​ប្រែ​សម្រួលៈ​បំណង​(​ដេល្លី​ម៉េល​)៖ ស្រីលង្កា​បញ្ជា​អោយ​ទាហាន​ល្បាត​តាម​ស្ថានីយ៍​ប្រេង​នៅពេល​ការតវ៉ា​ប្រឆាំង​រប៉េះរប៉ោះ​បាន​កើតមាន​ក្នុងចំណោម​អ្នកបើកបរ​រាប់ពាន់​នាក់​ដែល​តម្រង់​ជួរ​ចាំ​ចាក់​សាំង​។​

​ប្រជាជាតិ​អាស៊ី​ខាងត្បូង​នេះ កំពុង​ជួប​វិបត្តិ​សេដ្ឋកិច្ច​អាក្រក់​បំផុត​ចាប់តាំងពី​ទទួលបាន​ឯករាជ្យភាព​នៅ​ឆ្នាំ​១៩៤៨ ដោយ​ការផ្តាច់​ចរន្តអគ្គិសនី​ត្រូវធ្វើឡើង​ដោយ​ដូរ​វេន​គ្នា និង​ទំនិញ​ចាំបាច់​ដូច​ជា​​ស្បៀង​និង​ហ្គាស​ចំអិន​អាហារ​ក៏​ខ្វះខាត​។​

​អាជ្ញាធរ​បាន​និយាយថា ទាហាន​ត្រូវបាន​ដាក់ពង្រាយ​ក្រោយ​ហ្វូងមនុស្ស​ពោរពេញ​ដោយ​កំហឹង​បាន​បិទផ្លូវ​មមាញឹក​មួយ​នៅក្នុង​ទីក្រុង​កូឡុំបូ ដោយ​ធ្វើអោយ​ស្ទះចរាចរណ៍​រាប់​ម៉ោង​កាលពី​ថ្ងៃ​ចន្ទ​។​

​មន្ត្រី​យោធា​ម្នាក់​បាន​និយាយថា​« អារម្មណ៍​ខឹង​កាន់តែ​កើនឡើង​នៅពេល​ការ​តំរៀបជួរ​ចាំ​ចាក់​ប្រេង​កាន់តែ​វែង​។​មាន​ការសំរេច​ចិត្ត​មួយ​កាល​ពី​យប់មិញ​ដើម្បី​ហៅ​ទាហាន​ចូល​មក​ជួយ​ប៉ូលិស​ត្រៀម​​បង្ក្រាប​ចលាចល​ណាមួយ​»​។​

​រូបភាព​ស្តី​ពី​ឧបទ្ទវ​ហេតុ​កាលពី​ថ្ងៃ​ចន្ទ​ដែល​ត្រូវ​បាន​បង្ហោះ​ក្នុង​បណ្តាញ​សង្គម បង្ហាញ​ស្ត្រី​ដែល​ខឹងក្រេវក្រោធ​មួយ​ក្រុម​បាន​រារាំង​រថយន្ត​ដឹក​អ្នកទេសចរ​មួយ​ដើម្បី​ប្រឆាំង​នឹង​ការខ្វះ​ប្រេងកាត​ដែល​ត្រូវការ​​សំរាប់​ចង្ក្រាន​ដាំ​ស្ល​។​

​ការហៅ​ទាហាន​ចូល​ជួយ​នេះ​ក៏​កើត​ឡើង​ក្រោយ​អ្នកបើកបរ​ម្នាក់​ចាក់​សម្លាប់​អ្នកបើកបរ​ម្នាក់​ទៀត​ក្នុង​ជម្លោះ​តម្រង់​ជួរ​ចាំ​ទិញ​សាំង​និង​ការ​ដួល​ស្លាប់​មនុស្ស​ចាស់​បីនាក់​ក្នុងពេល​រង់ចាំ​ទិញ​ប្រេងឥន្ធនៈ​​ចាប់តាំងពី​ថ្ងៃ​សៅរ៍​មក​។​

​ប៉ូលិស​បាន​និយាយថា បណ្តា​ស្ថានីយ​ប្រេង​មាន​មនុស្ស​រង់ចាំ​ទិញ​តាំងពី​ពាក់កណ្តាល​យប់​។​

​ក្នុងពេល​ជាមួយគ្នា ការិយាល័យ​ប្រធានាធិបតី ហ្គោ​តាបា​យ៉ា រ៉ា​ចា​ប៉ាក់​សា បានប្រកាស​ជំនួប​កំពូល​មួយ​នៃ​គណបក្ស​នយោបាយ​ទាំងអស់​នៅ​ថ្ងៃ​ពុធ​ដើម្បី​ពិ​ភក្សា​វិបត្តិ​សេដ្ឋកិច្ច តែ​ពួក​ក្រុមប្រឆាំង​និយាយ​​ថា​ពួកគេ​នឹង​មិន​ចូលរួម​ទេ​៕

​ស្រីលង្កា​កំពុង​ជួប​ការដួលរលំ​សេដ្ឋកិច្ច​ដ៏​អាក្រក់​ចាប់តាំងពី​ប្រទេស​ទទួលបាន​ឯករាជ្យភាព​នៅ​ឆ្នាំ​១៩៤៨​។ ឥឡូវ​សូម្បីតែ​ហ្គាស​ចំអិន​អាហារ​ក៏​ខ្វះ​