ដោយ​:​ប​.​ជ័យ​/​បន្ទាយ​មាន​ជ័​យៈ​កំណាត់​ផ្លូវជាតិ​លេខ​៥​ចាប់ពី​រង្វង់​មួល​ស្រី​ល័ក្ខណ៍​ក្រុង​សិរីសោភ័ណ​ស្ថិតក្នុង​សង្កាត់​ព្រះ​ពន្លា​ឬ ប៉ែក​ខាងត្បូង​ទីប្រជុំជន​ក្រុង​-​ដល់​ផ្លូវបំបែក​ផ្លូវជាតិ​លេខ​៥​វាង​ក្រុង ក្នុងភូមិ​សាស្ត្រ​ឃុំ​បត់​ត្រង់ ស្រុក​មង្គល​បូរី​​ដែល​រងគ្រោះ​ដោយ​ទឹកជំនន់​រាល់​ឆ្នាំកន្លងមក​ត្រូវបាន​ស្ថាបនា​ឡើងវិញ​។​មកទល់ពេលនេះ​ការស្ថាបនា​ឈានដល់​រួចរាល់ ដោយ​ក្រុមការងារ​បាន​នឹង​កំពុង​គូស​គំនូស​ចរាចរណ៍​ចែក​ទ្រូងផ្លូវ ។​

​លោក សុក ចាន់ថា ប្រធាន​មន្ទីរ​សាធារណការ​ដឹកជញ្ជូន​ខេត្តបន្ទាយមានជ័យ​បានឱ្យដឹង​នៅ​ថ្ងៃទី​២០ ខែមីនា​ថា ក្រុមការងា​មន្ទីរ​សាធារណការ​និង​ដឹកជញ្ជូន​ខេត្ត​ដឹកនាំ​ដោយ​លោក​ផ្ទាល់​បានធ្វើការ​ជួសជុល​កំណា​ត់​ផ្លូវជាតិ​លេខ​៥​នេះ​ឡើងវិញ ក្នុងនោះ​មាន​លុប​សម្បុកមាន់ ស្នាម​ប្រេះ​ស្រុត​បំផ្លាញ​ដោយ​គ្រោះទឹកជំនន់​ទឹកភ្លៀង​កន្លងមក​ដោយ​ល្បាយ ថ្ម​ម៉ិច ស៊ីម៉ង់ត៍ និង​កៅស៊ូ នៅ ចន្លោះ គ​. ម ៣៥៥+០០០​និង គ ម ៣៥៩+០០០ ស្ថិតនៅក្រោម កិច្ចសន្យា ថែទាំ​ប្រចាំ របស់​មន្ទីរ​សាធារណៈការ​ខេត្តបន្ទាយមានជ័យ​។​ក្រោយ​ជួសជុល​រួចរាល់​មកទល់ពេលនេះ​ក្រុមការងារ​ចាប់ផ្តើម​គូរ​គំនូស​ចរាចរណ៍ ។​

​លោក​បាន​ឲ្យ​ដឹង​បន្តថា ការជួសជុល​កំណាត់​ផ្លូវជាតិ​លេខ​៥​ឡើងវិញ​នេះ អនុវត្តតាម​បទបញ្ជា​និង​ការណែនាំ​របស់ លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួង​សាធារណការ​និង​ដឹកជញ្ជូន ។​

​ការស្តារ​ឡើងវិញ​និង​ធ្វើ​ប្រសើរឡើង​នូវ​កំណាត់​ផ្លូវជាតិ​លេខ​៥​នៅ​ចំណុច​ខាងលើ​គឺ​ធ្វើឱ្យមាន​ស្តង់ដារ​និង​មាន​គុណភាព​ខ្ពស់ជាង​មុន ។ ក្នុងនោះ​ការលើក​កម្រិត​កម្ពស់​ផ្លូវ​ឱ្យ​ខ្ពស់​ផុតពី​ហា​នី​យ​ភ័យ​ទឹកជំនន់​ដូច​កន្លងមក ។ ការពង្រីក​ទទឹង​តួ​ផ្លូវ​ឱ្យ​ធំ​ទូលាយ ឆ្លើយតប​បរិមាណ​មធ្យោបាយ​ចរាចរណ៍​និង​កម្រិត​ទម្ងន់​ផ្ទុក ជាដើម ។​

​លោក សុក ចាន់ថា ក៏បាន​ឱ្យដឹង​ដែរ​ថា ក្រុមការងារ​ទី​១ បន្តការងារ​ជួសជុល​ផ្លូវជាតិ​លេខ​៥ ដែល​រងគ្រោះ​ដោយសារ​ជំនន់​ទឹកភ្លៀង ដោយ​ចាក់​ថ្ម​ម៉ិច រួច​កៀរ​កិន​បង្ហាប់ ស្ថិតនៅ​សង្កាត់​ព្រះ​ពន្លា ក្រុង​សិរីសោភ័ណ និង​ការងារ​ថែទាំ ចន្លោះ​ពី​គ ម ៣៦៥+៥០០ ទៅដល់ គម ៣៦៩+៩០០ ដោយ​សម្អាត​ដី​តាម​មាត់​រឺ​ហ្គា​រ និង​កាត់​ស្មៅ ។​​និង​ក្រុមការងារ​ទី​២ បន្តការងារ​ថែទាំ​ផ្លូវ​ខេត្ត​លេខ​១៥៦(​ពី​រង្វង់​មូល​យាយជី​ច្រូតស្រូវ​ស្រូវ​ក​មង្គល​បូរី​ទៅ​ស្តុ​ប​ផ្សារ ចក្រ​និង​ស្រុក​ព្រះនេត្រព្រះ​)​ចន្លោះ​ពី​គម ២១+០០០ ទៅដល់ គម ២២+៥០០ លុប​សំបុកមាន់ ស្នាម​ប្រេះ ស្រុត ដោយ​ល្បាយ​ថ្ម​ម៉ិច ស៊ីម៉ង់ត៍ និង​កៅស៊ូ ស្ថិតនៅ​ឃុំ​ព្រះនេត្រព្រះ ស្រុក​ព្រះនេត្រព្រះ ។​ក្រុមការងារ​ទី​៣ ជួសជុល​និង​ធ្វើឱ្យ​ប្រសើរឡើង​កំណាត់​ផ្លូវជាតិ​លេខ​៥៦​ពី​ខាងជើង​សាលាក្រុង​ទៅ​ភូមិ​កង​វ៉ា​សង្កាត់​កំពង់ស្វាយ​ប្រវែង​ជាង​៤.០០០​ម៉ែត្រ​ទទឹង​១១​ម៉ែត្រ​។​ផ្ល្លូ​វ​នេះ​រង​ការខូចខាត​ធ្ងន់ធ្ងរ​ដោយ​ជំនន់​ទឹកភ្លៀង​កាលពី​រដូវវស្សា​និង​ជាពិសេស​រង​ការបំផ្លាញ​ដោយ​រថយន្ត​ដឹក​ដី​ដែល​កាយ​ចេញពី​ខ្ពង់រាប​ខាងជើង​ភ្នំ​កង​វ៉ា ភូមិ​កង​វ៉ា​សង្កាត់​កំពង់ស្វាយ ៕

​សូម​រំលឹកថា ឆ្នាំ​២០២០​កន្លងមក និង​នៅ​ឆ្នាំមុនៗ កំណាត់​ផ្លូវជាតិ​លេខ​៥​ពី​ចំណុច​រង្វង់​មូល​ស្រី​គ្រប់​ល័ក្ខណ៍​ក្រុង សិរីសោភ័ណ​ដល់​ផ្លូវបំបែក​ផ្លូវជាតិ​លេខ​៥​វាង​ក្រុង​ក្នុងភូមិ​សាស្ត្រ​ស្រុក​មង្គល​បូរី​បាន​រងគ្រោះ​ឈ​ដោយបាន​រងគ្រោះ​ឈ​ដោយ​ទឹក​ជំ​នន​និង​ជំនន់​ទឹកភ្លៀង ព្រមទាំង​ទឹក​ហូរ​ធ្លាក់​មកពី​ស្រុកថៃ បណ្តាល​ហូរ​កាត់​លិច ច្រោះ ខូចខាត​ផ្លូវជាតិ​ច្រោះ​ដាច់​ជា​ដុំៗ ច្រើន​កន្លែង​៕​សរន​