណ​ទទួលបាន​លទ្ធផល​ល្អ ក្នុងការ​ប្រកួត​លក្ខណៈ​អន្តរជាតិ នានា និង​ការត្រៀម​លក្ខណៈ​ធ្វើជា​ម្ចាស់ ផ្ទះ​ស៊ី​ហ្គេម នា​ឆ្នាំ​២០២៣ ៕/V​-PC